Чюйютлелеге 11:26 - Сыйлы Инжил бла Забур

²⁶ Эм Мисирни хазналарындан эсе, Масих ючюн ыйлыкъдырылгъанын кесине уллу байлыкъгъа санагъанды; нек десегиз ол аллыкъ саугъасына къарагъанды.

Чюйютлелеге 11:26 Iomraidhean Croise

Забур 37:16

Санга ышанама мен, Раббий; я Раббий Аллахым, Сен тилегими къабыл этериксе.

Маттай 10:41

Файгъамбарны файгъамбарлыгъы ючюн къабыл этген адам файгъамбарны саугъасын аллыкъды; тюзлюклюню тюзлюклюлюгю ючюн къабыл этген адам да тюзлюклюню саугъасын аллыкъды.

Маттай 5:12

Сюйюнюгюз эмда къууанч этигиз; кёкледе сизни аллыкъ саугъагъыз уллуду. Сизден алгъын болгъан файгъамбарлагъа да алай зулму этгендиле».

Маттай 6:1

«Садакъагъызны адамланы аллында ала кёрсюнле деп этмезге сакъ болугъуз, алайсыз сиз Кёкдеги Атагъыздан саугъа аллыкъ тюйюлсюз.

Лука 14:14

Сора ала санга къайтаралмагъанлары ючюн, насыплы боллукъса, нек десенг санга тюзлюклюлени тиргизилиуюнде къайтарылыр», – деди.

Лука 14:33

Сизни хар биригиз да алай, битеу болгъан затын къоймаса, Мени сохтам болаллыкъ тюйюлдю.

Ишлери 5:41

Абустолла уа Раббий Иссаны аты ючюн сансыз этилирге тийишли кёрюлгенлерине къууанып, синедриондан кетдиле.

II Коринфлилеге 12:10

Ол себепден, Масих ючюн къарыусузлукълада, жаныма тийиуледе, кереклиликледе, зулмулукълада, тарлыкълада мен тынч кёллюлюк этеме; нек десегиз мен къарыусуз болгъан заманымда, кючлюме.

II Коринфлилеге 6:10

Мудах кибик кёрюнебиз, алай а хар заманда да къууанабыз. Жарлыбыз, алай а кёплени бай этебиз. Бир затыбыз да жокъду, алай а барына да иебиз.

Эфеслилеге 1:18

Аны чакъырыуундан келген умутну, Ол сыйлы халкъына юлюшге берирге сёз берген аламат байлыкъны

Эфеслилеге 3:8

Сыйлыланы битеу барындан да эм гитче болгъанымлай, Масихни акъылгъа сыйынмагъан байлыгъыны юсюнден башха миллетлеге хайыр хапар берирге

Чюйютлелеге 10:33

Бир-бирде халкъны аллында сизни хыликкя эте эдиле, сизге зулму эте эдиле, бирбирде уа ол затланы сынагъанлагъа болуша эдигиз.

Чюйютлелеге 10:35

Ол себепли уллу саугъасы боллукъ ышаныуугъузну къоймагъыз.

Чюйютлелеге 11:6

Ийманынг болмаса, Аллахны ыразы этерге амал жокъду. Ол себепден Аллахха жууукълашхан Аны бар болгъанына эм Аны излегенлеге Ол тийишлисин бергенине ийнаныргъа керекди.

Чюйютлелеге 13:13

Алай бла, Аны ючюн бедишлик этилгенибизге тёзе, ыстауатдан тышына чыгъып, Анга барайыкъ.

Чюйютлелеге 2:2

Нек десегиз мёлеклени юслери бла билдирилген сёз къаты болгъан эсе, эм хар тюрлю терслик эм тынгыламаулукъ тюз тийишлисин алгъан эсе,

I Петер 1:11

Масихни алада болгъан Нюрю Масихни азап чегеригин эм аны ызындан махтаулу боллугъун алгъындан билдирген заманда, ала ол Нюр къайсы эм не заманны кёргюзтгенин тинтип къарагъандыла.

I Петер 4:14

Масихни аты ючюн сизге аман айта эселе, сиз насыплысыз; нек десегиз махтаулу Нюр, Аллахны Нюрю, сизни юсюгюзде къалады. Ала Анга аман айтадыла, сиз а Аны махтайсыз.

Билим Ачханы 2:9

„Сени ишлеринги, азап чекгенинги эм жарлылыгъынгы билеме. Алай а сен байса! Кеслерини юслеринден, биз иудейлилебиз деп, сизге аман айтханланы да билеме. Ала иудейли тюйюлдюле, шайтанны жыйымдыгъыдыла.

Билим Ачханы 3:18

Сен бай болур ючюн, отда тазаланнган алтынны эм кийинир ючюн, къымыжалыгъынгы уятлыгъы кёрюнмез ючюн, акъ кийимни Менден алыргъа санга акъыл юйретеме; кёрюр ючюн да, кёзлеринге кёз дарман сюрт.