Ахия 6:51 - Сыйлы Инжил бла Забур

⁵¹ Кёкден тюшген, жашау бериучю ётмек Менме. Бу ётмекден ашагъан ёмюрге жашарыкъды. Мен берлик ётмег’а Мени чархымды; аны уа Мен дуниягъа жашау берир ючюн берликме», – деди.

Ахия 6:51 Iomraidhean Croise

Маттай 20:28

Муну кибик Адам Улу да, Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Лука 22:19

Сора ётмекни алып, шукур этип сындырды да: «Бу, сизни ючюн берилген Мени чархымды, Мени эсигизге тюшюрюрге муну этигиз», – деп, алагъа берди.

Ахия 1:14

Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 1:29

Экинчи кюн Ахия Иссаны анга келе тургъанын кёрюп: «Ма Аллахны Къозусу, Ол, дунияны гюняхын Кесини боюнуна алады.

Ахия 11:26

Жашагъан эм Манга ийнаннган хар бир адам ёмюрде да ёллюк тюйюлдю. Анга ийнанамыса?» – деди.

Ахия 3:13

Кёкде болуп тургъан, кёкден тюшген Адам Улудан башха бир киши да кёкге чыкъмагъанды.

Ахия 3:14

Муса къум тюзде жилянны ёрге къалай кётюрген эсе, Адам Улу да,

Ахия 3:16

Нек десенг Аллах дунияны алай бек сюйгенинден, Кесини жангыз Уланын, Анга ийнаннган хар адам, жоюлмай, ёмюрлюк жашаулу болур ючюн бергенди.

Ахия 3:36

Уланнга ийнаннганны ёмюрлюк жашауу барды; Уланнга бойсунмагъан а жашау кёрлюк тюйюлдю, Аллах ол адамгъа чамланнганлай турады».

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Ахия 6:33

Нек десегиз кёкден тюшген эм дуниягъа жашау берген, Олду Аллахны ётмеги», – деди.

Ахия 6:35

Исса уа алагъа: «Жашауну ётмеги Менме; бир заманда да Манга келген ач боллукъ тюйюлдю эм Манга ийнаннган суусап боллукъ тюйюлдю.

Ахия 6:41

Ол: «Мен кёкледен тюшген ётмекме», – дегени ючюн, иудейлиле Анга къажау мурулдай эдиле.

Ахия 6:47

Кертисин, кертисин айтама сизге: Манга ийнаннганны ёмюрлюк жашауу барды.

Ахия 6:48

Жашауну ётмеги Менме.

Ахия 6:50

Аны ашагъан ёлмезча, кёкден тюшген ётмег’а аллайды.

Ахия 7:38

Китапда айтылгъаны кибик, Манга ийнаннган адамны ичинден, жашау бериучю суу черекле агъарыкъдыла», – деп сёлешди.

II Коринфлилеге 5:19

Нек десегиз Аллах, адамланы гюняхларын аланы боюнларына салмай, Масихни юсю бла дунияны Кеси бла жарашдыргъанды эм бизге жарашдырыу сёзюн аманат этгенди.

II Коринфлилеге 5:21

Нек десегиз биз Масихни юсю бла Аллахны аллында тюзлюклю болур ючюн, Аллах гюнях не болгъанын билмеген Масихни бизни гюняхларыбыз ючюн къурман этгенди.

Эфеслилеге 5:2

Масих, бизни сюйюп, Кесин бизни ючюн Аллахха саугъагъа эм ариу ийисли къурманнга бергени кибик, сиз да алай, сюймекликни жолунда жюрюгюз.

Эфеслилеге 5:25

Эрле! Масих Кесини Жамауатын сюйюп Кесин аны ючюн къурманнга бергени кибик, сиз да къатынларыгъызны сюйюгюз.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Чюйютлелеге 10:20

Исса уа, бу жангы эм жашау бериучю жолну бизге сыйлы жердеги жабыуну юсю бла ачханды, ол жол а Исса Кесиди.

I Петер 2:4

Анга – адамла сансыз этген, алай а Аллах сайлагъан, багъалы, тири Ташха – жууукълашыгъыз.

I Ахия 2:2

Ол бизни гюняхларыбызны эм жаланда бизни гюняхларыбызны тюйюл, алай а битеу дунияны гюняхларын да кечдирген къурманды.

I Ахия 4:10

Аллахны биз сюймегенбиз, алай а бизни Ол сюйгенди эм бизни гюняхларыбызны кечдирген къурманнга Кесини Уланын ийгенди; сюймеклиг’а ма олду.

I Ахия 4:14

Ата Уланын Къутхарыучу этип дуниягъа ийгенин биз кёргенбиз эм мынга шагъатлыкъ этебиз.