Билим Ачханы 2:3 - Сыйлы Инжил бла Забур

³ Сен кёпню сынагъанса, тёзюмюнг да барды эм Мени атым ючюн уруннганса, болалмай да къалмагъанса.

Билим Ачханы 2:3 Iomraidhean Croise

Забур 37:7

Мен гуппур болгъанма эмда энишге ийилип къалгъанма, сау кюнню тарыгъып жюрюйме.

Марк 15:21

Сабандан келе тургъан Шимон атлы Киринейли бир адам алайтын озуп бара эди. Ол Аскендирни бла Руфну аталары эди. Иссаны къачын анга кётюртюп элтдирдиле.

Лука 14:27

Эмда, кесини къачын кётюрюп, Мени ызымдан келмеген адам Мени сохтам болаллыкъ тюйюлдю.

Лука 18:1

Аны кибик, умут юзмей хар заманда тилек этип турургъа керекди деп, алагъа бу оюм берген таурухну айтды:

Лука 21:19

Тёзюмюгюз бла жаныгъызны къутхарыгъыз.

Лука 5:5

Шимон Анга жууапха: «Устаз! Биз сау кечени кюрешгенбиз эм бир зат да туталмагъанбыз. Алай болсада, Сен айтхан ючюн ауну атайым», – деди.

Лука 8:15

Ахшы жерге тюшген а, ала сёзню эшитип, аны халал, таза жюрекде сакълагъанла эм тёзюмлюк бла тирлик бергенледиле», – деди. Муну айтып бошагъанлай: «Эшитирге къулакълары болгъан эшитсин!» – деп уллу айтды.

Ахия 15:21

Алай а быланы барын да Мени атым ючюн сизге этерикдиле, нек десегиз Мени Ийгенни танымайдыла.

Римлилеге 12:12

Ышаныу бла къууаныгъыз, къыйынлыкъда тёзюмлю, тилек этиуде тохтаусуз болугъуз.

Римлилеге 16:12

Раббий ючюн уруннган Трифенагъа бла Трифосагъа салам айтыгъыз. Раббий ючюн кёп уруннган багъалы шуёхум Персидагъа салам айтыгъыз.

Римлилеге 2:7

Тохтамай игилик этип, махтау, хурмет эм ёлюмсюзлюк излегенлеге ёмюрлюк жашау берир;

Римлилеге 8:25

Алай а кёрмеген затыбызгъа ышана эсек, аны тёзюмлюк бла сакълайбыз.

I Коринфлилеге 13:7

Барына да тёзеди, барына да ийнанады, барына да ышанады, хар нени да кётюреди.

I Коринфлилеге 16:16

Сиз аллайлагъа эм ала бла бирге ишлеп уруннганланы барына да бойсунугъуз.

II Коринфлилеге 10:15

Биз, мардабызны билмей, башхаланы урунуулары бла махтанмайбыз, алай а сизни ийманыгъызны ёсюую бла сизни арагъызда ишлер жерибизни дагъыда бек кенгертирге умут этебиз.

II Коринфлилеге 11:23

Масихни жумушчуларымыдыла? Акъылдан чыкъгъанча айтама! Мен а бегирек да. Мен кёбюрек да уруннганма, чексиз тюйюлгенме, кёп кере тюрмеде эм кёп кере ёлюмге къаршы болгъанма.

II Коринфлилеге 4:1

Аллахны мархаматындан бизни аллай къуллукъ этиуюбюз болгъаны себепли биз мудах болмайбыз.

II Коринфлилеге 4:16

Ол себепден биз мудах болмайбыз; алай а бизни тыш чархыбыз бузула эсе да, ичибиздеги уа кюнден-кюннге жангырады.

II Коринфлилеге 5:9

Ол себепден чархыбызда жашап да, андан чыгъа туруп да, Раббийни ыразы этерге эришип кюрешебиз.

II Коринфлилеге 6:5

Тюйюлюуледе, тюрмеледе, къозгъалыулада, урунуулада, жукъусуз кечеледе, ораза тутуулада,

Галатиялылагъа 6:2

Бир-биригизни къыйынлыгъын кётюрюгюз, алай бла Масихни Законун толтурурсуз.

Галатиялылагъа 6:9

Ахшылыкъ этиуден безмейик; нек десегиз жунчуп къалмасакъ, заманы келгенде орурбуз.

Колослулагъа 1:11

Аны махтаулу къудурети сизни толу кючлендирир эм хар не жаны бла да чыдамлы, тёзюмлю эмда къууанчлы этер ючюн

I Фесалоникачылагъа 1:3

Сизни ийманыгъыз бла этген ишлеригизни, сюймеклигигиз бла урунууугъузну эмда Раббийибиз Масих Иссагъа ышаныуугъуздан келген тёзюмлюлюгюгюзню Атабыз Аллахны аллында тохтаусуз эсибизде тутабыз.

I Фесалоникачылагъа 2:9

Ишексиз, къарындашла, бизни урунууубуз эм къыйналгъаныбыз сизни эсигиздеди: сизден биригизни да къыйнамаз ючюн, биз, кече да, кюн да ишлеп, сизге Аллахны Хайыр Хапарын алай билдирген эдик.

I Фесалоникачылагъа 5:12

Къарындашла, сизде уруннганланы эм Раббийни жолунда сизге башчылыкъ этгенлени эм сизге насийхат бергенлени ариу кёрюрюгюзню сизден тилейбиз.

II Фесалоникачылагъа 3:13

Сиз а, къарындашла, ахшылыкъ этиуден безмегиз.

II Фесалоникачылагъа 3:5

Раббий а сизни жюреклеригизни Аллахны сюймеклигине эм Масихни тёзюмюне бурсун.

II Фесалоникачылагъа 3:8

Биреуде да алайлай ётмек ашамагъанбыз, алай а, сизден биригизни да къыйнамаз ючюн, иш бла эм урунуу бла кече да, кюн да кюрешгенбиз.

I Тимотейге 4:10

Биз аны ючюн урунабыз эм аман сёзлеге тёзебиз. Нек десенг жашау бериучю Аллахха ышанабыз; Ол а битеу адамланы, бегирек да ийманлыланы Къутхарыучусуду.

I Тимотейге 5:17

Жамауатха иги башчылыкъ этген таматалагъа, бегирек да Аллахны сёзюн жайыу бла эм юйретиу бла уруннганлагъа, энчи хурмет этилсин.

Чюйютлелеге 10:36

Нек десегиз, Аллахны буйругъун толтуруп, Ол берирге айтханны алыр ючюн, сизге тёзюмлюлюк керекди.

Чюйютлелеге 12:1

Бизни тёгерегибизде булутла кибик алай кёп шагъатла бардыла! Ол себепден битеу бизге чырмау болгъан затланы, бизни бийлеп тургъан битеу гюняхларыбызны юсюбюзден атайыкъ эмда бизге белгиленнген жолубузда тёзюмлюк бла барайыкъ.

Чюйютлелеге 13:13

Алай бла, Аны ючюн бедишлик этилгенибизге тёзе, ыстауатдан тышына чыгъып, Анга барайыкъ.

Чюйютлелеге 6:10

Нек десегиз Аллах тюзлюксюз тюйюлдю. Сизни урунууугъузну эм сиз Аны сюйген сюймеклигигизни – Аны аты ючюн сыйлылагъа къуллукъ этгенигизни эм энтда эте тургъаныгъызны – Ол унутурукъ тюйюлдю.

Чюйютлелеге 6:12

Сиз, эринчек болмай, алай а Аллах ант бла сёз берген затладан ийман бла эм тёзюмлюлюк бла юлюшлю болгъанлагъа эниклеригизни сюебиз.

Чюйютлелеге 6:15

Сора Ибрахим, кёп тёзюп, анга берирге айтылгъанны алгъанды.

II Петер 1:6

Оюмлулукъда кесигизни тыйыуну, кесигизни тыйыуда тёзюмлюкню, тёзюмлюкде Аллахны жолуна тюзлюкню,

Билим Ачханы 1:9

Масих Иссаны азап чегиуюне, патчахлыгъына эм тёзюмюне сизни бла къатышхан мен, Ахия къарындашыгъыз, Аллахны сёзю ючюн эм Масих Иссаны шагъатлыгъы ючюн Патмос атлы айрыкамда тутмакъ эдим.

Билим Ачханы 3:10

Сен, мени сёзюмю сакълап, тёзюмлюк этгенинг ючюн, Мен да, сени жер башында жашагъанланы сынар ючюн, битеу дуниягъа келлик сынау сагъатдан сакъларма.