Билим Ачханы 21:3 - Сыйлы Инжил бла Забур

³ Дагъыда мен тахтадан уллу ауазны: «Ма, Аллахны чатыры адамланы арасындады. Ол ала бла жашарыкъды; ала Аны халкъы боллукъдула, Аллах Кеси да, ала бла болуп, аланы Аллахы боллукъду.

Билим Ачханы 21:3 Iomraidhean Croise

Ахия 1:14

Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 14:23

Исса анга жууапха былай айтды: «Мени сюйген адам, Мени сёзюмю тутады; Мени Атам да аны сюерикди, Биз да анга келликбиз эмда анда мекям этерикбиз.

II Коринфлилеге 6:16

Аллахны юйюню идолла бла бирге не келишиую барды? Нек десегиз сиз, жашау берген Аллахны юйюсюз: «Алада мекям салып, араларында жюрюрюкме. Мен аланы Аллахы боллукъма, ала да Мени халкъым боллукъдула, – деп Аллахны айтханы кибик.

II Коринфлилеге 6:18

Эмда сизге Ата боллукъма, сиз да Мени уланларым бла къызларым боллукъсуз“ дейди битеу дунияны тутхан Раббий».

I Фесалоникачылагъа 3:11

Бизни Атабыз Аллах Кеси да эм бизни Раббийибиз Масих Исса да бизни жолубузну сизге бурсун.

Чюйютлелеге 11:16

Алай а ала эм игисине, башхача айтханда, кёкдегине итиннгендиле. Ол себепден Аллах, Кесине аланы Аллахы атагъанындан ыйлыкъсынмайды, нек десегиз Ол алагъа шахар хазырлагъанды.

Чюйютлелеге 8:10

Ол кюнледен сора Израильни юйюрю бла этерик кесаматым ма буду дейди Раббий: Мен законларымы аланы акъылларына саллыкъма эм аланы жюреклерине жазарыкъма эм аланы Аллахлары боллукъма, ала уа Мени халкъым боллукъдула.

Чюйютлелеге 8:2

Эмда Ол, адам къурамай, Раббий къурагъан сыйлы жерде эм хакъ керти чатырда къуллукъ этеди.

Билим Ачханы 10:4

Жети кёк кюкюреу кеслерини ауазлары бла сёлешген заманда, мен жазаргъа хазырландым; алай а кёкден манга: «Жети кёк кюкюреуню не айтханларын эсинге алып къой, аланы жазгъан а этме!» – деген бир ауаз эшитдим.

Билим Ачханы 10:8

Сора ол, мен кёкден эшитген ауаз, дагъыда мени бла сёлешип башлап: «Бар, ачылып тургъан китапчыкъны, тенгизни бла жерни юсюнде тургъан мёлекни къолундан ал», – деди.

Билим Ачханы 12:10

Сора мен кёкде былай айтхан уллу ауаз эшитдим: «Энди бизни Аллахыбызны къутхарыуу да, кючю да, патчахлыгъы да эм аны Масихини оноуу да келди; нек десегиз къарындашларыбыздан тил этиучю, Аллахыбызны аллында аладан кече да, кюн да тил этиучю энишге атылгъанды.

Билим Ачханы 21:7

Хорлагъан барындан да юлюшлю боллукъду. Мен аны Аллахы боллукъма, ол да Манга улан боллукъду.

Билим Ачханы 22:3

Энди бир тюрлю налат зат боллукъ тюйюлдю; алай а анда Аллахны эм Къозуну тахтасы боллукъду эмда Аны къуллары Анга къуллукъ этип турлукъдула.

Билим Ачханы 7:15

Ол себепден ала Аллахны тахтасыны аллында турадыла эм Аны табыныучу юйюнде кече да, кюн да Анга къуллукъ этедиле эм тахтада Олтургъан чатырын аланы юслерине керликди.