Ахия 17:26 - Сыйлы Инжил бла Забур

²⁶ Сен Мени сюйген сюймеклик алада болсун, Мен да алада болайым деп, Мен алагъа Сени атынгы билдирдим эм дагъыда билдирликме», – деди.

Ахия 17:26 Iomraidhean Croise

Ахия 14:20

Мен Атамда, сиз да Менде, Мен да сизде болгъаныбызны, сиз ол кюн билликсиз.

Ахия 14:23

Исса анга жууапха былай айтды: «Мени сюйген адам, Мени сёзюмю тутады; Мени Атам да аны сюерикди, Биз да анга келликбиз эмда анда мекям этерикбиз.

Ахия 15:15

Мен энди сизге къулла деп айтмайма: нек десегиз къул аны бийи не этгенин билмейди, Мен а сизге шуёхларым деп атагъанма; нек десегиз Атамдан эшитгенлерими барын да сизге айтханма.

Ахия 15:4

Менде болуп туругъуз, Мен да сизде турайым. Бутакъ, терекде турмаса, кесикесинден кёгет бералмагъаны кибик, Менде болуп турмасагъыз, сиз да битимли болмазсыз.

Ахия 15:9

Ата Мени сюйгени кибик, Мен да сизни сюйгенме; Мени сюймеклигимде болуп туругъуз.

Ахия 17:23

Мен алада, Сен да Менде болуп, ала толу бирликге жетсинле эмда Мени Сен ийгенинги эм Мени сюйгенинг кибик, аланы да сюйгенинги дуния билсин.

Ахия 17:6

Сен Манга дуниядан берген адамлагъа, Мен Сени атынгы билдирдим; ала Сеникиле эдиле, Сен аланы Манга бердинг, ала да Сени сёзюнгю тутдула.

Ахия 17:8

Нек десенг Сен Манга берген сёзлени Мен алагъа бергенме, ала да къабыл этгендиле; Мен Сенден чыгъып келгеними тюз ангылагъандыла эмда Мени Сен ийгенинге ийнаннгандыла.

Ахия 6:56

Мени чархымы ашагъан эм Мени къанымы ичген Менде жашайды, Мен да – анда.

Ахия 8:50

Алай болгъанлыкъгъа Мен Кесиме махтау излемейме; Излеучю, хукму Этиучю барды.

Римлилеге 8:10

Масих сизде эсе уа, чархыгъыз гюнях амалтын ёлюдю, нюрюгюз а тюзлюклю болгъаныгъыз ючюн сауду.

I Коринфлилеге 1:30

Алай а сиз Аллахны болушлугъу бла Масих Иссадасыз. Масих а бизни ючюн Аллахдан келген акъылманлыкъ, тюзлюклюлюк, сыйлылыкъ эмда гюняхларыбызны тёлеген болуп къалгъанды,

I Коринфлилеге 12:12

Чарх бир болуп, алай а аны санлары кёп болгъанлары кибик эм битеу санла бир чархны болуп, ала кёп эселе да бир чархны къурагъанлары кибик, Масих да алайды.

Галатиялылагъа 2:20

Сора энди уа мен жашамайма, алай а менде Масих жашайды. Энди чархымда жашай эсем а, сора мени сюйюп, Кесин мени ючюн берген Аллахны Уланына ийнаныуум бла жашайма.

Эфеслилеге 1:6

Кесини ыразы болгъан буйругъу бла, Масих Иссаны юсю бла бизни Кесине улан этерге алгъындан белгилегенди.

Эфеслилеге 3:17

Ийманыгъыз бла Масих жюреклеригизде жашасын деп тилейме.

Эфеслилеге 5:30

Нек десегиз биз Аны чархыны санларыбыз, Аны этинденбиз эм Аны сюеклеринденбиз.

Эфеслилеге 5:32

Муну сыры уллуду, мен а Масихни эмда Аны Жамауатыны юсюнден айтама.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 2:10

Сизни да Масихде толулугъугъуз барды, Ол а битеу башчылагъа эм властьлагъа башды.

Колослулагъа 3:11

Жангы адамлыкъда уа не грекли, не иудейли, не сюннетли, не сюннетсиз, варвар, скиф, къул, азат айырыу жокъду, алай а хар не жаны бла да хар неда Масихди.

II Фесалоникачылагъа 2:16

Бизни Раббийибиз Масих Исса Кеси эм бизни сюйюп шафауаты бла ёмюрлюк жапсарылыуну эмда ахшы умутну берген бизни Атабыз Аллах,

Чюйютлелеге 2:12

«Сени атынгы Мен къарындашларыма билдирликме, жамауатны арасында Санга зикир айтып махтау саллыкъма», – деп айтады.

I Ахия 3:24

Аллахны фарызларын тутхан адам, Аллахда жашайды, Аллах да ол адамда жашайды. Аллах бизде жашагъанын, Ол бизге берген Нюрден билебиз.