Ахия 17:8 - Сыйлы Инжил бла Забур

⁸ Нек десенг Сен Манга берген сёзлени Мен алагъа бергенме, ала да къабыл этгендиле; Мен Сенден чыгъып келгеними тюз ангылагъандыла эмда Мени Сен ийгенинге ийнаннгандыла.

Ахия 17:8 Iomraidhean Croise

Маттай 13:11

Ол, алагъа жууапха: «Кёклени Патчахлыгъыны сырлары сизге ачылгъандыла, алагъа уа ачылмагъаны ючюн.

Ахия 12:49

Нек десегиз Мен Кесим-Кесимден айтмагъанма, алай а Мени ийген Ата, не айтыргъа эм не сёлеширге, Кеси Манга фарыз бергенди.

Ахия 14:10

Мен Атада, Ата да Менде болгъанына сен ийнанмаймыса? Мен сизге айтхан сёзлени, Кеси-Кесимден айтмайма; Менде болгъан Ата Кеси этеди ишлерин.

Ахия 15:15

Мен энди сизге къулла деп айтмайма: нек десегиз къул аны бийи не этгенин билмейди, Мен а сизге шуёхларым деп атагъанма; нек десегиз Атамдан эшитгенлерими барын да сизге айтханма.

Ахия 16:27

Нек десегиз Ата Кеси сизни сюеди; сиз Мени сюйгенигиз эм Мен Аллахдан чыгъып келгениме ийнаннганыгъыз себепли сюеди сизни.

Ахия 16:30

Сен барын да билгенинги эм Санга киши сорур керекли болмагъанынгы, энди кёребиз; аны себепли Сен Аллахдан чыгъып келгенинге ийнанабыз», – дедиле.

Ахия 17:14

Мен алагъа Сени сёзюнгю айтып бердим; Мен дуниядан болмагъаным кибик, ала да дуниядан болмагъанлары себепли, дуния аланы кёрюп болмай къалды.

Ахия 17:18

Сен Мени дуниягъа ийгенинг кибик, Мен да аланы дуниягъа ийдим.

Ахия 17:21

Бары да бирликли болсунла; Ата, Сен Менде, Мен да Сенде болгъаныбыз кибик, ала да Бизде бирликли болсунла, Мени Сен ийгенинге дуния ийнансын.

Ахия 17:23

Мен алада, Сен да Менде болуп, ала толу бирликге жетсинле эмда Мени Сен ийгенинги эм Мени сюйгенинг кибик, аланы да сюйгенинги дуния билсин.

Ахия 17:3

Ёмюрлюк жашау а буду, Сени – бир хакъ керти Аллахны – эм Сен ийген Масих Иссаны танысынла;

Ахия 3:17

Нек десенг дуниягъа Аллах Кесини Уланын дуниягъа сюд этер ючюн иймегенди, алай а дуния Аны юсю бла къутхарылыр ючюн ийгенди.

Ахия 3:33

Аны шагъатлыгъын къабыл этген киши, Аллахны кертичи болгъанына мухур басханды.

Ахия 6:68

Шимон Петер Анга: «Раббий! Биз кимге барайыкъ? Ёмюрлюк жашауну сёзлери Сендедиле.

Ахия 8:42

Исса алагъа: «Аллах сизни Атагъыз болса эди, сиз Мени сюер эдигиз, нек десегиз Мен Аллахдан чыгъып келгенме, Мен Кесим-Кесимден келмегенме, алай а Мени Ол ийгенди.

I Коринфлилеге 11:23

Нек десегиз мен сизге айтып юйретгеними Раббийни Кесинден эшитип алгъанма. Раббий Исса ол тутулгъан кечесинде ётмекни алып,

I Коринфлилеге 15:1

Къарындашла, мен сизге билдирген эмда сиз къабыл этип аны бла бегиген Хайыр Хапарны эсигизге салама.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.

I Фесалоникачылагъа 4:1

Къарындашла, сиз къалай жашаргъа эмда Аллахны къалай ыразы этерге керек болгъаныгъызгъа бизден юйреннгенсиз. Сиз да алай жашайсыз. Ахырында бу ишде андан да бек жетишимли болугъуз деп, сизден Раббий Иссаны аты бла тилейбиз эм жалбарабыз.

I Ахия 4:14

Ата Уланын Къутхарыучу этип дуниягъа ийгенин биз кёргенбиз эм мынга шагъатлыкъ этебиз.

Билим Ачханы 1:1

Масих Иссаны билим ачханы. Аллах муну, къысха заманда боллукъ затланы, Кесини къулларына билдирир ючюн, Иссагъа бергенди. Ол да Кесини мёлегини юсю бла ийип, муну Кесини къулу Ахиягъа кёргюзтгенди.