Чюйютлелеге 10:33 - Сыйлы Инжил бла Забур

³³ Бир-бирде халкъны аллында сизни хыликкя эте эдиле, сизге зулму эте эдиле, бирбирде уа ол затланы сынагъанлагъа болуша эдигиз.

Чюйютлелеге 10:33 Iomraidhean Croise

Забур 71:7

Аны заманында тюзлюклю айнырыкъды эмда ай тохтагъынчы окъуна, ырахатлыкъ кёп боллукъду.

Забур 79:12

Ол кесини бутакъларын тенгизге дери, кесини жетеклерин да Евфрат суугъа дери ийгенди.

I Коринфлилеге 4:9

Мени акъылыма кёре, Аллах, биз абустолланы ёлтюрюлюрге сюд этилгенленича эм артда сахнагъа чыгъартханды. Нек десегиз биз, мёлеклеге да, адамлагъа да, битеу дуниягъа тамашалыкъ болгъанбыз.

II Коринфлилеге 12:10

Ол себепден, Масих ючюн къарыусузлукълада, жаныма тийиуледе, кереклиликледе, зулмулукълада, тарлыкълада мен тынч кёллюлюк этеме; нек десегиз мен къарыусуз болгъан заманымда, кючлюме.

I Фесалоникачылагъа 2:14

Ол себепден сиз, къарындашла, Аллахны Иудеядагъы жамауатларындан – Масих Иссаны жамауатларындан – юлгю алгъансыз; нек десегиз, ала иудейлиледен сынагъан кибик, сиз да кеси миллетлилеригизден зулмулукъ сынагъансыз.

II Тимотейге 1:8

Алай бла Раббийибиз Масих Исса гъа шагъатлыкъ этмекден, не Аны ючюн тутмакъ болгъан менден ыйлыкъсынма; алай а Аллахны кючюне ышанып Масихни Хайыр Хапарын жайыуда мени бла бирге азап чек.

Чюйютлелеге 11:26

Эм Мисирни хазналарындан эсе, Масих ючюн ыйлыкъдырылгъанын кесине уллу байлыкъгъа санагъанды; нек десегиз ол аллыкъ саугъасына къарагъанды.

Чюйютлелеге 11:36

Бир къауумлары хыликкя этилип тюйюлгендиле, аны юсюне да бугъоула эм тутмакълыкъла сынагъандыла.

Чюйютлелеге 12:4

Сизге алыкъа гюняхха къажау къазауат этип ёлюмге дери чыдаргъа тюшмегенди.

Чюйютлелеге 13:13

Алай бла, Аны ючюн бедишлик этилгенибизге тёзе, ыстауатдан тышына чыгъып, Анга барайыкъ.