Ахия 7:37 - Сыйлы Инжил бла Забур

³⁷ Байрамны ахыргъы, уллу кюнюнде уа Исса, ёрге туруп, уллу ауаз бла: «Суусап болгъан адам, Манга келсин да ичсин!

Ахия 7:37 Iomraidhean Croise

Забур 143:6

Шыбыланы жашнат да, душманланы чач, окъларынгы жибер да аланы къуу.

Забур 42:2

Нек десенг мени кючлендириучю Аллах Сенсе. Сен мени атып нек къойдунг? Душманны унукъдурууундан мен нек тыхсып жюрюйме?

Забур 63:1

Хорну таматасына: Дауутну зикири.

Маттай 11:28

Битеу инжилгенле эмда унукъгъанла, Манга келигиз, Мен сизни тынчайтырыкъма.

Маттай 3:3

Аны юсюнден Иешая файгъамбар: «Къум тюзде къычыргъанны ауазы: „Раббийге жол хазырлагъыз, Анга тюз ызла этигиз“ дейди», – деп айтхан бу олду.

Маттай 5:6

Тюзлюкге жутлукъ этип термилгенле насыплыдыла; нек десегиз ала тоярыкъдыла.

Ахия 1:23

Ол а: «Иешая файгъамбарны айтханы кибик, „Раббийге жолну тюзетигиз“ деп къум тюзде къычыргъанны ауазыма мен», – деди.

Ахия 14:6

Исса анга: «Жол да, хакъ керти да, жашау да Менме; Мени юсюм бла болмаса, Атагъа бир киши да келмейди.

Ахия 4:10

Исса анга жууапха: «Сен Аллахны саугъасын билсенг эди эмда санга: „Манга бир суу ичирчи“ деген ким болгъанын билсенг эди, сен кесинг Андан тилер эдинг, Ол да санга жашау бериучю суу берир эди», – деди.

Ахия 4:11

Тиширыу Анга: «Жюйюсхан! Сени суу алыр затынг да жокъду, къую уа теренди. Сен жашау бериучю сууну къайдан аллыкъса?

Ахия 4:14

Мен берлик суудан ичген адам а ёмюрге да суусап боллукъ тюйюлдю; алай а, Мен анга берлик суу, аны ичинде, ёмюрлюк жашаугъа акъгъан шаудан суу боллукъду», – деди.

Ахия 5:40

Алай а сиз, жашауугъуз болур ючюн, Манга келирге сюймейсиз.

Ахия 6:35

Исса уа алагъа: «Жашауну ётмеги Менме; бир заманда да Манга келген ач боллукъ тюйюлдю эм Манга ийнаннган суусап боллукъ тюйюлдю.

Ахия 6:37

Ата Манга бергенлени барысы да Манга келликдиле, Манга келгенни да тышына къыстарыкъ тюйюлме.

Ахия 6:55

Нек десегиз Мени чархым керти ашды эм Мени къаным керти суусунду.

Ахия 7:28

Ол заманда табыныучу юйде юйрете Исса уллу ауаз бла: «Мени таныгъан да этесиз, Мен къайдан болгъанымы да билесиз! Мен Кесим-Кесимден келмегенме. Мени Ийген а хакъ кертиди, Аны уа сиз танымайсыз.

I Коринфлилеге 10:21

Раббийни аягъын да, жинлени аягъын да ичерге болаллыкъ тюйюлсюз. Раббийни ашына да, жинлени ашларына да къошулаллыкъ тюйюлсюз.

I Коринфлилеге 10:4

Эм барысы да бир нюр суусунну ичгендиле; нек десегиз артда келлик нюр ташдан ичгендиле, таш а Масих эди.

I Коринфлилеге 11:25

Аны кибик ушхууурдан сора аякъны да алып: «Бу аякъ Мени къаным бла бегитилген жангы кесаматды. Бу аякъдан ичген хар заманыгъызда, Мени эсигизге тюшюрюп ичигиз», – деп айтханды.

I Коринфлилеге 12:13

Нек десегиз биз барыбыз да, бир чарх болур ючюн, бир Нюрде кёмюлдюрюлгенбиз, иудейлиле неда греклиле, къулла неда азатла, барыбызгъа да бир Нюрден ичерге берилгенди.

Эфеслилеге 5:18

Эм чагъыр ичип эсирмегиз, нек десегиз андан хаулелик болады; алай а Сыйлы Нюрден толугъуз,

Билим Ачханы 21:6

Дагъыда манга: «Тамам болду! Альфа да, Омега да, ауалы да, ахыры да Менме; суусап болуп термилгеннге жашау сууну шауданындан хакъсыз берликме.

Билим Ачханы 22:1

Сора мёлек манга Аллахны эм Къозуну тахтасындан чыкъгъан, кристалл кибик жарыкъ, жашау сууну баргъан ариу сууун кёргюзтдю.

Билим Ачханы 22:17

Нюр да, келин да: «Кел!» – дейдиле. Эшитген да: «Кел!» – десин. Суусап болуп термилген келсин, алыргъа сюйген да жашау сууун хакъсыз алсын.