Ахия 19:6 - Сыйлы Инжил бла Забур

⁶ Баш дин къуллукъчула бла къалауурла уа, Иссаны кёрген заманларында: «Къачха кер, къачха кер Аны!» – деп къычыра эдиле. Пилат алагъа: «Аны сиз алыгъыз да къачха керигиз, нек десегиз мен Анда терслик тапмайма», – деди.

Ахия 19:6 Iomraidhean Croise

Маттай 26:58

Петер а Аны ызындан артхаракъ къалып баш дин къуллукъчуну арбазына дери барды; сора, ахырын кёрюр ючюн, ичине кирип, къалауурла бла олтурду.

Маттай 27:22

Пилат алагъа: «Масих атлы Иссагъа уа мен не этейим?» – деди. Ала анга барысы да: «Къачха керилсин!» – дедиле.

Маттай 27:24

Пилат, не этсе да болушмагъанын, къозгъалыу а уллу болуп баргъанын кёрюп, суу алып, халкъны аллында къолларын жуууп: «Бу Тюзлюклюню къанын тёгюуде мени терслигим жокъду; кесигиз къарагъыз», – деди.

Лука 23:4

Пилат баш дин къуллукъчулагъа бла халкъгъа: «Бу Адамда мен бир тюрлю бир терслик тапмайма», – деди.

Ахия 18:3

Алай бла Иуда, аскерчиледен бир жыйын да, баш дин къуллукъчуладан бла фарисейледен къалауурла да алып, фанарла бла, чыракъла бла, сауутла бла ары келди.

Ахия 18:31

Пилат алагъа: «Аны кесигиз алыгъыз, кесигизни законугъуз бла Анга сюд этигиз», – деди. Иудейлиле анга: «Бир киши ни да ёлтюрюрге сюд этерге бизни эркинлигибиз жокъду», – дедиле.

Ахия 18:38

Пилат Анга: «Неди хакъ керти?» – деди. Муну айтханлай, дагъыда иудейлилеге чыгъып, алагъа: «Мен Анда бир тюрлю терслик тапмайма.

Ахия 19:15

Ала уа: «Ал, ал, Аны къачха кер!» – деп къычырдыла. Пилат алагъа: «Сизни Патчахыгъызнымы къачха керейим?» – деди. Баш дин къуллукъчула уа: «Кесарьдан башха бизни патчахыбыз жокъду», – деп жууап этдиле.

Ахия 19:4

Пилат, дагъыда тышына чыгъып, алагъа: «Ма, мен Анда бир тюрлю терслик тапмагъанымы сиз билир ючюн, мен Аны сизге чыгъарама», – деди.

Ишлери 2:23

Аллахны белгилеген муратына эм алгъындан билгенине кёре, къолугъузгъа берилген бу Кишини, сиз тутуп, законсузланы къоллары бла къачха чюйлетип ёлтюргенсиз.

Ишлери 7:52

Сизни аталарыгъыз файгъамбарладан къайсына зулму этмегендиле? Тюзлюклюню келлигин алгъындан билдиргенлени да ёлтюргендиле, энди уа сиз Аны сатханла эм ёлтюргенле болгъансыз.