Ахия 17:17 - Сыйлы Инжил бла Забур

¹⁷ Сени хакъ керти нг бла аланы сыйлы эт; Сени сёзюнг хакъ кертиди.

Ахия 17:17 Iomraidhean Croise

Забур 12:6

Мен а Сени мархаматынга ышанама; мени жюрегим Сени къутхарыуунга къууанырыкъды, манга ахшылыкъ этиучю Раббийге зикир айтырыкъма.

Лука 8:11

Бу таурух а ма бу магъананы тутады: урлукъ Аллахны сёзюдю.

Лука 8:15

Ахшы жерге тюшген а, ала сёзню эшитип, аны халал, таза жюрекде сакълагъанла эм тёзюмлюк бла тирлик бергенледиле», – деди. Муну айтып бошагъанлай: «Эшитирге къулакълары болгъан эшитсин!» – деп уллу айтды.

Ахия 15:3

Сиз энди Мен сизге билдирген сёз бла тазаланнгансыз.

Ахия 17:19

Ала да хакъ керти бла сыйлы болсунла деп, ала ючюн Мен Кесими сыйлы къурман этип береме.

Ахия 8:32

Эм хакъ кертини билирсиз, хакъ керти уа сизни азат этер», – деди.

Ахия 8:40

Энди уа Мени, Аллахдан эшитген хакъ кертини сизге айтхан Адамны, ёлтюрюрге излейсиз: Ибрахим алай этмегенди.

Ишлери 15:9

Эмда аланы бла бизни арабызда бир тюрлю башхалыкъ этмей, ийман бла аланы жюреклерин тазалагъанды.

II Коринфлилеге 3:18

Биз а барыбыз да, кюзгюде кибик, ачыкъ бетли болуп, Раббийни аламатлыгъына къарап, Анга ушаш болур ючюн аламатлыкъны бир даражасындан бир даражасына тюрленебиз; бу да Раббийни Нюрюню юсю бла болады.

Эфеслилеге 4:21

Бир ишексиз, сиз Аны юсюнден эшитгенсиз эм Аны жолуна юйреннгенсиз, нек десегиз хакъ керти Иссадады.

Эфеслилеге 5:26

Масих Жамауатын суу бла жуууп, Аллахны сёзю бла тазалап сыйлы этер ючюн,

II Фесалоникачылагъа 2:13

Биз а хар заманда сизни ючюн Аллахха шукур этерге керекбиз, Раббий сюйген къарындашла; нек десегиз Аллах сизни, Нюр бла сыйлы болууугъузну эм хакъ кертиге ийнаныуугъузну юсю бла, къутхарыргъа алгъындан сайлагъанды

Якъуп 1:21

Ол себепден, хар тюрлю харамлыкъны эм аманлыкъны къалгъанын къоюп, сизге орнатылгъан эм сизни жанларыгъызны къутхараллыкъ сёзню жууашлыкъ бла къабыл этигиз.