Ахия 19:9 - Сыйлы Инжил бла Забур

⁹ Эм, дагъыда преториягъа кирип, Иссагъа: «Къайданса Сен?» – деди. Алай а Исса анга жууап бермеди.

Ахия 19:9 Iomraidhean Croise

Маттай 26:63

Исса уа сёлешмеди. Сора баш дин къуллукъчу Анга: «Жашау бериучю Аллах бла Санга ант этдиреме, айт бизге, Аллахны Уланы Масих Сенмисе?» – деди.

Маттай 27:27

Ол заманда оноучуну аскерчилери, Иссаны преториягъа элтип, Анга битеу полкну жыйдыла.

Лука 23:9

Ол Иссагъа кёп соруула сорду, Исса уа анга бир да жууап бермеди.

Ахия 18:28

Иссаны Къаяфадан преториягъа элтдиле. Танг атхан эди. Харам болмай, Къутхарылыу байрамны ашын ашаргъа тийишли турур ючюн, ала преториягъа кирмедиле.

Ахия 18:33

Ол заманда Пилат, дагъыда преториягъа кирип, Иссаны чакъырып, Анга: «Сен Иудей Патчахмыса?» – деди.

Ахия 18:34

Исса анга: «Муну сен кесингденми айтаса, огъесе санга Мени юсюмден башхаламы айтхандыла?» – деп жууап этди.

Ахия 18:37

Пилат Анга: «Сора Сен Патчахмыса?» – деди. Исса анга: «Манга Патчах деп айтхан сенсе; Мен хакъ кертини юсюнден шагъатлыкъ этер ючюн туугъанма эм аны ючюн дуниягъа келгенме. Хакъ керти жанлы болгъан хар адам Мени ауазыма тынгылайды», – деп жууап берди.

Ахия 19:10

Пилат Анга: «Мангадамы жууап бермейсе? Сени къачха керирге да, Сени азат этерге да эркинлигим болгъанын билмеймисе?» – деди.

Ахия 19:8

Пилат, бу сёзню эшитгенинде, алгъындан да бек къоркъду

Ахия 8:14

Исса алагъа жууапха: «Мен Кесим-Кесими юсюмден шагъатлыкъ эте эсем да, Мени шагъатлыгъым тюздю; нек десегиз Мен къайдан келгеними эм къайры барлыгъымы билеме; сиз а, Мени къайдан болгъанымы эм къайры барлыгъымы билмейсиз.