Билим Ачханы 1:11 - Сыйлы Инжил бла Забур

¹¹ Бу кёргенинги китапха жаз эм Асияда болгъан жети жамауатха: Эфесге, Измирге, Бергамагъа, Тиатирагъа, Сардисге, Филадельфиягъа эм Лаодикиягъа жибер», – деп айтханын эшитдим.

Билим Ачханы 1:11 Iomraidhean Croise

Ишлери 16:14

Тиатира шахардан Лидия атлы, къызгъылдым къумач сатыучу, кеси да Аллахха табыныучу, бир тиширыу тынгылай эди; Пауулну не айтханына эсин бёлюрге Раббий аны жюрегин ачхан эди.

Ишлери 18:24

Бу кезиуде, Аскендирияда туугъан, Аполлос атлы бир иудейли Эфесге келген эди. Ол ариу сёзлю, Сыйлы Китапладан кёп билими болгъан адам эди.

Ишлери 20:17

Милитден а Эфесге адам ийип, ол, жамауатны таматаларын чакъыртды.

I Коринфлилеге 15:32

Адам ойлашыугъа кёре, Эфесде жыртыучу жаныуарла бла кюрешгеними манга не файдасы бар эди? Ёлгенле тиргизилмей эселе, ашап-ичип башлайыкъ, нек десегиз тамбла ёллюкбюз!

I Коринфлилеге 16:8

Эфесде уа мен эллинчи кюнню байрамына дери турлукъма,

Эфеслилеге 1:1

Аллахны буйругъу бла Масих Иссаны абустолу болгъан мен Пауулдан Масих Иссагъа ийман салгъан, Эфесдеги сыйлылагъа салам!

Колослулагъа 2:1

Сизни ючюн эм Лаодикияда болгъанла ючюн эмда мени бетден-бетге танымагъанланы бары ючюн да къаллай уллу кюрешиуюм болгъанын сиз билиригизни сюеме.

I Тимотейге 1:3

Македониягъа кете туруп, мен сенден тилегенимча энтда да тилейме: Эфесде къал эмда жалгъан окъуула жайгъан адамланы тый. Ала бош таурухла бла эм ахыры болмагъан генеалогияла бла кюрешмесинле деп буюр.

Билим Ачханы 1:17

Аны кёргенимде, ёлгенча болуп, Аны аякъларына аудум. Ол, онг къолун мени юсюме салып, манга былай айтды: «Къоркъма! Биринчи да, Ахыргъы да Менме.

Билим Ачханы 1:19

Алай бла кёргенлеринги, энди болгъан затланы эм мындан сора боллукъланы жаз.

Билим Ачханы 1:2

Ол да Аллахны сёзюне эм Масих Иссаны шагъатлыгъына эм не кёргенине шагъатлыкъ этгенди.

Билим Ачханы 1:20

Сен Мени онг къолумда кёрген жети жулдузну эм жети алтын чырахтанны тасхасы буду: жети жулдуз жети жамауатны мёлеклеридиле; ол сен кёрген жети чырахтан а жети жамауатды».

Билим Ачханы 1:4

Мен Ахиядан Асияда болгъан жети жамауатха салам! Бар Болуп Тургъандан, Бар Болгъандан эм Бар Болуп Турлукъдан, Аны тахтасыны аллында болгъан жети нюрден

Билим Ачханы 1:8

«Альфа да, Омега да, ауалы да, ахыры да Менме», – дейди Бар Болгъан, Бар Болуп Тургъан эм Бар Болуп Турлукъ, битеу дунияны тутхан Раббий Аллах.

Билим Ачханы 10:4

Жети кёк кюкюреу кеслерини ауазлары бла сёлешген заманда, мен жазаргъа хазырландым; алай а кёкден манга: «Жети кёк кюкюреуню не айтханларын эсинге алып къой, аланы жазгъан а этме!» – деген бир ауаз эшитдим.

Билим Ачханы 14:13

Сора мен: «Былай жаз: мындан арысында Раббийге ийнаныулары бла ёлгенле насыплыдыла!» – деп кёкден манга айтхан ауазны эшитдим. «Алайды, – дейди Нюр, – Ала урунууларын бошап тынчайырыкъдыла, аланы этген ишлери да аланы ызларындан барлыкъдыла».

Билим Ачханы 19:9

Сора мёлек манга: «Жаз: Къозуну некях тоюна чакъырылгъанла насыплыдыла!» – деди. Дагъыда манга: «Была хакъ керти сёзледиле, Аллахны сёзлеридиле», – деди.

Билим Ачханы 2:1

«Эфесдеги жамауатны мёлегине былай жаз: жети жулдузну онг къолунда Тутхан, жети алтын чырахтанны араларында Жюрюген былай айтады:

Билим Ачханы 2:12

«Бергамадагъы жамауатны мёлегине да былай жаз: эки ауузлу жютю къылычы болгъан былай айтады:

Билим Ачханы 2:18

«Тиатираны жамауатыны мёлегине да былай жаз: Аны кёзлери отну жилтини кибик болгъан, аякълары да сыйдам жезге ушагъан, Аллахны Уланы былай айтады:

Билим Ачханы 2:24

Сизге уа эм Тиатирада болгъан башхалагъа, ол окъууну тутмагъанлагъа эм шайтанны теренликлери аталгъан затланы билмегенлеге,

Билим Ачханы 2:8

«Измирдеги жамауатны мёлегине да былай жаз: Биринчи эм Ахыргъы, Ол ёлюп, сау болгъан былай айтады:

Билим Ачханы 21:5

Сора тахтада Олтургъан: «Ма, хар нени да жангы этеме», – деди. Эмда манга: «Быланы жаз, нек десенг бу сёзле хакъ кертидиле эм тюздюле», – деди.

Билим Ачханы 22:10

Сора манга: «Бу китапны файгъамбарлыкъ сёзлерине мухур салма, нек десенг заман жууукъду.

Билим Ачханы 22:16

Мен Исса, жамауатланы юсюнден бу шагъатлыкъланы сизге билдирирге Кесими мёлегими ийгенме. Мен – Дауутну тамырыма эм туудугъума, жарыкъ танг жулдузма».

Билим Ачханы 3:1

«Сардисдеги жамауатны мёлегине да былай жаз: Аллахны жети нюрю эм жети жулдуз Анда болгъан былай айтады: „Сени ишлеринги билеме; сен, сау кибик, ат жюрютесе, алай а сен ёлюсе.

Билим Ачханы 3:14

«Лаодикиядагъы жамауатны мёлегине да былай жаз: Аллахны жаратханын Башлатыучу, тюз эм хакъ керти Шагъат Амин былай айтады:

Билим Ачханы 3:4

Болсада сенде, Сардисде, кеслерини кийимлерин харам этмеген бир бёлек адам барды. Ала акъ кийимлери бла Мени биргеме жюрюрюкдюле; нек десенг ала мынга тийишлидиле.

Билим Ачханы 3:7

«Филадельфиядагъы жамауатны мёлегине да былай жаз: Сыйлы, Хакъ Керти, Анда Дауутну ачхычы болгъан, Ол ачса, бир киши да жапмазлыкъ, жапса, бир киши да ачмазлыкъ былай айтады: