Ахия 4:48 - Сыйлы Инжил бла Забур

⁴⁸ Исса анга: «Сиз, илишанла бла сейирликле кёрмесегиз, ийнанырыкъ тюйюлсюз», – деди.

Ахия 4:48 Iomraidhean Croise

Маттай 16:1

Сора фарисейле бла садукейле, Иссагъа келип, Аны сынай, алагъа кёкден илишан кёргюзтюрюн тиледиле.

Маттай 24:24

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн уллу илишанла бла сейирликле кёргюзтюрюкдюле.

Маттай 27:42

«Башхаланы къутхара эди, Кеси-Кесин а къутхаралмайды! Ол Израильни Патчахы эсе, энди къачдан тюшсюн, сора биз Анга ийнанырбыз.

Марк 13:22

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн илишанла эм сейирликле кёргюзтюрюкдюле.

Лука 10:18

Ол а алагъа: «Шайтанны шыбылача кёкден тюшгенин Мен кёргенме.

Лука 16:31

Ол заманда Ибрахим анга: „Мусагъа да, файгъамбарлагъа да тынгыламай эселе, сора ёлгенледен тиргизилген адам болсада, ийнанырыкъ тюйюлдюле“ дегенди», – деди.

Ахия 12:37

Ол аланы алларында аллай бир илишанла этгенлей да ала Анга ийнанмагъан эдиле.

Ахия 15:24

Мен аланы араларында, аллай ишлени бир киши да этмеген ишле этмесем эди, алагъа гюнях болмаз эди; энди уа кёрген да этгендиле эм Мени да, Мени Атамы да кёрюп болмай къалгъандыла.

Ахия 2:18

Ол заманда иудейлиле Иссагъа: «Былай этерге эркинлигинг болгъанын Сен бизге къаллай илишан бла кёргюзтюрюксе?» – деп сордула.

Ахия 20:29

Исса анга: «Сен Мени кёргенинг себепли ийнандынг. Кёрмегенлей ийнаннганла уа насыплыдыла», – деди.

Ахия 4:49

Патчахны ёзюрю Анга: «Раббий! Сабийим ёлюп къалгъынчы кел», – деди.

Ишлери 14:3

Болсада Пауул бла Барнаба мында бир бёлек заман туруп, Раббийни юсюнден таукеллик бла айта эдиле, Ол а Кесини шафауатыны юсюнден сёзге шагъатлыкъгъа, аланы къоллары бла илишанла эм сейир ишле болдура эди.

Ишлери 15:12

Сора битеу жыйылыу тохташып, Барнабаны бла Пауулну, башха миллетлени арасында, Аллах аланы юслери бла къаллай илишанла бла сейир ишле этгенин айтханларына тынгыладыла.

Ишлери 2:19

Сора кёкде огъары сейирликле, тюбюнде жерде да илишанла, къан, от эм тютюн булутла кёргюзтюрюкме.

Ишлери 2:22

Израильли кишиле! Тынгылагъыз бу сёзлеге: кесигиз да билгенигиз кибик, Назаретли Исса, Аллах Аны юсю бла сизни арагъызда этген къудуретли ишлери, сейирликлери эм илишанлары бла белгили болгъан Кишиди.

Ишлери 2:43

Хар бир адамда да Аллахдан къоркъуу бар эди. Абустолланы юслери бла Иерусалимде кёп сейирликле эм илишанла этиле эдиле.

Ишлери 4:30

Сен да, Сыйлы Уланынг Иссаны аты бла адамланы сау этерге эмда илишанла эм сейирликле этерге къолунгу узат», – деп тилек этдиле.

Ишлери 5:12

Абустолланы къоллары бла уа халкъны ичинде кёп илишанла бла сейирликле этиле эдиле; ийнаннганланы барысы да бир ниетде Сюлеменни Колоннадасында жыйыла эдиле.

Ишлери 6:8

Истефан а, иймандан эм кючден толуп, халкъны ичинде уллу сейирликле эм илишанла эте эди.

Ишлери 7:36

Аланы Мисирни жеринден чыгъаргъан, анда да, Къызыл тенгизде да, къыркъ жылны ичинде къум тюзде да сейирликле бла илишанла этген олду.

Римлилеге 15:19

Алай бла, мен, Иерусалимден башлап Иллириягъа дери айланып, Масихни Хайыр Хапарын хар жерде жайгъанма.

I Коринфлилеге 1:22

Нек десегиз иудейлиле сейирлик илишанла даулайдыла, греклиле уа акъылманлыкъ излейдиле;

II Коринфлилеге 12:12

Абустоллугъуму шартлары сизни аллыгъызда хар тюрлю тёзюмлюлюк бла, илишанла бла, сейирликле бла эм къудуретли ишле бла кёргюзтюлгендиле.

II Фесалоникачылагъа 2:9

Законсузлукъчуну келлиги шайтанны ишиди. Ол, хар тюрлю жалгъан къудуретле, илишанла, сейирликле кёргюзтюп, жоюла тургъанланы алдагъан хар тюрлю аманлыкъ бла келликди.

Чюйютлелеге 2:4

Аллах да ол хапаргъа илишанла бла, сейирликле бла, кёп тюрлю къудуретли ишле бла эмда Сыйлы Нюрню саугъалары бла шагъатлыкъ этгенди; аланы уа адамлагъа Кеси сюйгенча юлешгенди.