Ахия 8:44 - Сыйлы Инжил бла Забур

⁴⁴ Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

Ахия 8:44 Iomraidhean Croise

Маттай 12:34

Жилянны балалары! Огъурсуз болгъаныгъызлай, сиз огъурлуну айтыргъа къалай болалырсыз? Нек десегиз аууз жюрекдегин айтады.

Маттай 13:15

Нек десегиз бу халкъны жюреклери сезимсиз болгъанды, къулакълары бла да кючден эшитедиле, кёзлерин да къысхандыла; алайсыз кёзлери бла кёрюр эдиле, къулакълары бла да эшитир эдиле, жюреклери бла да ангылар эдиле эмда къайтышыр эдиле, Мен а аланы сау этер эдим“ деп алгъындан айтханы аланы юсюнде толады.

Маттай 13:38

Сабан – дунияды. Иги урлукъ – Кёклени Патчахлыгъыны уланларыдыла, аман хансла уа – хыйлачыны уланларыдыла.

Ахия 6:70

Исса алагъа: «Сиз онекини сайламагъанмамы Мен? Алай а сизден биригиз ибилисди», – деп жууап берди.

Ахия 7:17

Аны буйругъун этерге сюйген адам бу юйретиуню Аллахдан болгъанын, неда Мен Кесим-Кесимден айтханымы, билликди.

Ахия 8:38

Мен Атамда кёргеними айтама, сиз да атагъызда кёргенигизни этесиз», – деп жууап берди.

Ахия 8:41

Сиз атагъызны ишлерин этесиз», – деди. Аны ол сёзюне: «Биз зийнадан туумагъанбыз, бизни Атабыз бир Аллахды», – дедиле.

Ахия 8:55

Сиз Аны танымадыгъыз, Мен а Аны таныйма. Аны танымайма десем а, сора сизни кибик ётюрюкчю боллукъма; алай а Мен Аны таныйма эм Аны сёзюн тутама.

Ишлери 13:10

«Эй, хар тюрлю хыйладан бла хар тюрлю аманлыкъдан толгъан, ибилисни баласы, хар тюзлюкню душманы! Раббийни тюз жолларын терсине бурургъа кюрешгенинги къоярыкъ тюйюлмюсе?

Ишлери 24:9

Иудейлиле да аны айтханы тюздю деп шагъатлыкъ этдиле.

Ишлери 5:3

Петер а анга: «Ханания! Жюрегинги шайтаннга нек бердинг, Сыйлы Нюрге ётюрюк айтып жеринги багъасыны бир кесегин кесинге нек къойдунг?

II Коринфлилеге 11:3

Алай а, жилян кесини хыйлачылыгъы бла Хауаны терилтгени кибик, сизни да акъылларыгъыз, Масиххе тюз ниетлиликден тайып, бузулурла деп къоркъама.

I Петер 5:8

Аязып, сагъайып туругъуз; нек десегиз сизни душманыгъыз ибилис, хырылдагъан аслан кибик, кимни жутарын излеп айланады.

II Петер 2:4

Нек десегиз Аллах, гюнях этген мёлеклени да аямай, алай а, жаханимге атып, къарангылыкъда бугъоула бла байлагъан эмда, азап чекдирир ючюн, сюд кюннге сакъларгъа берген эсе,

I Ахия 1:8

Гюняхыбыз жокъду дей эсег’а, кесикесибизни алдайбыз эм бизде хакъ керти жокъду.

I Ахия 2:21

Мен сизге сиз хакъ кертини билмейсиз деп жазмагъанма, алай а сиз аны билесиз, бир ётюрюк да хакъ кертиден болмагъанын билесиз деп жазгъанма.

I Ахия 2:4

«Мен Аны таныйма», – деп, алай а Аны фарызларын тутмагъан адам, ол ётюрюкчюдю эм анда хакъ керти жокъду;

I Ахия 3:12

Ибилисден болуп, кесини къарындашын ёлтюрген Къабил кибик болмайыкъ. Аны уа не ючюн ёлтюргенди? Кесини ишлери аман болгъаны ючюн, къарындашыны ишлери уа тюзлюклю болгъаны ючюн ёлтюргенди.

I Ахия 3:15

Кесини къарындашын сюймеген хар адам адам ёлтюрюучю мурдарды; адам ёлтюрюучюню уа кесинде болуп тургъан ёмюрлюк жашауу болмагъанын сиз а билесиз.

Яхуда 1:6

Даражаларында къалмай, алай а кеслерини мекямларын къойгъан мёлеклени да, Раббий ачылмазлыкъ бугъоула бла бугъоулап, къарангылыкъны тюбюнде къыяматны уллу кюнюне сакълайды.

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 13:14

Эм анга жаныуарны аты бла этерге берилген илишанла бла ол жер башында жашагъанланы терилтеди. Жер башында жашагъанлагъа къылыч жарасы болуп сау тургъан жаныуарны суратын ишлеп, монумент этигиз деп буюрады.

Билим Ачханы 2:10

Сен сынарыкъ къыйынлыкъладан къоркъма. Ма, ибилис, сизни сынар ючюн, сизни арагъыздан бир къауумланы тюрмеге саллыкъды эм он кюн къыйынлыкъда боллукъсуз. Ёлюрге керек болсанг да тюз бол, сора санга жашауну тажын берликме.

Билим Ачханы 21:8

Къоркъакъланы, иймансызланы, харамланы, мурдарланы, саякъланы, хыйнычыланы, идоллагъа табыныучуланы эм битеу ётюрюкчюлени къадарлары уа от бла кукурт жаннган кёлдеди; бу экинчи ёлюмдю», – деди.

Билим Ачханы 22:15

Ит адамла эм хыйнычыла, саякъ адамла эм мурдарла, идоллагъа табыныучула эм ётюрюкню сюйюучю эм этиучю хар адам шахардан тышындадыла.

Билим Ачханы 9:11

Алагъа бийлик этген патчах а тюпсюз теренликлени мёлеги эди; аны аты чюйютча Абадонду, грекча уа Аполлионду.