Билим Ачханы 1:7 - Сыйлы Инжил бла Забур

⁷ Ма, булутла бла келеди! Аны хар кёз да, Аны чанчханла да кёрлюкдюле; Аны ючюн дунияны битеу миллетлери сарнап жилярыкъдыла. Алайды. Амин.

Билим Ачханы 1:7 Iomraidhean Croise

Забур 68:1

Хорну таматасына: «Лилияла» атлы макъам бла айтылады. Дауутну зикири.

Забур 97:2

Раббий Кесини къутхарыуун кёргюзтгенди, Кесини тюзлюгюн миллетлени кёзлерини аллында ачханды.

Маттай 16:27

Нек десегиз Адам Улу Кесини Атасыны аламатлыгъы бла, Кесини мёлеклери бла келликди; ол заманда хар кимге, ишлерине кёре, тийишлисин берликди.

Маттай 16:28

Кертисин айтама сизге: былайда тургъанладан бир къауумла ёлюм сынагъынчы, Адам Улуну Кесини Патчахлыгъында келгенин кёрлюкдюле», – деди.

Маттай 24:30

Ол заманда кёкде Адам Улуну илишаны кёрюнюрюкдю; ол заманда битеу жерни халкълары жилярыкъдыла, Адам Улуну, уллу къудурети бла эм аламатлыгъы бла кёк булутланы юсюнде келгенин кёрлюкдюле.

Маттай 25:31

«Адам Улу Кесини аламатлыгъында, битеу сыйлы мёлеклери бла келген заманында, Ол Кесини аламат тахтасына олтурлукъду.

Маттай 26:64

Исса анга: «Сен айтдынг; мындан ары сиз Адам Улуну Къудуретлини онг жанында олтуруп, кёкдеги булутланы юсюнде келгенин кёрюрсюз, деп окъуна айтама сизге», – деди.

Марк 13:26

Ол заманда Адам Улуну уллу къудурети эм аламатлыгъы бла булутланы ичинде келгенин кёрлюкдюле.

Марк 14:62

Исса: «Менме; эмда сиз Адам Улуну Къудуретлини онг жанында олтуруп эм кёкдеги булутла бла келгенин кёрюрсюз», – деди.

Лука 21:27

Ол заманда Адам Улу, уллу къудурети эм аламатлыгъы бла, булутда келгенин кёрлюкдюле.

Ахия 19:34

Аскерчиледен бирлери уа Иссаны къабыргъасына сюнгюню чанчып ётдюрдю, къабыргъасындан олсагъатдан къан бла суу тёгюлдю.

Ахия 19:37

Аны кибик Китап башха жерде да: «Ала Анга, чанчханларына къарарыкъдыла», – дейди.

I Фесалоникачылагъа 1:10

Эм Кесини ёлгенледен тиргизген Уланыны – келлик чамланыудан бизни къутхарыучу Иссаны – кёкледен келлигин сакълар ючюн, идоллагъа табыныуну къоюп, Аллахха къалай къайтышханыгъызны айтадыла.

I Фесалоникачылагъа 4:17

Андан сора биз, сау къалгъанла, ала бла бирге Раббийге хауада тюбер ючюн, булутлада кётюрюллюкбюз, алай бла хар заманда да Раббий бла боллукъбуз.

Чюйютлелеге 10:29

Сора Аллахны Уланын аякълары бла малтагъан эмда аны сыйлы этген кесаматны къанын сыйлыгъа санамагъан эм Аллахны шафауатлы Нюрюн хыликкя этген адам къаллай бир уллу азап салынырча терс боллугъун ойлаймысыз?

Чюйютлелеге 6:6

Иймандан тайгъанланы жангыдан тобагъа къайтышыу бла жангыртыргъа амал жокъду. Ала жангыдан кеслери-кеслеринде Аллахны Уланын къачха кередиле эм Анга бедиш этедиле.

I Ахия 3:2

Сюйюлюннгенле! Биз энди Аллахны сабийлерибиз, алай а не боллугъубуз алыкъа ачыкъ болмагъанды. Масих ачылгъан заманда Аны кибик боллугъубузну билебиз анса; нек десегиз Аны болгъаны кибик кёрлюкбюз.

Яхуда 1:14

Аланы юсюнден Адам файгъамбардан жети атагъа айланнган Ханох да, файгъамбарлыкъ этип: «Ма, Раббий Кесини кёп минг сыйлы мёлеги бла келеди.

Билим Ачханы 22:20

Бу затлагъа шагъатлыкъ Этген: «Ма, терк келликме!» – дейди. Амин. Я Раббий Исса, кел!

Билим Ачханы 22:4

Ала Аны бетин кёрлюкдюле эмда Аны аты аланы мангылайларында жазылып боллукъду.