Билим Ачханы 3:3 - Сыйлы Инжил бла Забур

³ Сен не къабыл этгенинги эмда эшитгенинги эсинге тюшюр эм сакъла эмда тобагъа къайтыш. Уянмасанг а, Мен сени юсюнге гудучуча келирме эм сени юсюнге къайсы сагъатда келлигими сен билмезсе.

Билим Ачханы 3:3 Iomraidhean Croise

Маттай 25:13

Алай бла сагъайып туругъуз; нек десегиз Адам Улуну келлигини не кюнюн, не сагъатын билмейсиз».

Марк 13:33

Къарагъыз, сагъайып туругъуз, тилек этигиз; нек десегиз ол заман къачан келлигин билмейсиз.

Марк 13:36

Билмей тургъанлай келип, сизни жукълап тургъаныгъызлай тапмасын!

I Фесалоникачылагъа 5:2

Нек десегиз Раббийни кюню, кече гудучу келген кибик алай келлигин, сиз кесигиз ишексиз билесиз.

I Тимотейге 6:20

Эй Тимотей! Санга ышанып берилген окъууну тут. Жараусуз, бош сёзледен эмда адамланы жангылып «илму» дегенлерини бир-бирлерине къажау фикирлеринден тай.

II Тимотейге 1:13

Ийман бла эм Масих Иссада болгъан сюймеклик бла сен менден эшитген тюз сёзлени юлгюсюн тут.

Чюйютлелеге 2:1

Ол себепден биз, тюз жолдан ажашмаз ючюн, эшитгенлерибизге бек эс берирге керекбиз.

II Петер 1:13

Бу чархымда болгъан кезиуюмде сизни эсгертиу бла сагъайтыуну тюз кёреме.

II Петер 3:1

Сюйюлюннгенле, бу энди сизге экинчи кере жазып ийгенимди, ала бла бу ишлени эсигизге тюшюрюп сизни таза акъылыгъызны сагъайтама.

II Петер 3:10

Раббийни кюню уа, кечегиде гудучу къалай келе эсе, алай келликди. Ол заманда кёкле таууш этип жокъ боллукъдула, табийгъатны затлары уа жанып бузуллукъдула, жер эм аны юсюнде этилген ишле кюерикдиле.

Билим Ачханы 16:15

«Ма, гудучуча келеме! Сагъайып тургъан эм къымыжа болуп жюрюмез ючюн эм уятлыгъы кёрюнмез ючюн, кесини кийимин юсюнде сакълагъан насыплыды», – дейди Исса.

Билим Ачханы 2:25

Мен келгинчи, ол сизде болгъанны тутугъуз, ансы юсюгюзге башха жюк саллыкъ тюйюлме, – деп айтама.

Билим Ачханы 2:5

Алай бла къайдан энишге жыгъылгъанынгы эсинге тюшюр, тобагъа къайтыш эм алгъын этген ишлеринги эт; алай болмаса уа, къысха заманда санга келликме эм, тобагъа къайтышмасанг, сени чырахтанынгы жеринден тайдырлыкъма.

Билим Ачханы 22:7

«Ма, терк келликме! Бу китапны файгъамбарлыкъ сёзлерин тутхан насыплыды», – дейди Исса.

Билим Ачханы 3:11

Ма, кёп турмай келликме! Тажынгы киши алып къачмаз ючюн, болгъан затынгы тутуп тур.

Билим Ачханы 3:19

Мен, сюйген адамларымы бетлерине айтама эм азап берип юйретеме. Алай бла эришиучю бол эм тобагъа къайтыш.

Билим Ачханы 3:2

Уян эмда къалгъан ёле тургъанны кючлендир; нек десенг мени Аллахымы аллында сени ишлеринг тамамлы болмагъанларын кёргенме.