Ахия 17:24 - Сыйлы Инжил бла Забур

²⁴ Ата! Сен Манга берген адамла, Мен болгъан жерде Мени биргеме болуп, Сен Манга берген аламатлыгъымы кёрюрлерин сюеме; нек десенг дуния къуралырдан алгъа Мени сюйгенсе.

Ахия 17:24 Iomraidhean Croise

Маттай 25:21

Аны бийи анга: „Игиди, ышаннгылы, ахшы къулум! Аз мюлкде тюз болгъанса, сени кёп мюлкге баш этип салырма; бийинги къууанчына къошул“ дегенди.

Маттай 25:23

Аны бийи анга: „Игиди, ышаннгылы, ахшы къулум! Аз мюлкде тюз болгъанса, сени кёп мюлкге баш этип салырма; бийинги къууанчына къошул“ дегенди.

Маттай 25:34

Ол заманда Патчах Кесини онг жанындагъылагъа: „Келигиз, Атамы алгъышлылары, дуния жаратылгъандан бери сизге хазырланып тургъан Патчахлыкъгъа ие болугъуз.

Маттай 26:29

Сизге айтама: Атамы Патчахлыгъында сизни бла жангысын ичер кюнюме дери, бюгюнден арысында бу жюзюмню кёгетинден этилгенни ичерик тюйюлме», – деди.

Лука 12:37

Аланы бийлери келип, жукъламай сакъ болуп тургъанларынлай тапса, ол къулла насыплыдыла. Кертисин айтама сизге, ол белин къысып, аланы олтуртуп, къатларына келип, алагъа шапалыкъ этип башлар.

Лука 23:43

Исса да анга: «Кертисин айтама санга, бюгюн окъуна Мени бла жаннетде боллукъса», – деди.

Ахия 1:14

Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 12:26

Манга жумуш этген адам Мени ызымдан келсин, Мен болгъан жерде Мени жумушчум да боллукъду; Манга жумуш этген адамгъа Мени Атам хурмет этерикди.

Ахия 14:3

Эмда, барып, сизге жер хазырласам, Мен болгъан жерде сиз да болур ючюн, дагъыда келип сизни Кесиме аллыкъма.

Ахия 15:9

Ата Мени сюйгени кибик, Мен да сизни сюйгенме; Мени сюймеклигимде болуп туругъуз.

Ахия 17:2

Сен Анга битеу адамланы эркинлигин бергенинг кибик, битеу Сен Анга бергенлеге Ол ёмюрлюк жашау берсин.

Ахия 17:22

Биз бирликли болгъаныбыз кибик, ала да бирликли болсунла деп, Сен Манга берген махтауну Мен алагъа бердим.

Ахия 17:5

Энди уа Ата, дуния бар болурдан алгъа Мен Сени бла болгъан заманымда Менде болгъан махтау бла Мени Кесингде махтаулу эт.

Ахия 6:37

Ата Манга бергенлени барысы да Манга келликдиле, Манга келгенни да тышына къыстарыкъ тюйюлме.

Ахия 6:39

Мени ийген Атаны буйругъу уа олду, Ол Манга бергенледен бирин да жоймазгъа, алай а ахыр кюнде барын да тиргизиргеди.

Ахия 8:58

Исса алагъа: «Кертисин, кертисин айтама сизге: Ибрахим туугъандан алгъа, Мен барма», – деди.

I Коринфлилеге 13:12

Энди биз хар нени да мутхуз кюзгюде кёрген кибик кёребиз, ол заманда уа бетден-бетге кёрлюкбюз; энди мени билимим тамамлы тюйюлдю, ол заманда уа, мен билиннгеним кибик толу билликме.

II Коринфлилеге 3:18

Биз а барыбыз да, кюзгюде кибик, ачыкъ бетли болуп, Раббийни аламатлыгъына къарап, Анга ушаш болур ючюн аламатлыкъны бир даражасындан бир даражасына тюрленебиз; бу да Раббийни Нюрюню юсю бла болады.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

II Коринфлилеге 5:8

Сора биз тынч кёллю болабыз эм, чархыбыздан чыгъып кетип, Раббий бла жашаргъа сюебиз.

I Фесалоникачылагъа 4:17

Андан сора биз, сау къалгъанла, ала бла бирге Раббийге хауада тюбер ючюн, булутлада кётюрюллюкбюз, алай бла хар заманда да Раббий бла боллукъбуз.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.

I Ахия 3:2

Сюйюлюннгенле! Биз энди Аллахны сабийлерибиз, алай а не боллугъубуз алыкъа ачыкъ болмагъанды. Масих ачылгъан заманда Аны кибик боллугъубузну билебиз анса; нек десегиз Аны болгъаны кибик кёрлюкбюз.

Билим Ачханы 21:22

Бу шахарда табыныучу юй кёрмедим; нек десенг аны табыныучу юйю – битеу дунияны тутхан Раббий Аллахды эм Къозуду.

Билим Ачханы 3:21

Мен хорлап, Атамы биргесине Аны тахтасында олтургъаным кибик, хорлагъаннга да Мени биргеме Мени тахтамда олтурургъа эркинлик берликме.