Билим Ачханы 13:1 - Сыйлы Инжил бла Забур

¹ Сора мен тенгизни юзмезинде тохтадым эмда жети башлы эм он мюйюзлю бир жаныуарны тенгизден чыгъып келгенин кёрдюм; аны мюйюзлеринде он тажы бар эди, аны башларында уа кяфыр атлары бар эдиле.

Билим Ачханы 13:1 Iomraidhean Croise

Билим Ачханы 11:7

Ала кеслерини шагъатлыкъларын бошагъандан сора уа, тюпсюз теренликледен чыкъгъан жаныуар ала бла къазауат этерикди, аланы хорларыкъды эм аланы ёлтюрлюкдю.

Билим Ачханы 12:3

Сора кёкде башха илишан: жети башлы, он мюйюзлю, аны башларында да жети тажы болгъан уллу къызыл аждагъан кёрюндю.

Билим Ачханы 13:11

Сора мен башха жаныуарны жерден чыгъып келгенин кёрдюм; аны къозу мюйюзлеге ушагъан эки мюйюзю бар эди, алай а аждагъанча сёлеше эди.

Билим Ачханы 13:14

Эм анга жаныуарны аты бла этерге берилген илишанла бла ол жер башында жашагъанланы терилтеди. Жер башында жашагъанлагъа къылыч жарасы болуп сау тургъан жаныуарны суратын ишлеп, монумент этигиз деп буюрады.

Билим Ачханы 13:15

Сора анга жаныуарны суратына солуу берип, суратны сёлешдирирге эм жаныуарны суратына баш урмагъан хар адамны ёлтюртюрге кюч берилди.

Билим Ачханы 15:2

Дагъыда мен от бла къатышдырылгъан мияла тенгиз кибик бир зат кёрдюм эм жаныуарны да, аны суратын да, аны тамгъасын да, аны атыны санын да хорлагъанла Аллахны арфаларын да тутуп, бу мияла тенгизни юсюнде тургъанларын кёрдюм.

Билим Ачханы 16:13

Сора мен аждагъанны ауузундан, жаныуарны ауузундан эм жалгъан файгъамбарны ауузундан чыкъгъан макъалагъа ушаш юч харам нюр кёрдюм.

Билим Ачханы 17:16

Ол сен жаныуарда кёрген он мюйюз, саякъ къатынны кёрюп болмай къаллыкъдыла, аны чачарыкъдыла, къымыжа этерикдиле, этин ашарыкъдыла эмда аны отда кюйдюрлюкдюле.

Билим Ачханы 17:3

Сора мёлек мени Сыйлы Нюрню оноуунда къум тюзге элтди. Анда мен кяфыр атладан топ-толу болгъан жети башлы, он мюйюзлю къызыл жаныуарны юсюне минип тургъан къатынны кёрдюм.

Билим Ачханы 17:5

Аны мангылайында да: «Уллу Бабил, саякъ къатынланы бла жерни жийиргенчликлерини анасы», – деген таша магъаналы ат жазылып эди.

Билим Ачханы 19:19

Сора мен жаныуарны да, дунияны патчахларын да, аланы аскерлерин да, атха минип Тургъан бла эм Аны аскери бла къазауат этерге жыйылып тургъанларын кёрдюм.