Чюйютлелеге 11:4 - Сыйлы Инжил бла Забур

⁴ Ийманы бла Къабилден эсе Абил Аллахха иги къурман келтиргенди. Ол тюзлюклю болгъанына ийманы бла шагъатлыкъ алгъанды; нек десегиз аны саугъаларыны юсюнден Аллах ыразы болгъанына шагъатлыкъ этгенди. Абил ёлген эсе да, ийманы бла ол энтда айтып турады.

Чюйютлелеге 11:4 Iomraidhean Croise

Маттай 23:35

Алай бла жер башында тёгюлген битеу тюзлюклюлени къанлары, тюзлюклю Абилни къанындан башлап, сиз аны табыныучу юйню бла къурман этилиучю жерни арасында ёлтюрген, Берекия улу Зекерияны къанына дери, сизни башыгъызгъа келсин.

Лука 11:51

Абилни къанындан башлап, къурман этилиучю жерни бла табыныучу юйню арасында ёлтюрюлген Зекерияны къанына дери бу тукъумдан тёленирикди. Алайды деп, сизге айтама: бу тукъумдан тёленирикди.

Титге 1:16

Ала Аллахны билебиз деп айтадыла; ишлери бла уа Аны инкяр этедиле, жийиргенчли, бойсунмаучу эм бир тюрлю ахшы ишге жараусуз адамладыла.

Чюйютлелеге 11:2

Буруннгулула ийманлары бла Аллахны ыразы этгенлерине шагъатлыкъ алгъандыла.

Чюйютлелеге 12:1

Бизни тёгерегибизде булутла кибик алай кёп шагъатла бардыла! Ол себепден битеу бизге чырмау болгъан затланы, бизни бийлеп тургъан битеу гюняхларыбызны юсюбюзден атайыкъ эмда бизге белгиленнген жолубузда тёзюмлюк бла барайыкъ.

Чюйютлелеге 12:24

Жангы кесаматны Келечиси Иссагъа эмда Абилни къанындан эсе игисин айтхан бюркюлген къаннга жууукълашхансыз.

Чюйютлелеге 5:1

Эски Кесаматха кёре, адамладан сайланнган хар баш дин къуллукъчу саугъала эмда адамланы гюняхларын кечдириучю къурманла келтирирге, Аллахны аллында адамла ючюн къуллукъ этерге сайланады.

Чюйютлелеге 9:22

Тауратны Законуна кёре, хазна къалмай хар зат да къан бла тазаланады эм, къан тёгюлмей, гюнях кечилмейди.

II Петер 2:8

Нек десегиз бу тюзлюклю, аланы арасында жашап, законсузлукъ ишлени кёрюп эм эшитип тургъан заманында аны тюзлюклю жаны хар кюн сайын къыйналып тургъанды, –

Яхуда 1:11

Алагъа палах! Нек десегиз ала Къабилни жолу бла баргъандыла, Биламча ултхагъа терилиуге кеслерин бергендиле эм Корахча терс акъыллылыкъ бла къажымай жоюлгъандыла.