Чюйютлелеге 10:23 - Сыйлы Инжил бла Забур

²³ Ачыкъ къабыл этген умутубузну таймай тутайыкъ, нек десегиз бизге сёз Берген ышаннгылыды.

Чюйютлелеге 10:23 Iomraidhean Croise

Забур 26:1

Мени жарыгъым эм мени къутхарыучум Раббийди: мен кимден къоркъурукъма? Мени жашаууму кючю Раббийди: мен кимден абызырап турлукъма?

I Коринфлилеге 1:9

Сизни Кесини Уланы Раббийибиз Масих Исса бла бирикмекликге чакъыргъан Аллах ышаннгылыды.

I Коринфлилеге 10:13

Сиз хар адам да тюбеучю сыналыуладан башха тюрлю сыналыулагъа тюбемегенсиз. Аллах а ышаннгылыды. Ол сиз чыдаялмазча сыналыу бла сизни сынатмаз, алай а сыналыуда сиз тёзюп къутулурча амал да берир.

II Коринфлилеге 9:13

Нек десегиз адамла бу къуллукъ этиуню сынамын кёрюп, сиз Масихни Хайыр Хапарын ачыкъ къабыл этип, анга боюн салгъаныгъыз ючюн эм таза жюрекден алагъа эм барысына этген чомартлыгъыгъыз ючюн Аллахха махтау саладыла.

I Фесалоникачылагъа 5:24

Сизни чакъыргъан Аллах ышаннгылыды, Ол аны этерикди.

II Фесалоникачылагъа 3:3

Алай а, сизни бегимли этерик эм ибилисден сакъларыкъ Раббий ышаннгылыды.

Титге 1:2

Абустоллугъум а сёзюнден таймагъан Аллах ёмюрледен да алгъын заманлада берирге айтхан ёмюрлюк жашаугъа ышаныуума таянады.

Чюйютлелеге 11:11

Ийманы бла Сара кеси да, къаратон болгъанынлай да, бууаз болургъа кюч алгъанды эм жылларыны заманы озгъандан сора къозлагъанды, нек десегиз ол, сёз берген Аллахха ышана эди.

Чюйютлелеге 3:1

Алай бла, кёкню чакъырыууна къошулгъан сыйлы къарындашла, биз ачыкъ къабыл этген ийманыбызны Келечиси эм Баш Дин Къуллукъчусу болгъан Масих Иссаны ангылагъыз.

Чюйютлелеге 3:14

Нек десегиз алгъы бурун бизде болгъан ышаныуубузну ахырына дери къаты сакъласакъ, биз Масих бла бир боллукъбуз.

Чюйютлелеге 3:6

Масих а Аллахны юйюнде Уланыча тюздю. Биз таукеллигибизни эм аны бла махтаннган ышаныуубузну ахырына дери къаты сакъласакъ, Аны юйю бизбиз.

Чюйютлелеге 4:14

Алай бла, Аллахны Уланы Исса кёкледен озгъан уллу Баш Дин Къуллукъчубуз болгъанына кёре, ачыкъ къабыл этген ийманыбызны къаты тутайыкъ.

Чюйютлелеге 6:18

Аллах жалгъан айтыргъа амал жокъду. Ол себепден биз, къутхарылыр ючюн Анга келгенле, уллу таукеллик бла аллыбызда болгъан умутну тутар ючюн, Аллах эки тюрленмезлик затны: сёз бериуюн бла антын жюрютгенди.

Якъуп 1:6

Алай а, ийнаныу бла, не аз да ишекленмей тилесин; нек десегиз ишеклениучю адам жел кётюрюп чачхан тенгиз толкъуннга ушайды.

Билим Ачханы 3:11

Ма, кёп турмай келликме! Тажынгы киши алып къачмаз ючюн, болгъан затынгы тутуп тур.