Билим Ачханы 13:16 - Сыйлы Инжил бла Забур

¹⁶ Экинчи жаныуар дагъыда гитчелеге эм уллулагъа, байлагъа эм жарлылагъа, азатлагъа эм къуллагъа – барыны да онг къолларына неда мангылайларына тамгъа салдырлыкъды;

Билим Ачханы 13:16 Iomraidhean Croise

Забур 49:2

Тамам ариу Сиондан жарытып кёрюнеди Аллах.

Ишлери 26:22

Алай а, бюгюннге дери да мен Аллахдан болушлукъ алып, гитчеге да, уллугъа да шагъатлыкъ этип турама. Мени айтханларым файгъамбарла да, Муса да, ол боллукъду деп, алгъындан хапар берген затладан башха зат тюйюлдю.

I Коринфлилеге 12:13

Нек десегиз биз барыбыз да, бир чарх болур ючюн, бир Нюрде кёмюлдюрюлгенбиз, иудейлиле неда греклиле, къулла неда азатла, барыбызгъа да бир Нюрден ичерге берилгенди.

Галатиялылагъа 3:28

Энди не иудейлини, не греклини, не къулну, не азатны, не эр кишини, не тиширыуну башхалыгъы жокъду; нек десегиз Масих Иссада сиз барыгъыз да бирсиз.

Галатиялылагъа 6:17

Алай а, мени бир киши да жарсытмасын; нек десегиз Раббий Иссаны жараларын мен чархымда жюрютеме.

Эфеслилеге 6:8

Хар ким, къул эсе неда азат эсе да, этген ахшылыгъына кёре Раббийден тийишлисин аллыгъын билигиз.

Колослулагъа 3:11

Жангы адамлыкъда уа не грекли, не иудейли, не сюннетли, не сюннетсиз, варвар, скиф, къул, азат айырыу жокъду, алай а хар не жаны бла да хар неда Масихди.

II Тимотейге 3:8

Яннис бла Ямбрис Мусагъа къажау болгъанлары кибик, бу адамла да хакъ кертиге къажау турадыла. Аланы акъыллары бузукъ болгъанды, ала ийманда сыналыугъа чыдаялмагъанладыла.

Билим Ачханы 11:18

Миллетле къутургъандыла; алай а башларына Сени чамланыуунг келгенди эм ёлгенлеге сюд этер заман, Сени къулларынга – файгъамбарлагъа, сыйлылагъа эмда Сени атынгдан къоркъгъан гитчелеге эм уллулагъа – тийишлилерин берир эм жерни жойгъанланы жояр заман келди», – дей эдиле.

Билим Ачханы 15:2

Дагъыда мен от бла къатышдырылгъан мияла тенгиз кибик бир зат кёрдюм эм жаныуарны да, аны суратын да, аны тамгъасын да, аны атыны санын да хорлагъанла Аллахны арфаларын да тутуп, бу мияла тенгизни юсюнде тургъанларын кёрдюм.

Билим Ачханы 19:18

Патчахланы, кючлюлени, командирлени, атланы бла алагъа миннгенлени этлерин, битеу азатланы эм къулланы, гитчелени эм уллуланы этлерин ашар ючюн, Аллахны уллу ушхуууруна жыйылыгъыз!» – деп къычырды.

Билим Ачханы 19:20

Сора жаныуар да, аны бла бирге аны аллында сейир илишанла кёргюзтген, ол илишанла бла жаныуарны тамгъасын къабыл этгенлени эм аны суратына баш ургъанланы терилтген жалгъан файгъамбар да тутулдула; ала экиси да саулай, кукурт жаннган от кёлге атылдыла.

Билим Ачханы 19:5

Сора тахтадан: «Аллахыбызгъа махтау салыгъыз, Аны битеу къуллары да, Андан къоркъгъанла да, гитчеле да, уллула да!» – деген ауаз чыкъды.

Билим Ачханы 20:12

Эмда мен ёлгенлени, уллуланы эм гитчелени Аллахны аллында тургъанларын кёрдюм. Сора китапла ачылдыла. Аты жашау китабы болгъан башха китап да ачылды. Ёлгенлеге уа китаплада жазылгъанла бла, кеслерини этген ишлерине кёре сюд этиле эди.

Билим Ачханы 20:4

Сора мен тахталаны да, алада олтургъанланы да кёрдюм. Сюд этерге алагъа эркинлик берилген эди. Иссагъа этген шагъатлыкълары эм Аллахны Сёзю ючюн башлары кесилгенлени жанларын да кёрдюм. Ала уа жаныуаргъа да, аны суратына да сежда этмеген эдиле эм аны тамгъасын не кеслерини мангылайларына, не къолларына къабыл этмеген эдиле. Ала тирилдиле эм Масих бла бирге минг жыл патчахлыкъ этдиле.

Билим Ачханы 6:15

Эм жерни патчахлары да, бийле да, байла да, аскер командирле да, къарыулула да эм хар къул да, хар азат да дорбунлагъа бла тау ауузлагъа къачып букъдула

Билим Ачханы 7:3

«Биз Аллахыбызны къулларыны мангылайларына мухур салгъынчы не жерге, не тенгизге, не тереклеге заран салмагъыз!» – деп къычырды.