Чюйютлелеге 11:25 - Сыйлы Инжил бла Забур

²⁵ Бир кесек заманнга гюняхлы зауукъланыудан эсе, Аллахны халкъы бла азап чегиуню сюйгенди.

Чюйютлелеге 11:25 Iomraidhean Croise

Забур 47:9

Биз эшитгенибиз кибик, хар неге да кючю жетген Раббийни шахарында, бизни Аллахыбызны шахарында, алай кёрдюк; Аллах аны ёмюрлеге да кючлю этерикди.

Забур 84:10

Бизни жерибизде махтау турур ючюн, Андан къоркъгъанлагъа Аны къутхарыуу алай жууукъду!

Маттай 13:21

Алай а кесинде тамыры болмагъан эм бир акъылда турмагъан, сёз амалтын къыйынлыкъ неда зулмулукъ келген заманда, олсагъат тайгъан адамны кёргюзтеди.

Лука 16:25

Ибрахим а: „Жашым! Сен жашагъан кезиуюнгде ахшылыгъынгы алып бошагъанынгы, Лазарь а аманлыкъны сынагъанын эсинге тюшюр. Энди уа ол мында жапсарылады, сен а азап чегесе.

Ишлери 7:34

Мени халкъым Мисирде зулмулукъда тургъанын Мен кёреме эмда аны ынчхагъанларын эшитеме; аланы къутхарыргъа тюшгенме. Энди бар, Мен сени Мисирге иерикме“ деп айтханды.

Римлилеге 5:3

Эм жангыз аны бла тюйюл, алай а къыйынлыкъларыбыз бла да махтанабыз. Нек десегиз къыйынлыкъдан тёзюмлюк,

II Коринфлилеге 5:17

Мынга кёре, ким Масихде эсе, ол жангы жаратылгъан адамды. Буруннгу озгъанды, энди уа хар неда жангыды.

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

II Тимотейге 1:8

Алай бла Раббийибиз Масих Исса гъа шагъатлыкъ этмекден, не Аны ючюн тутмакъ болгъан менден ыйлыкъсынма; алай а Аллахны кючюне ышанып Масихни Хайыр Хапарын жайыуда мени бла бирге азап чек.

Чюйютлелеге 10:32

Озгъан кюнлеригизни – сиз жарыкъланнганыгъыздан сора уллу къыйынлыкълагъа тёзген кюнлеригизни – эсигизге тюшюрюгюз.

Чюйютлелеге 11:37

Ташла бла тюйюлюп ёлтюрюлгендиле, быхчы бла кесилгендиле, азапха салыннгандыла, къылыч бла тууралгъандыла, къой бла эчки териле кийип, ауаралыкъда айланнгандыла, къытлыкълагъа, къыйынлыкълагъа, зулмулукълагъа тёзгендиле.

Чюйютлелеге 4:9

Ол себепден Аллахны халкъына энтда шабат кюнюча ырахатлыкъ кюню къалады.

Якъуп 1:20

Нек десегиз адамны ачыуланыуу Аллах излеген тюзлюкню этмейди.

Якъуп 5:5

Сиз, дунияда эркин жашап, зауукъ этгенсиз, кесиллик кюнюгюзге кесигизни семиртгенсиз!

I Петер 2:10

Сиз бир заманлада халкъ тюйюл эдигиз, энди уа Аллахны халкъысыз; мархамат этилмегенле эдигиз, энди уа мархамат этилгенлесиз.

Билим Ачханы 18:7

Ол къаллай бир махталып эм къайнап жашагъан эсе да, анга аллай бир къыйынлыкъ бла ачыу беригиз. Нек десегиз ол кесини жюрегинде: „Патчах болуп олтурама, тул къатын тюйюлме, бушуу да кёрлюк тюйюлме!“ – дейди.