Билим Ачханы 4:11 - Сыйлы Инжил бла Забур

¹¹ «Я Раббий Аллахыбыз, хурметни да, махтауну да, кючню да алыргъа тийишли Сенсе; хар нени да Сен жаратханса эм хар неда Сени буйругъунг бла бар болуп турады эм жаратылгъанды», – дейдиле.

Билим Ачханы 4:11 Iomraidhean Croise

Забур 18:3

Кюн кюннге хапарын жаяды, кече да кечеге билим ачады.

Забур 68:34

Нек десенг Раббий факъырланы тилеклерин къабыл этеди, Кесини тутмакъдагъыларын да сансыз этип къоймайды.

Ишлери 14:15

«Инсанла! Сиз былай нек этесиз? Биз да сизни кибик адамлабыз эмда сиз бу жалгъан затланы къоюп, кёкню да, жерни да, тенгизни да эм битеу алада болгъанланы да жаратхан жашау бериучю Аллахха ийнанып къайтышыгъыз деп, Хайыр Хапарны сизге айтабыз.

Ишлери 17:24

Дунияны эм битеу анда болгъан затланы жаратхан Аллах, кёкню да, жерни да Раббийи болгъаны себепли, къол бла ишленнген табыныучу юйледе жашамайды.

Римлилеге 11:36

Нек десегиз хар неда Анданды, Аны юсю блады эмда Аны ючюндю. Ёмюрледе да махтау Анга болсун. Амин.

Эфеслилеге 3:9

Эм хар нени да Масих Иссаны юсю бла жаратхан Аллахда, ёмюрлюкден жашырылып болгъан сыр къалай къуралгъанын барына да ачыкъларгъа манга шафауат берилгенди.

Чюйютлелеге 1:10

Эм: «Башланнганда Сен, Раббий, жерни къурагъанса, кёкле да Сени къолларынгы ишиди.

Чюйютлелеге 1:2

Бу ахыр кюнледе бизге Уланыны юсю бла айтып билдиргенди. Аны уа хар неге да ие этип салгъанды, дунияланы да Аны юсю бла жаратханды.

Билим Ачханы 1:6

Эм бизни Кесини Атасы Аллахха къуллукъ этиуде патчахла эм дин къуллукъчула этген Масиххе ёмюрледен ёмюрлеге махтау эм къудурет болсун! Амин.

Билим Ачханы 10:6

Кёкню эм анда болгъанланы, жерни эм аны юсюнде болгъанланы, тенгизни эм аны ичинде болгъанланы Жаратхан, ёмюрледен ёмюрлеге Жашагъан бла ант этип: «Энди кечигиу боллукъ тюйюлдю!

Билим Ачханы 14:7

Ол мёлек уллу ауазы бла: «Аллахдан къоркъугъуз! Анга махтау салыгъыз! Нек десегиз Аны сюд этер заманы келгенди. Кёкню да, жерни да, тенгизни да, суу чыкъгъан жерлени да Жаратханнга сежда этигиз!» – дей эди.

Билим Ачханы 19:1

Андан сора мен кёкде кёп халкъны ауазы кибик уллу ауаз эшитдим, ала: «Халелуя! Къутхарыу да, махтау да, хурмет да, кюч да Раббийибизниди;

Билим Ачханы 5:12

Ала уллу ауаз бла: «Союлгъан Къозу къудуретни да, байлыкъны да, акъылманлыкъны да, кючню да, хурметни да, махтауну да, алгъышны да алыргъа тийишлиди!» – дей эдиле.

Билим Ачханы 5:2

Сора мен кючлю мёлекни уллу ауазы бла: «Бу китапны ачаргъа эм аны мухурларын алыргъа тийишли кимди?» – деп билдиргенин кёрдюм.

Билим Ачханы 5:9

Эмда жангы зикир айтадыла: «Сен тийишлисе китапны алыргъа эм аны юсюнден мухурларын ачаргъа; нек десенг Сен союлгъанса эм Кесинги къанынг бла хар тукъумдан эм хар тилден, хар халкъдан эм хар миллетден бизни Аллахха жулугъанса