Ахия 17:2 - Сыйлы Инжил бла Забур

² Сен Анга битеу адамланы эркинлигин бергенинг кибик, битеу Сен Анга бергенлеге Ол ёмюрлюк жашау берсин.

Ахия 17:2 Iomraidhean Croise

Забур 110:1

Тюзлюклюлени кенгешлеринде эмда жамауатларында битеу жюрегимден Санга шукур этеме, я Раббий.

Маттай 11:27

Мени Атам хар нени да Манга бергенди. Уланын Атадан башха бир киши да билмейди; Атаны да Уланындан бла, Улан билдирирге сюйген адамдан башха бир киши да билмейди.

Маттай 25:46

Сора была ёмюрлюк азапха, тюзлюклюле уа ёмюрлюк жашаугъа кетерле», – деди.

Маттай 28:18

Исса, жууукълашып, алагъа: «Кёкде да, жерде да хар тюрлю оноу да Манга берилгенди:

Ахия 17:24

Ата! Сен Манга берген адамла, Мен болгъан жерде Мени биргеме болуп, Сен Манга берген аламатлыгъымы кёрюрлерин сюеме; нек десенг дуния къуралырдан алгъа Мени сюйгенсе.

Ахия 17:6

Сен Манга дуниядан берген адамлагъа, Мен Сени атынгы билдирдим; ала Сеникиле эдиле, Сен аланы Манга бердинг, ала да Сени сёзюнгю тутдула.

Ахия 17:9

Мен ала ючюн тилек этеме: битеу дуния ючюн тюйюл, ала Сеникиле болгъанлары себепли, Сен Манга бергенле ючюн тилек этеме.

Ахия 3:35

Ата Уланын сюеди эм барын да Аны къолуна бергенди.

Ахия 4:14

Мен берлик суудан ичген адам а ёмюрге да суусап боллукъ тюйюлдю; алай а, Мен анга берлик суу, аны ичинде, ёмюрлюк жашаугъа акъгъан шаудан суу боллукъду», – деди.

Ахия 6:27

Чиририк аш ючюн кюрешмегиз, алай а ёмюрлюк жашауда болуп турлукъ аш ючюн кюрешигиз, аны уа сизге Адам Улу берликди; нек десегиз Анга, Аллах Ата Кесини мухурун салгъанды», – деди.

Ахия 6:37

Ата Манга бергенлени барысы да Манга келликдиле, Манга келгенни да тышына къыстарыкъ тюйюлме.

Ахия 6:39

Мени ийген Атаны буйругъу уа олду, Ол Манга бергенледен бирин да жоймазгъа, алай а ахыр кюнде барын да тиргизиргеди.

Римлилеге 6:23

Нек десегиз гюнях ючюн тёлеу ёлюм дю, Аллахны саугъасы уа, Раббийибиз Масих Иссада ёмюрлюк жашауду. Закондан азат болуу

I Коринфлилеге 15:25

Нек десегиз Аллах, Аны битеу душманларын Аны аякъ тюбюне салгъынчыгъа дери, Ол патчахлыкъ этерге керекди.

Эфеслилеге 1:20

Ол къудурет, Аллах, Масихни ёлгенледен тиргизип, кёкледе Кесини онг жанында олтуртхан заманында Масихде кёргюзтген деменгили кючю этгенча ишле этеди.

I Тимотейге 1:16

Алай а Масих Исса, Анга ийнанып ёмюрлюк жашау аллыкъ адамлагъа мени юлгю этип, мардасыз тёзюмюн мени юсюмде биринчи кёргюзтюр ючюн, манга мархамат этгенди.

Чюйютлелеге 1:2

Бу ахыр кюнледе бизге Уланыны юсю бла айтып билдиргенди. Аны уа хар неге да ие этип салгъанды, дунияланы да Аны юсю бла жаратханды.

I Петер 3:22

Масих Исса уа, кёкге чыгъып, Аллахны онг жанындады. Анга мёлекле да, властьла да, кючле да бойсуннгандыла.

I Ахия 1:2

Жашау ачыкъ кёрюннгенди, биз аны кёрдюк эмда анга шагъатлыкъ этебиз. Атада болуп бизге кёрюннген ёмюрлюк Жашауну сизге билдиребиз.

I Ахия 2:25

Масихни ант сёз бла бизге берирге айтханы уа ёмюрлюк жашауду.

I Ахия 5:20

Эмда Аллахны Уланы келип, биз хакъ керти Аллахны билир ючюн бизге акъыл бергенин билебиз. Биз хакъ керти Аллахдабыз эмда Аны Уланы Масих Иссадабыз. Ол а хакъ керти Аллахды эм ёмюрлюк жашауду.

Яхуда 1:21

Бизни Раббийибиз Масих Иссаны сизни ёмюрлюк жашаугъа жетдирлик мархаматын сакълап, кесигизни Аллахны сюймеклигинде тутугъуз.