Билим Ачханы 12:9 - Сыйлы Инжил бла Забур

⁹ Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 12:9 Iomraidhean Croise

Забур 109:6

Миллетлеге сюд этерикди, жерни ёлюкледен толтурлукъду, жерни хар жанында да башчыланы ууатырыкъды.

Маттай 13:39

Аланы сепген душман – ибилисди. Оракъла заман – бу ёмюрню ахырыды, оракъчыла уа – мёлекледиле.

Маттай 24:24

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн уллу илишанла бла сейирликле кёргюзтюрюкдюле.

Маттай 25:41

Ол заманда сол жанындагъылагъа да: „Кетигиз Мени къатымдан налатла, ибилисге бла аны мёлеклерине хазырланнган ёмюрлюк отха!

Маттай 4:1

Андан сора Сыйлы Нюр, ибилисге сынатыр ючюн, Иссаны къум тюзге элтди.

Маттай 4:10

Ол заманда Исса анга: «Мени къатымдан кет, шайтан! Китапда: „Раббий Аллахынга сеждагъа бар эмда жангыз Анга къуллукъ эт“ деп жазылгъанды», – деди.

Маттай 4:5

Андан сора ибилис, Аны сыйлы шахаргъа алып, Аны табыныучу юйню башыны къыйырына сюеп,

Маттай 4:8

Дагъыда ибилис Аны бек бийик таугъа алды, Анга битеу дунияны патчахлыкъларын бла аланы аламатлыкъларын кёргюзтюп,

Лука 10:18

Ол а алагъа: «Шайтанны шыбылача кёкден тюшгенин Мен кёргенме.

Лука 13:16

Ибрахимни бу къызын а, шайтан байлагъанлы ма энди онсегиз жыл болады, бу бугъоуладан аны шабат кюн эркин этерге керек тюйюлмю эди?» – деди.

Лука 22:3

Онекисинден бири болгъан, Искариот аталгъан Иудагъа уа шайтан кирген эди.

Лука 22:31

Сора Раббий: «Шимон! Шимон! Сакъ бол! Шайтан сизни будайны элегенча элерге тилегенди.

Лука 8:12

Жол жанына тюшген а, ол сёзге тынгылагъанланы артда уа алагъа ибилис келип, ала ийнанмаз ючюн эм къутхарылмаз ючюн, аланы жюреклеринден сёзню алып кетгенни кёргюзтеди.

Ахия 12:31

Энди бу дуниягъа сюд этиледи; энди бу дунияны бийи тышына къысталлыкъды;

Ахия 14:30

Энди Мен сизни бла кёп сёлеширик тюйюлме; нек десегиз бу дунияны бийи келеди, аны уа Манга кючю жокъду.

Ахия 16:11

Сюдню юсюнден да – нек десегиз бу дунияны бийине сюд этилгенди.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

Ишлери 26:18

Сен аланы кёзлерин ачар ючюн, ала къарангылыкъдан жарыкъгъа, шайтанны оноуундан Аллахха къайтышыр ючюн, Манга ийнаныу бла гюняхларындан кечгинлик алыр ючюн эм сыйлы болгъанла бла бирге юлюшлю болур ючюн сени энди алагъа иеме“ деп айтханды.

Ишлери 5:3

Петер а анга: «Ханания! Жюрегинги шайтаннга нек бердинг, Сыйлы Нюрге ётюрюк айтып жеринги багъасыны бир кесегин кесинге нек къойдунг?

Римлилеге 16:18

Нек десегиз аллай адамла бизни Раббийибиз Масих Иссагъа къуллукъ этмейдиле, алай а кеслерини къарынларына къуллукъ этедиле; ала кёзбаулукъ бла эм сёзге усталыкъ бла хыйласыз адамланы жюреклерин терилтедиле.

Римлилеге 16:20

Ырахатлыкъ бериучю Аллах а, шайтанны къысха заманда сизни аякъ тюбюгюзде ууатырыкъды. Раббийибиз Масих Иссаны шафауаты сизни бла болсун! Амин.

II Коринфлилеге 11:14

Ол а сейир тюйюлдю, нек десегиз шайтан кеси жарыкъны мёлегини сыфатына киреди.

II Коринфлилеге 11:3

Алай а, жилян кесини хыйлачылыгъы бла Хауаны терилтгени кибик, сизни да акъылларыгъыз, Масиххе тюз ниетлиликден тайып, бузулурла деп къоркъама.

II Коринфлилеге 12:7

Эмда мен эсепсиз уллу билим ачылыула бла ёхтемленмез ючюн, манга чархымда уу тиш – мени къыйнаргъа шайтанны мёлеги – берилгенди.

II Коринфлилеге 2:11

Шайтан бизге заран этмез ючюн алай этгенме; нек десегиз аны аман ниетлери бизге белгисиз тюйюлдюле.

II Коринфлилеге 4:4

Кёрюнмеген Аллахны сыфаты болгъан Масихни аламатлыгъыны юсюнден Хайыр Хапарны жарыгъы иймансызланы жарытмаз ючюн, бу ёмюрню аллахы аланы акъылларын сокъур этгенди.

Эфеслилеге 4:14

Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

II Фесалоникачылагъа 2:3

Сизни бир киши да бир да терилтмесин; нек десегиз, алгъы бурун иймандан тайыу болгъунчу эм ол гюняхлы адам – жоюлургъа сюд этилген адам – ачыкъ болгъунчу, ол кюн келлик тюйюлдю,

I Тимотейге 2:14

Эмда Адам сукъланып алданмагъанды, алай а тиширыу, сукъланып алданып, терсликге тюшгенди.

II Тимотейге 3:13

Огъурсуз адамла бла терсине юйретиучюле уа ажашдыра эм ажаша, амандан аман бола барлыкъдыла.

Чюйютлелеге 2:14

Сабийле уа чархдан бла къандан юлюшлю болгъанлары ючюн, Исса да, ёлюмню бийин – ибилисни, ёлюмню юсю бла къоратыр ючюн, адам табийгъатны Кесине алгъанды.

I Петер 5:8

Аязып, сагъайып туругъуз; нек десегиз сизни душманыгъыз ибилис, хырылдагъан аслан кибик, кимни жутарын излеп айланады.

I Ахия 5:19

Биз Аллахдан болгъаныбызны эм битеу дуния ибилисни оноуунда тургъанын билебиз.

Яхуда 1:9

Баш мёлек Микайыл а, Мусаны ёлюгюню юсюнден ибилис бла сёлешип даулашхан заманында, гурушха сёзле айтып терслерге таукел болмагъанды, алай а: «Сени Раббий тыйсын!» – дегенди.

Билим Ачханы 12:12

Алай бла, кёкле эм алада жашагъанла къууанч этигиз! Жерде бла тенгизде жашагъанлагъа уа – палах; нек десегиз ибилис, анга заман аз къалгъанын билип, сизге уллу къутурууу бла тюшгенди!»

Билим Ачханы 12:3

Сора кёкде башха илишан: жети башлы, он мюйюзлю, аны башларында да жети тажы болгъан уллу къызыл аждагъан кёрюндю.

Билим Ачханы 12:7

Сора кёкде къазауат болду: Микайыл бла аны мёлеклери аждагъаннга къажау къазауат эте эдиле, аждагъан бла аны мёлеклери да алагъа къажау къазауат эте эдиле,

Билим Ачханы 12:8

Алай а чыдаялмадыла, алагъа энди кёкде жер табылмады.

Билим Ачханы 13:14

Эм анга жаныуарны аты бла этерге берилген илишанла бла ол жер башында жашагъанланы терилтеди. Жер башында жашагъанлагъа къылыч жарасы болуп сау тургъан жаныуарны суратын ишлеп, монумент этигиз деп буюрады.

Билим Ачханы 16:14

Ала – сейир илишанла этген, жин нюрле эдиле; ала чыгъып, битеу дунияны тутхан Аллахны ол уллу кюнюнде боллукъ къазауатха битеу дунияны патчахларын жыяргъа бара эдиле.

Билим Ачханы 18:2

Сора ол уллу ауазы бла, бек къычырып: «Жоюлду! Уллу саякъ Бабил жоюлду! Ол жинлени мекямы эм хар тюрлю харам нюрню къысылыр жери, хар тюрлю харам эм жийиргенчли къанатлыны уясы болду; нек десенг кесини саякълыкъ этиуюню къутургъан чагъырындан битеу миллетлеге ичиргенди.

Билим Ачханы 18:23

Энди сенде чыракъ жарыгъы да чыгъарыкъ тюйюлдю; энди сенде киеуню бла келинни ауазлары эшитиллик тюйюлдюле. Нек десенг сени саудюгерлеринг жерни бийлери эдиле эм сени хыйнычылыгъынг бла битеу миллетле ажашыугъа тюшгендиле.

Билим Ачханы 19:20

Сора жаныуар да, аны бла бирге аны аллында сейир илишанла кёргюзтген, ол илишанла бла жаныуарны тамгъасын къабыл этгенлени эм аны суратына баш ургъанланы терилтген жалгъан файгъамбар да тутулдула; ала экиси да саулай, кукурт жаннган от кёлге атылдыла.

Билим Ачханы 2:13

„Сени ишлеринги эм жашагъан жеринги билеме; шайтанны тахтасы андады. Алай болгъанлыкъгъа Мени атымы къаты тутаса эм арагъызда – шайтан жашагъан жерде ёлтюрюлген Мени тюз шагъатым Антипаны кюнлеринде окъуна манга ийнаныудан таймагъанса.

Билим Ачханы 2:24

Сизге уа эм Тиатирада болгъан башхалагъа, ол окъууну тутмагъанлагъа эм шайтанны теренликлери аталгъан затланы билмегенлеге,

Билим Ачханы 2:9

„Сени ишлеринги, азап чекгенинги эм жарлылыгъынгы билеме. Алай а сен байса! Кеслерини юслеринден, биз иудейлилебиз деп, сизге аман айтханланы да билеме. Ала иудейли тюйюлдюле, шайтанны жыйымдыгъыдыла.

Билим Ачханы 20:10

Аланы терилтген ибилис а, от бла кукурт кёлге атыллыкъды; жаныуар бла жалгъан файгъамбар да андадыла. Ала кече да, кюн да ёмюрледен ёмюрлеге азап чегерикдиле.

Билим Ачханы 20:8

Ала, жерни кенглигине чыгъып, сыйлыланы ыстауатын эм сюйюлюннген шахарны къуршаларыкъдыла.

Билим Ачханы 3:9

Ма, Мен шайтанны жыйымдыгъына былай этерикме, кеслерине иудейлилебиз – деп, алай а аллайла болмай, ётюрюк айтханлагъа, – ма, Мен, ала келип сени аякъларынгы аллында баш урурча, алай этерикме эмда Мен сени сюйгеними билликдиле.

Билим Ачханы 9:1

Бешинчи мёлек сур быргъысын сокъду. Сора мен, кёкден жерге тюшген жулдузну кёрдюм. Ол жулдузгъа тюпсюз теренликлени къуюсуну ачхычы берилди.

Билим Ачханы 9:20

Бу палахладан ёлмей къалгъан адамла уа кеслерини къоллары бла этген ишлеринден тобагъа къайтышмадыла; жинлеге табыныуну, алтындан, кюмюшден, багъырдан, ташдан эм агъачдан ишленнген, ала уа не кёрюрге, не эшитирге, не жюрюрге болалмагъан идоллагъа табыныуну къоймадыла.