Ахия 5:42 - Сыйлы Инжил бла Забур

⁴² Алай а сизни билеме; сизде Аллахны сюймеклик жокъду.

Ахия 5:42 Iomraidhean Croise

Лука 16:15

Ол алагъа: «Сиз адамланы алларында кесигизни тюзлюклюлеча кёргюзтесиз, Аллах а сизни жюреклеригизни биледи. Адамлагъа уллу кёрюннген зат Аллахны аллында жийиргенчли затды.

Ахия 2:25

Эм биреу адамны юсюнден Анга шагъатлыкъ этерге кереклиси жокъ эди, нек десегиз адамны ичиндегин Кеси биле эди.

Ахия 21:17

Анга ючюнчю кере да: «Жюнюс улу Шимон! Сюемисе сен Мени?» – деди. «Сюемисе Мени?» – деп ючюнчю кере да соргъанына Петер мудах болуп, Анга: «Раббий! Сен барын да билесе; Сен билесе, мен Сени сюйгеними», – деди. Исса анга: «Мени къойларымы кют.

Ахия 5:41

Адамладан махтау алмайма.

Ахия 5:43

Мен Атамы аты бла келгенме, сиз а Мени къабыл этмейсиз; башхасы кесини аты бла келсе уа, аны къабыл этериксиз.

Ахия 5:44

Сиз бир-биригизден махтау аласыз, бир Аллахдан болгъан махтауну уа излемейсиз, сора сиз Манга къалай ийнаналлыкъсыз?

Ахия 8:42

Исса алагъа: «Аллах сизни Атагъыз болса эди, сиз Мени сюер эдигиз, нек десегиз Мен Аллахдан чыгъып келгенме, Мен Кесим-Кесимден келмегенме, алай а Мени Ол ийгенди.

Ахия 8:47

Аллахдан болгъан адам Аллахны сёзлерине тынгылайды; сиз Аллахдан тюйюлсюз, аны себепли тынгыламайсыз сиз», – деди.

Ахия 8:55

Сиз Аны танымадыгъыз, Мен а Аны таныйма. Аны танымайма десем а, сора сизни кибик ётюрюкчю боллукъма; алай а Мен Аны таныйма эм Аны сёзюн тутама.

Римлилеге 8:7

Нек десегиз гюняхлы табийгъатны ойлашыулары Аллахха къажаулукъду; Аллахны Законуна бойсунмайдыла, бойсуналлыкъ да тюйюлдюле.

I Ахия 2:15

Бу дунияны да, бу дунияда болгъан затланы да сюймегиз, бу дунияны сюйген адамда Атаны сюймеклик жокъду.

I Ахия 3:17

Бу дунияда жетишимлиги болуп, кесини къарындашыны уа керекли болгъанын кёрюп, андан кесини жюрегин жапхан адамда уа Аллахны сюймеклиги къалай болур?

I Ахия 4:20

«Мен Аллахны сюеме», – деп кесини къарындашын а кёрюп болмагъан адам ётюрюкчюдю. Нек десегиз кесини кёре тургъан къарындашын сюймеген ол кеси кёрмеген Аллахны уа къалай сюяллыкъды?

Билим Ачханы 2:23

Аны сабийлерин да ёлюм бла къырлыкъма эм Мен адамланы жюреклерин бла кёллериндегин сынаучу болгъанымы битеу жамауатла ангыларла эм сизни хар биригизге да этген ишлеригизге кёре тийишлисин берирме.