Ахия 6:57 - Сыйлы Инжил бла Забур

⁵⁷ Мени жашау бериучю Атам ийгени, Мен да Атамы кючю бла сау жашагъаным кибик, Мени ашагъан да Мени кючюм бла сау жашарыкъды.

Ахия 6:57 Iomraidhean Croise

Маттай 16:16

Шимон Петер, жууап эте: «Сен – жашау бериучю Аллахны Уланы Масихсе», – деди.

Ахия 14:19

Бираздан сора дуния Мени энди кёрлюк тюйюлдю, сиз а Мени кёрлюксюз. Мен жашагъаным ючюн, сиз да жашарыкъсыз.

Ахия 14:6

Исса анга: «Жол да, хакъ керти да, жашау да Менме; Мени юсюм бла болмаса, Атагъа бир киши да келмейди.

Ахия 17:21

Бары да бирликли болсунла; Ата, Сен Менде, Мен да Сенде болгъаныбыз кибик, ала да Бизде бирликли болсунла, Мени Сен ийгенинге дуния ийнансын.

Ахия 3:17

Нек десенг дуниягъа Аллах Кесини Уланын дуниягъа сюд этер ючюн иймегенди, алай а дуния Аны юсю бла къутхарылыр ючюн ийгенди.

Ахия 5:26

Нек десегиз Атаны Кеси-Кесинде жашауу болгъаны кибик, Уланына да Кеси-Кесинде жашауу болургъа кюч бергенди;

Ахия 6:29

Исса алагъа жууапха: «Ол Кимни ийген эсе, Анга ийнанмакълыкъ, ма буду Аллахны иши», – деди.

Ахия 6:38

Нек десегиз Мен кёкден Кесим сюйгенни этер ючюн тюйюл, алай а Мени ийген Атаны буйругъун толтурур ючюн тюшгенме.

I Коринфлилеге 15:22

Адам файгъамбарда бары да ёлгенлери кибик, Масихде бары да жашау табарыкъдыла.

I Коринфлилеге 15:45

Китапда: «Биринчи инсан Адам жашагъан жан болгъанды», – деп алай жазылгъанды; ахыргъы Адам а тиргизиучю нюрдю.

II Коринфлилеге 13:4

Нек десегиз Ол къарыусузлукъдан къачха керилген эсе да, энди Аллахны кючю бла сауду; аны кибик биз да Масихде къарыусуз эсек да, Аллахны кючю бла Аны бла бирге сизни ючюн сау жашарыкъбыз.

Галатиялылагъа 2:20

Сора энди уа мен жашамайма, алай а менде Масих жашайды. Энди чархымда жашай эсем а, сора мени сюйюп, Кесин мени ючюн берген Аллахны Уланына ийнаныуум бла жашайма.

I Фесалоникачылагъа 1:9

Нек десегиз адамла кеслери бизни къалай сюйюп къабыл этгенигизни айтадыла. Сиз, жашау бериучю хакъ керти Аллахха къуллукъ этер ючюн

Чюйютлелеге 9:14

Сора ёмюрлюк Нюр бла Кесин таза айыпсызны Аллахха къурманнга келтирген Масихни къаны уа, биз жашау бериучю Аллахха къуллукъ этер ючюн, жюреклерибизни ёлюм келтирген ишледен бек да тазаларыкъды!

I Ахия 4:9

Аллах бу дуниягъа Кесини жангыз Уланын, биз Аны юсю бла жашау алыр ючюн ийгени бла, Аллахны сюймеклиги бизге ачылгъанды.