Ахия 3:36 - Сыйлы Инжил бла Забур

³⁶ Уланнга ийнаннганны ёмюрлюк жашауу барды; Уланнга бойсунмагъан а жашау кёрлюк тюйюлдю, Аллах ол адамгъа чамланнганлай турады».

Ахия 3:36 Iomraidhean Croise

Забур 2:12

Уланын сыйлы кёрюгюз, алайсыз Ол чамланыр эмда сиз баргъан жолугъузда жоюлурсуз; нек десегиз къысха заманда Аны чамланыуу къабынырыкъды. Битеу Анга ышаннганла насыплыдыла.

Забур 36:9

Нек десенг аманлыкъ этиучюле жоюллукъдула, Раббийге ышаннганла уа жерге ие боллукъдула.

Забур 49:19

Аман сёлеширге ауузунгу ачаса, сени тилинг да хыйлачылыкъланы тизип айтады.

Маттай 25:46

Сора была ёмюрлюк азапха, тюзлюклюле уа ёмюрлюк жашаугъа кетерле», – деди.

Марк 16:16

Ийнаннган эмда сууда кёмюлдюрюлген адам къутхарыллыкъды; ийнанмагъан адамгъа уа сюд этилликди.

Лука 2:30

Энди Сени битеу халкъланы кёзлерини аллында хазырлагъан къутхарыуунгу,

Лука 3:6

Сора хар адам Аллахны къутхарыуун кёрлюкдю!“ (дейди)», – деп жазылгъаны кибик (болгъанды).

Ахия 1:12

Аны къабыл этгенлеге, Аны атына ийман салгъанлагъа уа Аллахны сабийлери болургъа эркинлик бергенди.

Ахия 10:28

Мен алагъа ёмюрлюк жашау береме, ала ёмюрде да жоюллукъ тюйюлдюле. Мени къолумдан аланы бир киши да сыйыраллыкъ тюйюлдю.

Ахия 3:3

Исса анга жууапха: «Кертисин, кертисин айтама санга: огъартындан туумагъан адам, Аллахны Патчахлыгъын кёраллыкъ тюйюлдю», – деди.

Ахия 4:36

Оруучу хакъын алады эм ёмюрлюк жашаугъа тирлик жыяды; алай бла себиучю да, оруучу да бирге къууанч этерикдиле.

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Ахия 6:58

Кёкден тюшген ётмек ма буду; ол а аталарыгъыз ашагъан манна ча тюйюлдю. Ала ёлгендиле; бу ётмекни ашагъан ёмюрге жашарыкъды», – деди.

Ахия 8:51

Кертисин, кертисин айтама сизге: Мени сёзюмю тутхан адам ёмюрге ёлюм кёрлюк тюйюлдю», – деп жууап этди.

Ишлери 14:2

Ийнанмагъан иудейлиле уа, башха миллетлилени жюреклерин къозгъап, аланы къарындашлагъа къажау къозутдула.

Римлилеге 4:15

Нек десегиз Закон Аллахны чамланыуун чыгъарады, алай а закон болмагъан жерде законну бузаргъа да амал жокъду.

Римлилеге 5:9

Ол себепден бегирек да энди, Аны къаны бла ариуланнгандан сора, Аллахны чамланыуундан Аны юсю бла къутуллукъбуз.

Римлилеге 8:1

Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду,

Галатиялылагъа 3:10

Тауратны фарызларын тутуугъа ышаннганла уа бары да налат боладыла. Нек десегиз Китапда: «Таурат китапда жазылгъанланы барын да хар заманда да этип толтурмагъан хар адам налатды», – деп жазылгъанды.

Эфеслилеге 5:6

Бир киши да сизни бош сёзле бла терилтмесин; нек десегиз бойсунмагъан адамланы юслерине, аллай затла ючюн Аллахны чамланыуу келеди.

I Фесалоникачылагъа 1:10

Эм Кесини ёлгенледен тиргизген Уланыны – келлик чамланыудан бизни къутхарыучу Иссаны – кёкледен келлигин сакълар ючюн, идоллагъа табыныуну къоюп, Аллахха къалай къайтышханыгъызны айтадыла.

I Фесалоникачылагъа 5:9

Нек десегиз Аллах бизни чамланыууна тюйюл, алай а бизни Раббийибиз Масих Иссаны юсю бла къутхарылыуну алыргъа буюргъанды.

Чюйютлелеге 10:29

Сора Аллахны Уланын аякълары бла малтагъан эмда аны сыйлы этген кесаматны къанын сыйлыгъа санамагъан эм Аллахны шафауатлы Нюрюн хыликкя этген адам къаллай бир уллу азап салынырча терс боллугъун ойлаймысыз?

Чюйютлелеге 2:3

Аллай уллу къутхарыуну сансыз эте эсек, энди биз азапдан къалай къутулурбуз? Ол къутхарыуну бек алгъа Раббий Кеси билдиргенди, бизге да муну Андан кеслери эшитгенле айтып ийнандыргъандыла.

Чюйютлелеге 3:18

Анга боюн салмагъанлагъа тюйюл эсе: «Мени берлик ырахатлыгъыма кирлик тюйюлдюле», – деп кимлеге ант этгенди?

Чюйютлелеге 3:19

Алай бла ала иймансызлыкъларына кёре киралмай къалгъанларын кёребиз.

Билим Ачханы 21:8

Къоркъакъланы, иймансызланы, харамланы, мурдарланы, саякъланы, хыйнычыланы, идоллагъа табыныучуланы эм битеу ётюрюкчюлени къадарлары уа от бла кукурт жаннган кёлдеди; бу экинчи ёлюмдю», – деди.