Билим Ачханы 20:3 - Сыйлы Инжил бла Забур

³ Аны тюпсюз теренликлеге атып, тутмакъ этди эмда аны юсюне мухур салды, алай бла, ол, минг жыл бошалгъынчы, энди миллетлени алдаргъа болалмады. Андан сора уа ол бир кесек заманнга эркин этилирге керекди.

Билим Ачханы 20:3 Iomraidhean Croise

Забур 90:4

Кесини къанатлары бла сени жабарыкъды, Аны къанатларыны тюбюнде къоркъуусуз боллукъса; аны хакъ кертиси къоруулаучуду эм сакълаучуду.

Маттай 24:24

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн уллу илишанла бла сейирликле кёргюзтюрюкдюле.

Маттай 27:66

Ала, барып, къабырны къатына сакълауул салдыла, къабырны ташына да мухур басдыла.

Марк 4:15

Жол жанына себилген, алагъа сёз себилип, алай а алагъа, эшитген заманларында, олсагъат шайтан келип, аланы жюреклерине себилген сёзню урлап кетгенни кёргюзтеди.

Лука 8:31

Жинле Иссадан алагъа тюпсюз теренликлеге барыргъа буйрукъ этмезин жалбарып тиледиле.

II Коринфлилеге 11:3

Алай а, жилян кесини хыйлачылыгъы бла Хауаны терилтгени кибик, сизни да акъылларыгъыз, Масиххе тюз ниетлиликден тайып, бузулурла деп къоркъама.

II Петер 3:8

Сюйюлюннгенле, Раббийни бир кюню, минг жыл кибик, минг жылы да бир кюн кибик болгъанын сиз унутургъа керек тюйюлсюз.

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 13:14

Эм анга жаныуарны аты бла этерге берилген илишанла бла ол жер башында жашагъанланы терилтеди. Жер башында жашагъанлагъа къылыч жарасы болуп сау тургъан жаныуарны суратын ишлеп, монумент этигиз деп буюрады.

Билим Ачханы 17:2

Жерни патчахлары аны бла саякълыкъ этгендиле эм аны саякълыгъыны чагъырындан жер башында жашагъанла ичип эсиргендиле», – деди.

Билим Ачханы 17:8

Ол сен кёрген жаныуар бар эди эм жокъду, тюпсюз теренликледен чыгъарыкъды эм жоюлуугъа кетерикди. Жер башында жашагъанладан атлары дуния жаратылгъандан бери жашау китабында жазылмагъан адамла жаныуарны алгъын болгъанын энди уа жокълугъун кёргенде хайран боллукъдула. Алай а ол энтда бир кере чыгъарыкъды.

Билим Ачханы 20:1

Сора мен кёкден тюшген бир мёлекни кёрдюм; аны къолунда тюпсюз теренликлени ачхычы эм бир уллу сынжыр бар эди.