Билим Ачханы 12:3 - Сыйлы Инжил бла Забур

³ Сора кёкде башха илишан: жети башлы, он мюйюзлю, аны башларында да жети тажы болгъан уллу къызыл аждагъан кёрюндю.

Билим Ачханы 12:3 Iomraidhean Croise

Билим Ачханы 12:1

Сора кёкде уллу илишан, кюнню юсюне кийген къатын кёрюндю; аны аякъларыны тюбюнде ай, аны башында да онеки жулдуздан таж бар эди.

Билим Ачханы 12:13

Аждагъан, жер юсюне атылгъанын кёргенинде уа, ол улан сабий тапхан къатынны ызындан болуп башлады.

Билим Ачханы 12:17

Сора аждагъан къатыннга къутуруп къалды эм Аллахны фарызларын сакълагъан эмда Масих Иссагъа шагъатлыкъ этиуню бардыргъан, ол къатынны урлугъундан болгъан башхала бла къазауат этерге кетди.

Билим Ачханы 12:4

Аны къуйругъу кёкден жулдузланы ючден бирин алып кетип, аланы жерге атханды. Бу аждагъан, ол къозларыкъ къатынны къозлагъан заманында аны сабийин жутуп къояр ючюн, аны аллында тохтады.

Билим Ачханы 12:7

Сора кёкде къазауат болду: Микайыл бла аны мёлеклери аждагъаннга къажау къазауат эте эдиле, аждагъан бла аны мёлеклери да алагъа къажау къазауат эте эдиле,

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 13:1

Сора мен тенгизни юзмезинде тохтадым эмда жети башлы эм он мюйюзлю бир жаныуарны тенгизден чыгъып келгенин кёрдюм; аны мюйюзлеринде он тажы бар эди, аны башларында уа кяфыр атлары бар эдиле.

Билим Ачханы 13:2

Ол мен кёрген жаныуар барсха ушай эди; аны аякълары айыуну аякълары кибик эдиле, гемхоту уа асланны гемхоту кибик эди. Аждагъан анга кесини кючюн да, тахтасын да, уллу власть да берди.

Билим Ачханы 13:4

Эм жаныуаргъа да баш уруп: «Бу жаныуар кибик ким барды эм муну бла ким уруш эталлыкъды?» – дедиле.

Билим Ачханы 15:1

Сора мен кёкде башха уллу эм сейир илишан, жети ахыргъы палахланы келтирген жети мёлекни кёрдюм. Аллахны чамланыуу бу палахла бла бошалады.

Билим Ачханы 16:13

Сора мен аждагъанны ауузундан, жаныуарны ауузундан эм жалгъан файгъамбарны ауузундан чыкъгъан макъалагъа ушаш юч харам нюр кёрдюм.

Билим Ачханы 17:12

Ол сен кёрген он мюйюз да он патчахды, ала уа алыкъа патчахлыкъны алмагъандыла, алай а патчах болуу властьны жаныуар бла бирге бир сагъатха аллыкъдыла.

Билим Ачханы 17:16

Ол сен жаныуарда кёрген он мюйюз, саякъ къатынны кёрюп болмай къаллыкъдыла, аны чачарыкъдыла, къымыжа этерикдиле, этин ашарыкъдыла эмда аны отда кюйдюрлюкдюле.

Билим Ачханы 17:7

Сора мёлек манга: «Сен не сейирсинесе? Мен санга бу къатынны эм аны жюрютген жети башлы эм он мюйюзлю жаныуарны тасхасын айтайым.

Билим Ачханы 19:12

Аны кёзлери отну жилтини кибикдиле, Аны башында кёп таж барды; Аны юсюне Кесинден башха бир киши билмеген ат жазылыпды.

Билим Ачханы 20:2

Ол ибилис эм шайтан болгъан аждагъанны, буруннгулу жилянны тутуп, аны минг жылгъа бугъоулады.