Ахия 19:42 - Сыйлы Инжил бла Забур

⁴² Ол кюн иудейлиле шабат кюннге хазырланыучу байрым кюн болгъаны ючюн, къабыр жууукъда болгъаны себепли, Иссаны анда асырадыла.

Ахия 19:42 Iomraidhean Croise

Маттай 12:40

Нек десегиз Жюнюс уллу чабакъны къарынында юч кюн бла юч кече тургъаны кибик, Адам Улу да жерни жюрегинде юч кюн бла юч кече турлукъду.

Ахия 19:14

Ол заман Къутхарылыу байрамны аллындагъы байрым кюн, сагъат алты эди. Сора Пилат иудейлилеге: «Ма, сизни Патчахыгъыз!» – деди.

Ахия 19:20

Бу жазыуну иудейлиледен кёбюсю окъугъан эдиле; нек десегиз Исса къачха керилген жер шахардан узакъ тюйюл эди, жазылгъан да чюйютча, грекча, латинча этилген эди.

Ахия 19:31

Ол кюн байрым кюн эди. Алай бла иудейлиле, ёлюклени шабат кюннге къачда къоймаз ючюн, ол шабат кюн уллу байрам болгъаны себепли, аланы балтырларын сындырып, къачдан тюшюрюрге Пилатдан тиледиле.

Ахия 19:41

Аны къачха керген жерлеринде терек бахча бар эди, ол терек бахчада да, анда алыкъа бир киши да асыралмагъан жангы къабыр орун бар эди.

Ишлери 13:29

Аны юсюнден Сыйлы Китаплада жазылгъанланы барын да толтургъандан сора уа, Аны къачдан тюшюрюп, къабыргъа салгъандыла.

I Коринфлилеге 15:4

Эм Аны асыралгъаны да, ючюнчю кюн тиргизилгени да, Сыйлы Китаплада жазылгъанына кёре болгъанын,

Колослулагъа 2:12

Сууда кёмюлдюрюлген заманыгъызда сиз Масихни биргесине кёмюлгенсиз эм ол заманда Аны ёлгенледен тиргизген Аллахны кючюне ийнаныуугъуз бла, сиз Аны бла бирге тиргизилгенсиз.