Билим Ачханы 21:8 - Сыйлы Инжил бла Забур

⁸ Къоркъакъланы, иймансызланы, харамланы, мурдарланы, саякъланы, хыйнычыланы, идоллагъа табыныучуланы эм битеу ётюрюкчюлени къадарлары уа от бла кукурт жаннган кёлдеди; бу экинчи ёлюмдю», – деди.

Билим Ачханы 21:8 Iomraidhean Croise

Маттай 10:28

Чархны ёлтюрюучюледен, жанны уа ёлтюрюрге болалмагъанладан къоркъмагъыз; бегирег’а жанны да, чархны да жаханимде жояргъа болаллыкъ Аллахдан къоркъугъуз.

Маттай 25:25

Ол себепден, къоркъуп, сени талантынгы барып жерде букъдургъанма; ма ахчангы“ дегенди.

Маттай 8:26

Исса алагъа: «Сиз былай къоркъакъ нексиз, ийнаныулары азла?» – деди. Андан сора туруп желни да, кёлню да тыйды, сора терен шошлукъ болду.

Марк 9:44

Жаханимде уа аланы къуртлары да ёлмейди, отлары да ёчюлмейди.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

II Фесалоникачылагъа 2:9

Законсузлукъчуну келлиги шайтанны ишиди. Ол, хар тюрлю жалгъан къудуретле, илишанла, сейирликле кёргюзтюп, жоюла тургъанланы алдагъан хар тюрлю аманлыкъ бла келликди.

I Тимотейге 4:2

Аллай окъуула уятлары кюйюп жокъ болгъан ётюрюкчю эки бетлилени юсю бла келликдиле.

Титге 1:16

Ала Аллахны билебиз деп айтадыла; ишлери бла уа Аны инкяр этедиле, жийиргенчли, бойсунмаучу эм бир тюрлю ахшы ишге жараусуз адамладыла.

Чюйютлелеге 12:24

Жангы кесаматны Келечиси Иссагъа эмда Абилни къанындан эсе игисин айтхан бюркюлген къаннга жууукълашхансыз.

Чюйютлелеге 13:4

Некях барыгъызда да багъалы кёрюлсюн эмда жатхан жеригиз айыпсыз болсун; саякълагъа бла зийначылагъа уа Аллах сюд этерикди.

I Ахия 2:22

Иссаны Масих болгъанын къабыл этмей къойгъан адам ётюрюкчю тюйюл эсе, ётюрюкчю кимди? Атаны да, Уланын да къабыл этмеген Масиххе къаршчы олду.

I Ахия 3:15

Кесини къарындашын сюймеген хар адам адам ёлтюрюучю мурдарды; адам ёлтюрюучюню уа кесинде болуп тургъан ёмюрлюк жашауу болмагъанын сиз а билесиз.

I Ахия 5:10

Аллахны Уланына ийнаннганны кесини кесинде шагъатлыгъы барды. Аллахха ийнанмагъан, Аны ётюрюкчю сунады; нек десегиз Аллах Кесини Уланыны юсюнден этген шагъатлыкъгъа ийнанмагъанды.

Билим Ачханы 14:10

Ол Аллахны чамланыуууну чагъырын, Аны ачыу аягъында хазырланнган таза чагъырны ичерикди эмда сыйлы мёлеклени бла Къозуну аллында отда бла кукуртда азап чегерикди.

Билим Ачханы 19:20

Сора жаныуар да, аны бла бирге аны аллында сейир илишанла кёргюзтген, ол илишанла бла жаныуарны тамгъасын къабыл этгенлени эм аны суратына баш ургъанланы терилтген жалгъан файгъамбар да тутулдула; ала экиси да саулай, кукурт жаннган от кёлге атылдыла.

Билим Ачханы 2:11

Нюрню жамауатлагъа не айтханын къулагъы болгъан эшитсин: хорлагъан экинчи ёлюмден заран кёрлюк тюйюлдю“».

Билим Ачханы 2:2

„Сени ишлеринги, урунууунгу, чыдамлылыгъынгы эмда сен аман адамлагъа тёзмегенинги билеме. Ала абустол болмагъанлай, кеслерине абустол атагъанланы сынагъанса эмда аланы ётюрюкчю болгъанларын ангылагъанса.

Билим Ачханы 21:27

Аны ичине бир тюрлю харам зат эм жийиргенчли ишге бла ётюрюкге кесин берген бир киши да кирлик тюйюлдю; жаланда атлары, Къозуну жашау китабында жазылгъанла кирликдиле.

Билим Ачханы 22:15

Ит адамла эм хыйнычыла, саякъ адамла эм мурдарла, идоллагъа табыныучула эм ётюрюкню сюйюучю эм этиучю хар адам шахардан тышындадыла.

Билим Ачханы 9:17

Мен кёрюнюуде атланы эм аланы юслеринде атлыланы алай кёрдюм: атлыланы юслеринде отдан, гиацинтден эм кукуртдан кюбелери бар эди. Атланы башлары асланланы башлары кибик эдиле; аланы ауузларындан от, тютюн эм кукурт чыгъа эди.

Билим Ачханы 9:21

Ала не адам ёлтюрюулеринден, не хыйны этиулеринден, не саякълыкъ этиулеринден, не уручулукъларындан тобагъа къайтышмадыла.