Билим Ачханы 20:2 - Сыйлы Инжил бла Забур

² Ол ибилис эм шайтан болгъан аждагъанны, буруннгулу жилянны тутуп, аны минг жылгъа бугъоулады.

Билим Ачханы 20:2 Iomraidhean Croise

Маттай 19:29

Эмда Мени атым ючюн юйлерин, неда къарындашларын, неда эгечлерин, неда атасын, неда анасын, неда къатынын, неда сабийлерин, неда жерлерин ким къойса да, жюз кере артыкъ аллыкъды эм ёмюрлюк жашаудан юлюшлю боллукъду.

Маттай 8:29

Сора ала: «Аллахны Уланы Исса, Сени бизни бла не ишинг барды? Сен бизге замандан алгъа азап берирге келгенсе бери!» – деп къычырдыла.

Марк 4:15

Жол жанына себилген, алагъа сёз себилип, алай а алагъа, эшитген заманларында, олсагъат шайтан келип, аланы жюреклерине себилген сёзню урлап кетгенни кёргюзтеди.

Марк 5:7

Сора уллу ауаз бла къычырыкъ этип: «Аллаху-Тааланы Уланы Исса, Сени мени бла не ишинг барды? Аллах бла тилейме Сенден, азап чекдирме манга!» – деди.

Ахия 12:31

Энди бу дуниягъа сюд этиледи; энди бу дунияны бийи тышына къысталлыкъды;

Ахия 16:11

Сюдню юсюнден да – нек десегиз бу дунияны бийине сюд этилгенди.

Римлилеге 16:20

Ырахатлыкъ бериучю Аллах а, шайтанны къысха заманда сизни аякъ тюбюгюзде ууатырыкъды. Раббийибиз Масих Иссаны шафауаты сизни бла болсун! Амин.

Чюйютлелеге 2:14

Сабийле уа чархдан бла къандан юлюшлю болгъанлары ючюн, Исса да, ёлюмню бийин – ибилисни, ёлюмню юсю бла къоратыр ючюн, адам табийгъатны Кесине алгъанды.

I Петер 5:8

Аязып, сагъайып туругъуз; нек десегиз сизни душманыгъыз ибилис, хырылдагъан аслан кибик, кимни жутарын излеп айланады.

II Петер 2:4

Нек десегиз Аллах, гюнях этген мёлеклени да аямай, алай а, жаханимге атып, къарангылыкъда бугъоула бла байлагъан эмда, азап чекдирир ючюн, сюд кюннге сакъларгъа берген эсе,

Яхуда 1:6

Даражаларында къалмай, алай а кеслерини мекямларын къойгъан мёлеклени да, Раббий ачылмазлыкъ бугъоула бла бугъоулап, къарангылыкъны тюбюнде къыяматны уллу кюнюне сакълайды.

Билим Ачханы 12:13

Аждагъан, жер юсюне атылгъанын кёргенинде уа, ол улан сабий тапхан къатынны ызындан болуп башлады.

Билим Ачханы 12:15

Сора жилян, къатынны суу бла алып кетер ючюн, кесини ауузундан сууну, баргъан сууча, къатынны ызындан жиберди.

Билим Ачханы 12:17

Сора аждагъан къатыннга къутуруп къалды эм Аллахны фарызларын сакълагъан эмда Масих Иссагъа шагъатлыкъ этиуню бардыргъан, ол къатынны урлугъундан болгъан башхала бла къазауат этерге кетди.

Билим Ачханы 12:3

Сора кёкде башха илишан: жети башлы, он мюйюзлю, аны башларында да жети тажы болгъан уллу къызыл аждагъан кёрюндю.

Билим Ачханы 12:4

Аны къуйругъу кёкден жулдузланы ючден бирин алып кетип, аланы жерге атханды. Бу аждагъан, ол къозларыкъ къатынны къозлагъан заманында аны сабийин жутуп къояр ючюн, аны аллында тохтады.

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 13:2

Ол мен кёрген жаныуар барсха ушай эди; аны аякълары айыуну аякълары кибик эдиле, гемхоту уа асланны гемхоту кибик эди. Аждагъан анга кесини кючюн да, тахтасын да, уллу власть да берди.

Билим Ачханы 13:4

Эм жаныуаргъа да баш уруп: «Бу жаныуар кибик ким барды эм муну бла ким уруш эталлыкъды?» – дедиле.

Билим Ачханы 20:10

Аланы терилтген ибилис а, от бла кукурт кёлге атыллыкъды; жаныуар бла жалгъан файгъамбар да андадыла. Ала кече да, кюн да ёмюрледен ёмюрлеге азап чегерикдиле.

Билим Ачханы 20:7

Минг жыл бошалгъандан сора уа, шайтан, тутмагъындан эркин этилликди эм жерни тёрт мюйюшюнде болгъан миллетлени – Яжуж бла Мажужну терилтирге чыгъарыкъды эм аланы къазауат этерге жыярыкъды; аланы саны тенгизни юзмези кибикди.

Билим Ачханы 9:11

Алагъа бийлик этген патчах а тюпсюз теренликлени мёлеги эди; аны аты чюйютча Абадонду, грекча уа Аполлионду.