Ахия 5:19 - Сыйлы Инжил бла Забур

¹⁹ Бу затха Исса: «Кертисин, кертисин айтама сизге: Улан Атасыны эте тургъанын кёрмесе, Кеси-Кесинден бир зат да эталлыкъ тюйюлдю; Ол не эте эсе да, Улан да алай этеди.

Ахия 5:19 Iomraidhean Croise

Забур 138:3

Мен бара эсем да, солуй эсем да, Сен мени кёресе, мени битеу жолларым да Санга белгилидиле.

Забур 50:6

Санга, бир Санга гюнях этгенме мен эмда Сени кёзлеринги аллында аманлыкъ этгенме. Ол себепден Сен сёзлерингде тюзлюклю чыгъаса эм сюдюнгде тазаса.

Маттай 26:39

Аладан бир кесек арлакъ барып, беттёбен аууп, тилек этип: «Атам! Амал бар эсе, бу аякъ Менден кери болсун; алай а Мен сюйгенча тюйюл, Сен сюйгенча болсун», – дей эди.

Лука 21:15

Нек десегиз Мен сизге сёзге усталыкъ да, акъылманлыкъ да берликме. Сизге къажау тургъанланы бири да жууап этерге, не къажаулукъ этерге болаллыкъ тюйюлдю.

Ахия 10:18

Жанымы Менден бир киши да сыйырмайды, алай а аны Мен Кесим береме; аны берирге эркинлигим барды эм дагъыда артха алыргъа эркинлигим да барды; бу фарызны Мен Атамдан алгъанма», – деди.

Ахия 12:49

Нек десегиз Мен Кесим-Кесимден айтмагъанма, алай а Мени ийген Ата, не айтыргъа эм не сёлеширге, Кеси Манга фарыз бергенди.

Ахия 12:50

Аны фарызы ёмюрлюк жашау болгъанын Мен билеме. Алай бла, Мен не айта эсем да, Атаны Манга айтханы кибик айтама», – деди.

Ахия 14:10

Мен Атада, Ата да Менде болгъанына сен ийнанмаймыса? Мен сизге айтхан сёзлени, Кеси-Кесимден айтмайма; Менде болгъан Ата Кеси этеди ишлерин.

Ахия 2:19

Исса алагъа жууапха: «Бу табыныучу юйню бузугъуз, Мен аны юч кюннге къурарма», – деди.

Ахия 3:3

Исса анга жууапха: «Кертисин, кертисин айтама санга: огъартындан туумагъан адам, Аллахны Патчахлыгъын кёраллыкъ тюйюлдю», – деди.

Ахия 5:21

Ата ёлгенлени къалай тиргизе эсе эм сау эте эсе да, Улан да кимни сюйсе да алай сау этеди.

Ахия 6:38

Нек десегиз Мен кёкден Кесим сюйгенни этер ючюн тюйюл, алай а Мени ийген Атаны буйругъун толтурур ючюн тюшгенме.

Ахия 8:28

Ол себепден Исса алагъа: «Адам Улун ёрге кётюрсегиз, ол Мен болгъанымы, Мен Кесим-Кесимден бир зат да этмегеними, алай а Мени Атам Мени юйретгени кибик, алай айтханымы ол заманда билирсиз.

Ахия 9:4

Мени Ийгенни ишлерин, Мен кюн бошалгъынчы этерге керекме; кече келеди, ол заманда уа бир киши да иш эталлыкъ тюйюлдю;

Ишлери 2:24

Аллах а, ёлюмню бугъоуларын бузуп, Аны тиргизгенди; нек десегиз ёлюмге Аны тыяргъа амал жокъ эди.

Римлилеге 6:4

Ол себепден, Масих Атаны махтаулу кючю бла ёлгенледен тиргизилгени кибик, биз да жангыргъан жашауда алай жюрюр ючюн, сууда кёмюлдюрюлюуюбюз бла Аны бла ёлюмге кёмюлгенбиз.

Римлилеге 8:11

Иссаны ёлгенледен тиргизген Аллахны Нюрю сизде жашай эсе уа, сора Масихни ёлгенледен тиргизген Аллах, Кесини сизде жашагъан Нюрю бла, сизни ёллюк чархларыгъызгъа да жашау берликди.

I Коринфлилеге 15:12

Масихни юсюнден а, Ол ёлгенледен тиргизилгенди деп билдириле эсе, сора сизден бир къауумла, ёлгенлеге тиргизилиу жокъду деп къалай айтадыла?

II Коринфлилеге 4:14

Нек десегиз Раббий Иссаны тиргизген Аллах Иссаны юсю бла бизни да тиргизиригин эм сизни бла бирге Кесини аллына саллыгъын билебиз.

II Коринфлилеге 5:10

Нек десегиз биз, чархыбызда жашагъан заманыбызда, ахшылыкъ неда аманлыкъ этгенибизге кёре тийишлисин алыр ючюн, хар бирибиз да Масихни сюдюню аллында кёрюнюрге керекбиз.

Эфеслилеге 2:5

Терсликлерибиз бла ёлю болгъаныбызлай, бизге Масих бла жашау бергенди. Сиз Аны шафауаты бла къутхарылгъансыз.

Эфеслилеге 3:16

Ол, Кесини аламатлыгъыны байлыгъындан, Кесини Нюрю бла ич адамыгъызда кюч берип, сизни бегитсин,

Колослулагъа 1:11

Аны махтаулу къудурети сизни толу кючлендирир эм хар не жаны бла да чыдамлы, тёзюмлю эмда къууанчлы этер ючюн

Колослулагъа 1:16

Нек десегиз кёкледе болгъан да, жерде болгъан да, кёрюннген да, кёрюнмеген да хар неда Аны юсю бла жаратылгъанды; патчахлыкъламы, бийликлеми, башчыламы, властьламы – бары да Аны юсю бла эм Аны ючюн жаратылгъанды.

I Фесалоникачылагъа 4:14

Нек десегиз биз Иссаны ёлгенине эм тиргизилгенине ийнанабыз. Ма анга кёре, Иссагъа ийнанып ёлгенлени да Аллах Аны биргесине келтирликди.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

Билим Ачханы 2:23

Аны сабийлерин да ёлюм бла къырлыкъма эм Мен адамланы жюреклерин бла кёллериндегин сынаучу болгъанымы битеу жамауатла ангыларла эм сизни хар биригизге да этген ишлеригизге кёре тийишлисин берирме.