Билим Ачханы 21:4 - Сыйлы Инжил бла Забур

⁴ Аллах аланы кёзлеринден хар жилямукъларын сюртюрюкдю, энди ёлюм боллукъ тюйюлдю. Не бушуу, не ачы къычырыкъ, не ауруу энди боллукъ тюйюлдю; нек десенг алгъыннгы озгъанды», – дегенин эшитдим.

Билим Ачханы 21:4 Iomraidhean Croise

Забур 144:4

Тукъум тукъумгъа Сени ишлеринги махтап эмда Сени уллу кючюнгю билдирип турлукъду.

Маттай 24:35

Кёк бла жер жокъ болсала да, Мени сёзлерим а къаллыкъдыла».

I Коринфлилеге 15:26

Жокъ этиллик ахыргъы душман а ёлюмдю.

I Коринфлилеге 7:31

Бу дуниядан хайырланнганла да хайырланмагъанлача болургъа керекдиле. Нек десегиз бу дунияны сыфаты озуп барады.

II Коринфлилеге 5:17

Мынга кёре, ким Масихде эсе, ол жангы жаратылгъан адамды. Буруннгу озгъанды, энди уа хар неда жангыды.

II Коринфлилеге 6:17

Сора ол себепден: „Иймансызланы араларындан чыгъыгъыз эмда аладан айырылыгъыз“ дейди Раббий. „Харам затха тиймегиз, Мен сизни къабыл этерикме

Чюйютлелеге 12:27

«Энтда бир кере» деген сёзле, титиретилген – жаратылгъан затланы кетерилликлерин эмда титиремезлик затланы дайым къаллыкъларын кёргюзтедиле.

II Петер 3:10

Раббийни кюню уа, кечегиде гудучу къалай келе эсе, алай келликди. Ол заманда кёкле таууш этип жокъ боллукъдула, табийгъатны затлары уа жанып бузуллукъдула, жер эм аны юсюнде этилген ишле кюерикдиле.

I Ахия 2:17

Бу дуния да, аны талпыгъаны да озуп кетеди, Аллахны буйругъун толтургъан а ёмюрде да жашайды.

Билим Ачханы 20:13

Ол заманда тенгиз кесинде болгъан ёлгенлени берди, ёлюм да, ахырат да алада болгъан ёлгенлени бердиле; хар кимге да кесини этген ишлерине кёре сюд этилди.

Билим Ачханы 20:14

Андан сора ёлюм да, ахырат да от кёлге атылдыла. От кёл экинчи ёлюмдю.

Билим Ачханы 21:1

Сора мен жангы кёкню бла жангы жерни кёрдюм; нек десегиз алгъыннгы кёк бла алгъыннгы жер озгъан эдиле, энди тенгиз да жокъ эди.

Билим Ачханы 22:3

Энди бир тюрлю налат зат боллукъ тюйюлдю; алай а анда Аллахны эм Къозуну тахтасы боллукъду эмда Аны къуллары Анга къуллукъ этип турлукъдула.

Билим Ачханы 7:17

Нек десенг тахтаны арасындагъы Къозу аланы кютерикди эм жашау суу шауданлагъа жюрютюрюкдю эмда Аллах аланы кёзлеринден хар тюрлю жилямукъну сюртюрюкдю», – деди.