Ахия 8:29 - Сыйлы Инжил бла Забур

²⁹ Мени Ийген Мени биргемеди; Ата Мени жангызлай къоймагъанды; нек десегиз Мен хар заманда да Ол ыразы болгъан затланы этеме», – деди.

Ахия 8:29 Iomraidhean Croise

Маттай 17:5

Ол муну айта тургъан заманда, ма аланы жарыкъ булут жапды, сора булутдан бир ауаз: «Бу – Мени ыразылыгъым Анда болгъан, Мени Сюйюлюннген Уланымды; Анга тынгылагъыз», – деди.

Маттай 3:15

Исса уа анга жууапха: «Къой энди; нек десенг хар тюзлюкню биз алай толтурургъа керекбиз», – деди. Сора Ахия Аны тыймады.

Маттай 3:17

Ол заманда кёкледен: «Бу Мени сюйюлюннген Уланымды; Мен Анга ыразыма», – деген ауаз келди.

Ахия 14:31

Алай а, Мен Атаны сюйгеними дуния билир ючюн, Ата Манга къалай фарыз этген эсе да, алай этеме. Туругъуз, былайдан кетейик».

Ахия 15:10

Мен Атамы фарызларын тутуп, Аны сюймеклигинде болуп тургъаным кибик, сиз да Мени фарызларымы тутсагъыз, Мени сюймеклигимде болуп турлукъсуз.

Ахия 16:32

Ма, сагъат жетеди, энди жетген да этгенди, сиз хар биригиз да кеси юйлеригизге чачылып кетериксиз эм Мени жангызлай къоярыкъсыз. Алай а Мен жангыз тюйюлме, нек десегиз Ата Мени биргемеди.

Ахия 17:4

Мен Сени жер башында махтаулу этдим, Сен толтур деп боюнума салгъан ишни тамам этдим.

Ахия 4:34

Исса алагъа: «Мени ашым Мени Ийгенни буйругъун толтурмакълыкъды эм Аны ишин битдирмекликди.

Ахия 5:30

«Мен Кеси-Кесимден бир зат да эталлыкъ тюйюлме. Къалай эшите эсем да, алай хукму этеме, Мени хукмум да тюзлюклюдю; нек десегиз Кесим сюйгенни тюйюл, алай а Мени ийген Атаны буйругъун толтурургъа излейме.

Ахия 6:38

Нек десегиз Мен кёкден Кесим сюйгенни этер ючюн тюйюл, алай а Мени ийген Атаны буйругъун толтурур ючюн тюшгенме.

Ахия 8:16

Мен сюд эте эсем да, Мени сюдюм тюздю; нек десегиз Мен жангыз тюйюлме, алай а Мени ийген Ата Мени блады.

II Тимотейге 4:17

Алай а, Хайыр Хапар мени юсюм бла толусунлай билдирилир ючюн эм аны битеу миллетле эшитир ючюн, Раббий, къатымда туруп, мени кючлендиргенди, мен да асланны жаякъларындан къутулгъанма.

II Тимотейге 4:22

Раббий Масих Исса сени нюрюнг бла болсун. Аллахны шафауаты сизни бла болсун. Амин.

Чюйютлелеге 4:15

Нек десегиз бизни Баш Дин Къуллукъчубуз къарыусузлукъларыбызда бизге жазыкъсыналмазча аллай тюйюлдю. Ол хар не жаны бла да бизни кибик сыналгъанды, алай а гюнях этмегенди.

Чюйютлелеге 7:26

Аллай Баш Дин Къуллукъчу бизни кереклибизге болушаллыкъды. Ол сыйлыды, аманлыкъгъа къатышмагъанды, таза айыпсызды, гюняхлыладан айырылгъанды эм кёкледен да бийикде турады.

I Ахия 2:1

Сабийлерим! Быланы сизге сиз гюнях этмез ючюн жазама; гюнях этген адам бар эсе уа, тюзлюклю Масих Исса Атаны аллында бизни Ёкюлюбюздю.

I Ахия 3:22

Эм не тилесек да, Андан аллыкъбыз, нек десегиз Аны фарызларын тутабыз эмда Ол ыразы болгъан затланы этебиз.