Ахия 17:11 - Сыйлы Инжил бла Забур

¹¹ Мен энди дунияда тюйюлме, ала уа дуниядадыла, Мен а Санга барама. Сыйлы Ата! Аланы – Сен Манга бергенлени – Кесинги атынг бла сакъла, Бизде болгъаны кибик алада да бирлик болсун.

Ахия 17:11 Iomraidhean Croise

Забур 79:9

Сен жюзюм терекни Мисирден кёчюргенсе, миллетлени къыстагъанса эм аны орнатханса.

Маттай 10:16

«Ма, Мен сизни, къойланы бёрюле ичине ийгенча, иеме: алай бла, жилянлача, акъыллы, кёгюрчюнлеча, хыйласыз болугъуз.

Маттай 5:48

Алай бла, сизни Кёкдеги Атагъыз тамамча, тамам болугъуз».

Маттай 6:9

Тилек а былай этигиз: „Эй, Кёкледеги Атабыз! Сени атынг сыйлы тутулсун.

Ахия 13:1

Къутхарылыу байрамны аллында Исса, Аны бу дуниядан Атасына кетер сагъаты жетгенин билип, Кесини дунияда болгъанларын сюйюп, аланы ахырына дери сюйгенин иш бла кёргюзтдю.

Ахия 13:3

Исса, барын да Ата Аны къолуна бергенин эмда Ол Аллахдан чыгъып келгенин эм Аллахха къайтырыгъын билип,

Ахия 14:20

Мен Атамда, сиз да Менде, Мен да сизде болгъаныбызны, сиз ол кюн билликсиз.

Ахия 16:28

Мен, Атадан чыгъып, дуниягъа келгенме эм дагъыда дунияны къоюп, Атагъа барама», – деди.

Ахия 16:33

Муну Мен сизге, сизни Менде жюрек ырахатлыгъыгъыз болсун деп айтханма. Бу дунияда азап чегериксиз; алай а таукел этигиз: Мен дунияны хорлагъанма!» – деди.

Ахия 17:23

Мен алада, Сен да Менде болуп, ала толу бирликге жетсинле эмда Мени Сен ийгенинги эм Мени сюйгенинг кибик, аланы да сюйгенинги дуния билсин.

Ахия 17:25

Тюзлюклю Ата! Дуния Сени танымады. Мен а Сени таныйма, Мени Сен ийгенинги была да билдиле.

Ахия 17:6

Сен Манга дуниядан берген адамлагъа, Мен Сени атынгы билдирдим; ала Сеникиле эдиле, Сен аланы Манга бердинг, ала да Сени сёзюнгю тутдула.

Ахия 7:33

Исса уа алагъа: «Мен энди сизни бла кёп турлукъ тюйюлме, Мени Ийгеннге къайтырыкъма.

Ишлери 3:21

Аллах ёмюрден бери битеу Кесини сыйлы файгъамбарларыны ауузлары бла билдиргенлери бары да толур заманнга дери, Исса кёкде къалыргъа керекди.

Римлилеге 12:5

Биз да кёп эсек да, Масихде бир чарх къурайбыз, башха-башха уа бирибиз-бирибизге санлабыз.

Римлилеге 9:17

Ол себепден Китап фыргъаууннга: «Сени юсюнгде къудуретими кёргюзтюр ючюн эм битеу жерни юсюнде Мени атым билдирилир ючюн салгъанма Мен сени», – деп айтады.

I Коринфлилеге 1:10

Къарындашла, Раббийибиз Масих Иссаны аты бла сизге жалбарама, сиз барыгъыз да бирни айтыгъыз, арагъызда айырылыу болмасын, сиз бир ниетде эм бир акъылда бирлешигиз.

Галатиялылагъа 3:28

Энди не иудейлини, не греклини, не къулну, не азатны, не эр кишини, не тиширыуну башхалыгъы жокъду; нек десегиз Масих Иссада сиз барыгъыз да бирсиз.

Эфеслилеге 4:4

Сиз чакъырылгъаныгъызда бир умутха чакъырылгъаныгъыз кибик, Нюр бирди, чарх да бирди,

Чюйютлелеге 1:3

Улан Аллахны аламатлыгъыны нюр жарыгъыды, Ол Аллахны Кесини сыфатыды эм хар нени да Кесини кючлю сёзю бла тутады. Кеси, бизни гюняхларыбыздан тазалап, уллу Аллахны тахтасыны онг жанында бийикде олтургъанды.

Чюйютлелеге 9:24

Нек десегиз Масих, керти сыйлы жерни юлгюсю болгъан къол бла ишленнген сыйлы жерге тюйюл, алай а энди бизни ючюн Аллахны аллына барыр ючюн, кёкню кесине киргенди.

Якъуп 4:4

Зийначыла бла хаулечиле! Бу дуния бла шуёхлукъ Аллахха къажау душманлыкъ болгъанын билмеймисиз? Алай бла бу дуниягъа шуёх болургъа сюйген адам Аллахха душман болады.

I Петер 1:5

Сиз ахыр заманда ачылыргъа хазыр болгъан къутхарылыугъа Аллахны кючю бла, ийнаныуугъузну юсю бла сакъланнганласыз.

I Ахия 3:12

Ибилисден болуп, кесини къарындашын ёлтюрген Къабил кибик болмайыкъ. Аны уа не ючюн ёлтюргенди? Кесини ишлери аман болгъаны ючюн, къарындашыны ишлери уа тюзлюклю болгъаны ючюн ёлтюргенди.

I Ахия 5:19

Биз Аллахдан болгъаныбызны эм битеу дуния ибилисни оноуунда тургъанын билебиз.

Яхуда 1:1

Масих Иссаны къулу эм Якъупну къарындашы мен Яхудадан, Аллах Ата сыйлы этген, Масих Исса сакълагъан, чакъырылгъанлагъа салам болсун!

Яхуда 1:24

Сизни тентиреуден сакълаяллыкъ эм Кесини махтаууну аллына айыпсыз этип къууанч бла салаллыкъ,

Билим Ачханы 15:4

Я Раббий! Сенден къоркъмазлыкъ эм Сени атынга махтау салмазлыкъ кимди? Нек десенг таза сыйлы жангыз Сенсе. Битеу миллетле, келип, Сени аллынгда сеждагъа барлыкъдыла; нек десенг Сени сюдлеринг ачыкъ болгъандыла», – дейдиле.

Билим Ачханы 19:12

Аны кёзлери отну жилтини кибикдиле, Аны башында кёп таж барды; Аны юсюне Кесинден башха бир киши билмеген ат жазылыпды.

Билим Ачханы 4:8

Ол тёрт хайыуандан хар бирини тёгерегинде алтышар къанаты бар эди, аланы ичлери уа кёзледен толу эди; аланы не кюндюз, не кече тынчлыкълары болмай: «Бар Болгъан, Бар Болуп Тургъан эм Бар Болуп Турлукъ, битеу дунияны тутхан Раббий Аллах сыйлыды, сыйлыды, сыйлыды!» – деп къычырып турадыла.