Ахия 20:15 - Сыйлы Инжил бла Забур

¹⁵ Исса анга: «Тиширыу! Сен нек жиляйса? Кимни излейсе?» – деди. Мариям а, ол терек бахчачы сунуп, Анга: «Жюйюсхан! Аны сен чыгъарып элтген эсенг, Аны къайры салгъанынгы манга айт, мен Аны алып кетерикме», – деди.

Ахия 20:15 Iomraidhean Croise

Маттай 12:34

Жилянны балалары! Огъурсуз болгъаныгъызлай, сиз огъурлуну айтыргъа къалай болалырсыз? Нек десегиз аууз жюрекдегин айтады.

Маттай 28:5

Мёлег’а, тиширыулагъа айланып: «Къоркъмагъыз! Сиз къачха керилген Иссаны излегенигизни билеме.

Марк 16:6

Ол а алагъа: «Къоркъмагъыз! Къачха керилген Назаретли Иссаны излейсиз; Ол тиргизилгенди, Ол мында жокъду. Ма Ол асыралгъан жер.

Лука 2:44

Алай а, Ол башха жолоучула бла келе болур деп, кёллерине келе эди. Бир кюнлюк жолну баргъандан сора уа, жууукъларыны бла танышларыны арасында Аны излеп башладыла.

Лука 24:5

Ол тиширыула, къоркъууда болуп, бетлерин жерге ийилтген заманда, алагъа: «Сиз сауну ёлгенлени арасында нек излейсиз?

Ахия 1:38

Исса уа, артха айланып, аланы келгенлерин кёрюп, алагъа: «Не излейсиз?» – деди. Ала да Анга: «Равви, къайда жашайса?» – дедиле. Равви дегенни магъанасы «устаз» деген сёздю.

Ахия 18:4

Исса уа, Анга не боллугъун барын да билип, алгъа чыгъып алагъа: «Кимни излейсиз?» – деди.

Ахия 18:7

Дагъыда алагъа: «Кимни излейсиз?» – деп сорду. Ала да: «Назаретли Иссаны», – дедиле.

Ахия 20:13

Ала анга: «Тиширыу! Сен нек жиляйса?» – дедиле. Мариям алагъа: «Раббийими алып кетгендиле, Аны къайры салгъанларын билмейме», – деди.