Ахия 8:55 - Сыйлы Инжил бла Забур

⁵⁵ Сиз Аны танымадыгъыз, Мен а Аны таныйма. Аны танымайма десем а, сора сизни кибик ётюрюкчю боллукъма; алай а Мен Аны таныйма эм Аны сёзюн тутама.

Ахия 8:55 Iomraidhean Croise

Маттай 11:27

Мени Атам хар нени да Манга бергенди. Уланын Атадан башха бир киши да билмейди; Атаны да Уланындан бла, Улан билдирирге сюйген адамдан башха бир киши да билмейди.

Лука 10:22

Сора сохталарына айланып: – Мени Атам хар нени да Манга бергенди. Уланы ким болгъанын Атадан башха бир киши да билмейди, Ата ким болгъанын да Уланындан бла, Уланы билдирирге сюйген адамдан башха бир киши да билмейди», – деди.

Ахия 1:18

Аллахны бир киши бир заманда да кёрмегенди; Атаны къучагъында болгъан жангыз Уланыды Аны танытхан.

Ахия 10:15

Ата Мени таныгъаны кибик, Мен да Атаны таныйма, жанымы да къойла ючюн береме.

Ахия 15:10

Мен Атамы фарызларын тутуп, Аны сюймеклигинде болуп тургъаным кибик, сиз да Мени фарызларымы тутсагъыз, Мени сюймеклигимде болуп турлукъсуз.

Ахия 15:21

Алай а быланы барын да Мени атым ючюн сизге этерикдиле, нек десегиз Мени Ийгенни танымайдыла.

Ахия 16:3

Алай этерикдиле, нек десегиз не Атаны, не Мени танымагъандыла.

Ахия 17:25

Тюзлюклю Ата! Дуния Сени танымады. Мен а Сени таныйма, Мени Сен ийгенинги была да билдиле.

Ахия 6:46

Бу биреу Атаны кёргенди демеклик тюйюлдю. Атаны жангыз Аллахдан Келген кёргенди.

Ахия 8:19

Ол заманда Анга: «Къайдады Сени Атанг?» – дедиле. Исса уа: «Сиз не Мени, не Мени Атамы танымайсыз; сиз Мени танысагъыз эди, сора Мени Атамы да таныр эдигиз», – деп жууап берди.

Ахия 8:29

Мени Ийген Мени биргемеди; Ата Мени жангызлай къоймагъанды; нек десегиз Мен хар заманда да Ол ыразы болгъан затланы этеме», – деди.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

Ахия 8:51

Кертисин, кертисин айтама сизге: Мени сёзюмю тутхан адам ёмюрге ёлюм кёрлюк тюйюлдю», – деп жууап этди.

Ахия 8:52

Иудейлиле Анга: «Сенде жин болгъанын биз энди билдик. Ибрахим ёлгенди, файгъамбарла да ёлгендиле, Сен а: „Мени сёзюмю тутхан адам ёмюрге ёлюм сынарыкъ тюйюлдю“ дейсе.

Ишлери 17:23

Нек десегиз мен сизни табыннган жерлеригизге къарай айланып, юсюнде: „Билинмеген Аллахха“ деп жазылгъан бир къурман ташха да тюбегенме. Ма бу, сиз Аны билмегенлей табыннган Аллахны мен сизге билдиреме.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

I Ахия 1:6

Бизни Аны бла бирикмеклигибиз барды деп айтып, къарангыда жюрюй эсег’а, биз ётюрюк айтабыз эм хакъ кертиге кёре жашамайбыз.

I Ахия 2:22

Иссаны Масих болгъанын къабыл этмей къойгъан адам ётюрюкчю тюйюл эсе, ётюрюкчю кимди? Атаны да, Уланын да къабыл этмеген Масиххе къаршчы олду.

I Ахия 2:4

«Мен Аны таныйма», – деп, алай а Аны фарызларын тутмагъан адам, ол ётюрюкчюдю эм анда хакъ керти жокъду;

I Ахия 5:10

Аллахны Уланына ийнаннганны кесини кесинде шагъатлыгъы барды. Аллахха ийнанмагъан, Аны ётюрюкчю сунады; нек десегиз Аллах Кесини Уланыны юсюнден этген шагъатлыкъгъа ийнанмагъанды.

Билим Ачханы 3:9

Ма, Мен шайтанны жыйымдыгъына былай этерикме, кеслерине иудейлилебиз – деп, алай а аллайла болмай, ётюрюк айтханлагъа, – ма, Мен, ала келип сени аякъларынгы аллында баш урурча, алай этерикме эмда Мен сени сюйгеними билликдиле.