Билим Ачханы 13:5 - Сыйлы Инжил бла Забур

⁵ Жаныуаргъа ёхтем эм кяфыр сёзле сёлешген аууз берилди эм анга къыркъ эки айгъа бардырыргъа власть берилди.

Билим Ачханы 13:5 Iomraidhean Croise

Забур 12:3

Мен, ичимде сагъышланы жыйып, жюрегимде кече да, кюн да къайгъы этип къачаннга дери турлукъма? Мени душманым мени юсюмде къачаннга дери кесин ёрге кётюрюп турлукъду?

II Фесалоникачылагъа 2:3

Сизни бир киши да бир да терилтмесин; нек десегиз, алгъы бурун иймандан тайыу болгъунчу эм ол гюняхлы адам – жоюлургъа сюд этилген адам – ачыкъ болгъунчу, ол кюн келлик тюйюлдю,

II Фесалоникачылагъа 2:4

Ол адам а аллах аталгъан, неда адамла табыннган хар затха къажау турлукъду эм барындан да кесин уллугъа санарыкъды, алай бла ол, кесин Аллах сундуруп, Аллах кибик, Аллахны табыныучу юйюнде олтурлукъду.

II Фесалоникачылагъа 2:8

Сора ол заманда законсузлукъчу ачыллыкъды, аны уа Раббий Исса Кесини ауузуну солууу бла ёлтюрлюкдю эм Кесини келгенини кёрюнюую бла жокъ этерикди.

Билим Ачханы 11:7

Ала кеслерини шагъатлыкъларын бошагъандан сора уа, тюпсюз теренликледен чыкъгъан жаныуар ала бла къазауат этерикди, аланы хорларыкъды эм аланы ёлтюрлюкдю.

Билим Ачханы 12:14

Къатын жилянны аллындан къум тюзге, анда юч жыл бла жарым заманнга асыралыр жерине учуп кетер ючюн, анга уллу къушну эки къанаты берилди.

Билим Ачханы 12:6

Къатын а къум тюзге къачды. Ол анда минг эки жюз алтмыш кюн асыралыр ючюн, анга Аллахдан хазырланнган жер барды.

Билим Ачханы 13:7

Сора анга сыйлыла бла къазауат этерге эм аланы хорларгъа эркинлик берилди; анга хар тукъумну да, хар халкъны да, хар тилни да, хар миллетни да бийлерге власть берилди.