Ахия 3:34 - Сыйлы Инжил бла Забур

³⁴ Аллах ийген Киши Аллахны сёзлерин айтады; нек десегиз Аллах Нюрюн ёлчелеп бермейди.

Ахия 3:34 Iomraidhean Croise

Забур 45:7

Миллетле къычырыкъ этгендиле, патчахлыкъла титирегендиле; Уллу Аллах Кесини ауазын эшитдиргенди, сора жер эрип къалгъанды.

Маттай 12:18

«Ма, Мени сайлап алгъан Къулум, Мени жаным ыразы болгъан Сюйюлюннгеним; Мен Анга Кеси Нюрюмю саллыкъма, Ол миллетлеге тюз хукму билдирликди;

Лука 4:18

«Раббийни Нюрю Мени юсюмдеди; нек десегиз Ол Мени жарлылагъа хайыр хапар берирге майлагъанды эмда Мени жюреклери сыннганланы сау этерге, жесирлеге азатлыкъны, сокъурлагъа кёзлерини ачыллыгъын билдирирге, унукъдурулгъанланы эркинликге бошларгъа,

Ахия 1:16

Аны толулугъундан биз барыбыз да шафауат юсюне шафауат алгъанбыз;

Ахия 15:26

Мен сизге Атадан иерик Жюрек Жапсарыучу – Кеси Атадан чыгъа тургъан Хакъ Кертини Нюрю – келген заманда уа, Ол Мени юсюмден шагъатлыкъ этерикди.

Ахия 16:7

Алай болсада, Мен сизге тюзюн айтама, сизге Мени кетгеним игиди. Нек десегиз Мен кетмесем, Жюрек Жапсарыучу сизге келлик тюйюлдю; кетсем а, Аны сизге иерикме.

Ахия 3:17

Нек десенг дуниягъа Аллах Кесини Уланын дуниягъа сюд этер ючюн иймегенди, алай а дуния Аны юсю бла къутхарылыр ючюн ийгенди.

Ахия 5:26

Нек десегиз Атаны Кеси-Кесинде жашауу болгъаны кибик, Уланына да Кеси-Кесинде жашауу болургъа кюч бергенди;

Ахия 7:16

Исса, алагъа жууап эте: «Мени юйретиуюм Мени тюйюлдю, Мени Ийгенниди.

Ахия 8:40

Энди уа Мени, Аллахдан эшитген хакъ кертини сизге айтхан Адамны, ёлтюрюрге излейсиз: Ибрахим алай этмегенди.

Ахия 8:47

Аллахдан болгъан адам Аллахны сёзлерине тынгылайды; сиз Аллахдан тюйюлсюз, аны себепли тынгыламайсыз сиз», – деди.

Ишлери 1:2

Аны хар не этгенини эм неге юйретгенини юсюнден жазгъан эдим.

Ишлери 10:38

Аллах Сыйлы Нюр бла эм кюч бла Назаретли Иссаны къалай майлагъанын билесиз. Исса халкъгъа игилик эте эм ибилис бийлегенлени барын да сау эте айланнганды, нек десегиз Аллах Аны бла эди.

Римлилеге 8:2

Нек десегиз жашау берген Нюрню закону Масих Иссаны юсю бла мени гюняхны бла ёлюмню законундан азат этгенди.

Эфеслилеге 3:8

Сыйлыланы битеу барындан да эм гитче болгъанымлай, Масихни акъылгъа сыйынмагъан байлыгъыны юсюнден башха миллетлеге хайыр хапар берирге

Колослулагъа 1:19

Нек десегиз Иссада хар тюрлю толулукъну болурун Ата иги кёргенди.

Колослулагъа 2:9

Нек десегиз Аллахлыкъны битеу толулугъу сан бла Масихде жашайды.

Билим Ачханы 21:6

Дагъыда манга: «Тамам болду! Альфа да, Омега да, ауалы да, ахыры да Менме; суусап болуп термилгеннге жашау сууну шауданындан хакъсыз берликме.

Билим Ачханы 22:1

Сора мёлек манга Аллахны эм Къозуну тахтасындан чыкъгъан, кристалл кибик жарыкъ, жашау сууну баргъан ариу сууун кёргюзтдю.