Билим Ачханы 15:2 - Сыйлы Инжил бла Забур

² Дагъыда мен от бла къатышдырылгъан мияла тенгиз кибик бир зат кёрдюм эм жаныуарны да, аны суратын да, аны тамгъасын да, аны атыны санын да хорлагъанла Аллахны арфаларын да тутуп, бу мияла тенгизни юсюнде тургъанларын кёрдюм.

Билим Ачханы 15:2 Iomraidhean Croise

Маттай 3:11

Мен сизни тобагъа къайтышханыгъыз себепли сууда кёмюлдюреме, алай а мени ызымдан Келген менден кючлюдю; мен Аны аякъ кийимин элтирге да тийишли тюйюлме; Ол сизни Сыйлы Нюр бла эмда от бла кёмюлдюрлюкдю.

I Петер 1:7

Алай бла сизни сыналгъан ийманыгъыз Масих Иссаны келлик заманында сизге махтау, хурмет эм уллулукъ тапдырыр. Ол ийманыгъыз от бла сыналгъан эсе да жоюлгъан алтындан да багъалыды.

I Петер 4:12

Сюйюлюннгенле! Сизни сынаргъа ийилген зулмуну отуна сизге къужур иш болгъанча сейирсинмегиз.

Билим Ачханы 12:11

Ала Къозуну къаны бла эм кеслерини шагъатлыкъ сёзлери бла аны хорлагъандыла, ала жанларын аямагъандыла эмда ёлюмден артха турмагъандыла.

Билим Ачханы 13:1

Сора мен тенгизни юзмезинде тохтадым эмда жети башлы эм он мюйюзлю бир жаныуарны тенгизден чыгъып келгенин кёрдюм; аны мюйюзлеринде он тажы бар эди, аны башларында уа кяфыр атлары бар эдиле.

Билим Ачханы 13:14

Эм анга жаныуарны аты бла этерге берилген илишанла бла ол жер башында жашагъанланы терилтеди. Жер башында жашагъанлагъа къылыч жарасы болуп сау тургъан жаныуарны суратын ишлеп, монумент этигиз деп буюрады.

Билим Ачханы 13:17

Алай бла ол тамгъасы болгъан неда жаныуарны аты, неда аны атыны саны анда болгъан адамдан башха бир кишиге да не алыргъа, не сатаргъа эркинлик боллукъ тюйюлдю.

Билим Ачханы 21:18

Аны къабыргъасы ясписден ишленнгенди, шахар а таза миялагъа ушагъан таза алтын эди.

Билим Ачханы 4:6

Тахтаны аллында да, кристаллгъа ушагъан мияла тенгиз; тахтаны арасында да, тахтаны тёгерегинде да, алларында да, артларында да кёзледен толу болгъан тёрт хайыуан бар эди.

Билим Ачханы 5:8

Ол китапны алгъан заманда, тёрт хайыуан бла жыйырма тёрт тамата Къозуну аллында жерге къапландыла; хар бирини да къолунда арфа эм ариу ийисли фимиамдан толу алтын аякъ бар эди, была уа сыйлыланы тилеклеридиле.