Билим Ачханы 13:2 - Сыйлы Инжил бла Забур

² Ол мен кёрген жаныуар барсха ушай эди; аны аякълары айыуну аякълары кибик эдиле, гемхоту уа асланны гемхоту кибик эди. Аждагъан анга кесини кючюн да, тахтасын да, уллу власть да берди.

Билим Ачханы 13:2 Iomraidhean Croise

II Тимотейге 4:17

Алай а, Хайыр Хапар мени юсюм бла толусунлай билдирилир ючюн эм аны битеу миллетле эшитир ючюн, Раббий, къатымда туруп, мени кючлендиргенди, мен да асланны жаякъларындан къутулгъанма.

I Петер 5:8

Аязып, сагъайып туругъуз; нек десегиз сизни душманыгъыз ибилис, хырылдагъан аслан кибик, кимни жутарын излеп айланады.

Билим Ачханы 12:13

Аждагъан, жер юсюне атылгъанын кёргенинде уа, ол улан сабий тапхан къатынны ызындан болуп башлады.

Билим Ачханы 12:15

Сора жилян, къатынны суу бла алып кетер ючюн, кесини ауузундан сууну, баргъан сууча, къатынны ызындан жиберди.

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 13:12

Ол биринчи жаныуарны битеу властын аны аты бла жюрютеди эм битеу жерни да, анда жашагъанланы да, аны ёлюр жарасы сау болгъан биринчи жаныуаргъа баш урдурады;

Билим Ачханы 13:4

Эм жаныуаргъа да баш уруп: «Бу жаныуар кибик ким барды эм муну бла ким уруш эталлыкъды?» – дедиле.

Билим Ачханы 16:10

Бешинчи мёлек кесини аягъын жаныуарны тахтасына къуйду, сора аны патчахлыгъы къарангы болуп къалды. Адамла термилиулеринден тиллерин къаба эдиле,

Билим Ачханы 17:12

Ол сен кёрген он мюйюз да он патчахды, ала уа алыкъа патчахлыкъны алмагъандыла, алай а патчах болуу властьны жаныуар бла бирге бир сагъатха аллыкъдыла.

Билим Ачханы 19:20

Сора жаныуар да, аны бла бирге аны аллында сейир илишанла кёргюзтген, ол илишанла бла жаныуарны тамгъасын къабыл этгенлени эм аны суратына баш ургъанланы терилтген жалгъан файгъамбар да тутулдула; ала экиси да саулай, кукурт жаннган от кёлге атылдыла.

Билим Ачханы 2:13

„Сени ишлеринги эм жашагъан жеринги билеме; шайтанны тахтасы андады. Алай болгъанлыкъгъа Мени атымы къаты тутаса эм арагъызда – шайтан жашагъан жерде ёлтюрюлген Мени тюз шагъатым Антипаны кюнлеринде окъуна манга ийнаныудан таймагъанса.

Билим Ачханы 20:2

Ол ибилис эм шайтан болгъан аждагъанны, буруннгулу жилянны тутуп, аны минг жылгъа бугъоулады.