Билим Ачханы 4:9 - Сыйлы Инжил бла Забур

⁹ Сора хайыуанла, ёмюрледен ёмюрлеге жашагъан, тахтада Олтургъаннга махтау да, хурмет да, шукур да берген заманда,

Билим Ачханы 4:9 Iomraidhean Croise

Забур 47:8

Сен кюн чыкъгъан жанлы жел бла таршишли кемелени ууатаса.

Забур 48:14

Аланы бу жоллары аланы акъылсызлыкъларыды, алай а аланы ызларындан баргъанла аланы айтханларын къабыл кёредиле.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

Чюйютлелеге 7:8

Мында зекятны ёллюк адамла аладыла, Мелкиседекни юсюнден а, ол ёмюрде да жашап турады деп, шагъатлыкъ этилгенди.

Билим Ачханы 1:18

Сау Менме. Ёлген да болгъанма; ма къара, ёмюрледен ёмюрлеге да саума. Амин. Ахыратны эм ёлюмню ачхычлары Мендедиле.

Билим Ачханы 10:6

Кёкню эм анда болгъанланы, жерни эм аны юсюнде болгъанланы, тенгизни эм аны ичинде болгъанланы Жаратхан, ёмюрледен ёмюрлеге Жашагъан бла ант этип: «Энди кечигиу боллукъ тюйюлдю!

Билим Ачханы 15:7

Сора тёрт хайыуандан бирлери, ёмюрледен ёмюрлеге жашап тургъан Аллахны чамланыууундан толгъан жети алтын аякъны жети мёлекге берди.

Билим Ачханы 21:5

Сора тахтада Олтургъан: «Ма, хар нени да жангы этеме», – деди. Эмда манга: «Быланы жаз, нек десенг бу сёзле хакъ кертидиле эм тюздюле», – деди.

Билим Ачханы 4:2

Олсагъат мен Сыйлы Нюрню оноуунда болуп, кётюрюлдюм; сора ма, кёкде тахта тура эди эм тахтада Олтургъан бар эди.

Билим Ачханы 4:8

Ол тёрт хайыуандан хар бирини тёгерегинде алтышар къанаты бар эди, аланы ичлери уа кёзледен толу эди; аланы не кюндюз, не кече тынчлыкълары болмай: «Бар Болгъан, Бар Болуп Тургъан эм Бар Болуп Турлукъ, битеу дунияны тутхан Раббий Аллах сыйлыды, сыйлыды, сыйлыды!» – деп къычырып турадыла.

Билим Ачханы 5:1

Сора мен тахтада Олтургъанны онг къолунда, ичинде да тышында да жазылгъан, анга жети мухур салыннган китапны кёрдюм.

Билим Ачханы 6:16

Эм таулагъа бла ташлагъа: «Бизни юсюбюзге ауугъуз, тахтада Олтургъанны бетинден эм Къозуну чамланыуундан бизни букъдуругъуз!

Билим Ачханы 7:15

Ол себепден ала Аллахны тахтасыны аллында турадыла эм Аны табыныучу юйюнде кече да, кюн да Анга къуллукъ этедиле эм тахтада Олтургъан чатырын аланы юслерине керликди.