Ахия 2:19 - Сыйлы Инжил бла Забур

¹⁹ Исса алагъа жууапха: «Бу табыныучу юйню бузугъуз, Мен аны юч кюннге къурарма», – деди.

Ахия 2:19 Iomraidhean Croise

Маттай 12:40

Нек десегиз Жюнюс уллу чабакъны къарынында юч кюн бла юч кече тургъаны кибик, Адам Улу да жерни жюрегинде юч кюн бла юч кече турлукъду.

Маттай 16:21

Ол замандан башлап Исса сохталарына Кесини Иерусалимге барыргъа, анда таматаладан, баш дин къуллукъчуладан, дин алимледен кёп азап кёрюрге, ёлтюрюлюрге эм ючюнчю кюн тиргизилирге керекли болгъанын ачып башлады.

Маттай 27:40

«Эй табыныучу юйню бузуп, юч кюннге жангыдан ишлеучю! Кесинг-Кесинги къутхар! Сен Аллахны Уланы эсенг, къачдан тюш!» – дей эдиле.

Маттай 27:63

«Жюйюсхан! Ол алдауукъчу сау заманында: „Юч кюнден сора тиргизилликме“ деп айтханы эсибизге тюшдю.

Марк 14:58

«Биз Аны: „Къол бла ишленнген бу табыныучу юйню бузарыкъма да, юч кюнден сора къол бла ишленмеген башха юй къурарыкъма“ деп айтханын эшитгенбиз», – дедиле.

Марк 15:29

Озуп баргъанла Анга аман айта эдиле, башларын булгъап: «Эй! Табыныучу юйню бузуп, юч кюннге жангыдан ишлеучю!

Марк 8:31

Сора Ол: «Адам Улу кёп азап чегерге керекди. Таматала, баш дин къуллукъчула эм дин алимле, Аны къабыл этмей къоярыкъдыла. Ол ёлтюрюллюкдю эм ючюнчю кюн тиргизилликди», – деп аланы юйретип башлады.

Ахия 11:25

Исса анга: «Тиргизилиу да, жашау да Менме; Манга ийнаннган, ёлсе да, жашарыкъды.

Ахия 5:19

Бу затха Исса: «Кертисин, кертисин айтама сизге: Улан Атасыны эте тургъанын кёрмесе, Кеси-Кесинден бир зат да эталлыкъ тюйюлдю; Ол не эте эсе да, Улан да алай этеди.

Ишлери 2:24

Аллах а, ёлюмню бугъоуларын бузуп, Аны тиргизгенди; нек десегиз ёлюмге Аны тыяргъа амал жокъ эди.

Ишлери 2:32

Бу Иссаны Аллах тиргизгенди, анга биз барыбыз да шагъатлабыз.

Ишлери 3:15

Сиз Жашауну Башчысын ёлтюргенсиз, Аллах а Аны ёлгенледен тиргизгенди. Биз мынга шагъатбыз.

Ишлери 3:26

Аллах, сизни хар биригизни да аман ишлеригизден тайдырып сизни алгъышлы этер ючюн, Кесини Уланы Иссаны тиргизип, бек алгъа сизге ийгенди», – деп сёлешди.

Ишлери 6:14

„Назаретли Исса бу жерни бузарыкъды, Муса бизге берген адетлени да тюрлендирликди“ деп айтханын биз эшитгенбиз», – дедиле.

Римлилеге 4:24

Алай а бизни юсюбюзден да жазылгъанды. Раббийибиз Иссаны ёлгенледен тиргизген Аллахха ийнаннганыбыз, бизге да тюзлюклюлюкге саналлыкъды.

Римлилеге 6:4

Ол себепден, Масих Атаны махтаулу кючю бла ёлгенледен тиргизилгени кибик, биз да жангыргъан жашауда алай жюрюр ючюн, сууда кёмюлдюрюлюуюбюз бла Аны бла ёлюмге кёмюлгенбиз.

Римлилеге 8:11

Иссаны ёлгенледен тиргизген Аллахны Нюрю сизде жашай эсе уа, сора Масихни ёлгенледен тиргизген Аллах, Кесини сизде жашагъан Нюрю бла, сизни ёллюк чархларыгъызгъа да жашау берликди.

I Коринфлилеге 15:12

Масихни юсюнден а, Ол ёлгенледен тиргизилгенди деп билдириле эсе, сора сизден бир къауумла, ёлгенлеге тиргизилиу жокъду деп къалай айтадыла?

Колослулагъа 2:12

Сууда кёмюлдюрюлген заманыгъызда сиз Масихни биргесине кёмюлгенсиз эм ол заманда Аны ёлгенледен тиргизген Аллахны кючюне ийнаныуугъуз бла, сиз Аны бла бирге тиргизилгенсиз.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.