Ахия 16:33 - Сыйлы Инжил бла Забур

³³ Муну Мен сизге, сизни Менде жюрек ырахатлыгъыгъыз болсун деп айтханма. Бу дунияда азап чегериксиз; алай а таукел этигиз: Мен дунияны хорлагъанма!» – деди.

Ахия 16:33 Iomraidhean Croise

Забур 68:18

Къулунгдан бетинги жашырып къойма, нек десенг мен бушман болама. Мени тилегими кёп турмай къабыл эт.

Маттай 9:2

Мында Анга санлары къурушхан бир адамны жатхан жери бла кётюрюп келтирдиле. Исса аланы ийнаныуларын кёрюп, саусузгъа: «Таукел эт, жашым! Гюняхларынг кечиледиле», – деди.

Лука 19:38

«Раббийни аты бла келген Патчах алгъышлыды! Кёкледе жарашыулукъ, Эм Бийикдегине махтау!» – дей эдиле.

Лука 2:14

«Эм бийикледе Аллахха махтау, жер юсюнде Ол ыразы болгъан адамлада ырахатлыкъ!» – деп айта эдиле.

Ахия 12:31

Энди бу дуниягъа сюд этиледи; энди бу дунияны бийи тышына къысталлыкъды;

Ахия 14:1

«Сизни жюрегигиз жунчумасын; Аллахха ийнаныгъыз, Манга да ийнаныгъыз.

Ахия 14:27

Сизге жюрек ырахатлыкъ къояма, Мени жюрек ырахатлыгъымы сизге береме: дуния бергенча тюйюл, Мен береме сизге. Сизни жюрегигиз жунчумасын эмда къоркъмасын.

Ахия 16:11

Сюдню юсюнден да – нек десегиз бу дунияны бийине сюд этилгенди.

Ишлери 14:22

Ол жерледе сохталаны жюреклерине кёл этдирип, ийманда къаты турургъа тюшюндюрюп эм: «Аллахны Патчахлыгъына кёп инжилиуле бла кирирге керекбиз», – деп юйрете эдиле.

Ишлери 23:11

Ол кече Раббий, Пауулгъа кёрюнюп: «Таукел бол, Пауул! Сен Манга Иерусалимде шагъатлыкъ этгенинг кибик, Римде да алай шагъатлыкъ этерге керексе», – деди.

Ишлери 27:22

Энди уа сизден таукел этеригизни тилейме; нек десегиз сизден бир жан да жоюллукъ тюйюлдю, жангыз кеме жоюллукъду.

Ишлери 27:25

Ол себепден, адамла, таукел этигиз! Нек десегиз манга айтылгъаныча боллугъуна, мен Аллахха ийнанама.

Ишлери 9:31

Битеу Иудеяда, Галилеяда эм Самарияда болгъан жамауат ла ырахатлыкъда эди ле. Ийманда ёсе, Раббийден къоркъуу бла жашай, Сыйлы Нюрден кёлленип кёп бола эди ле.

II Коринфлилеге 1:3

Бизни Раббийибиз Масих Иссаны Атасы Аллахха, мархаматлы Атагъа эм хар не жаны бла да жюрек жапсарыучу Аллахха шукур болсун.

II Коринфлилеге 13:11

Болсада, къарындашла, къууаныгъыз, жетишимли болугъуз, жапсарылыгъыз, бир акъыллы, жарашыулу болугъуз, сюймеклик эмда жарашыулукъ бериучю Аллах а сизни бла боллукъду.

II Коринфлилеге 2:14

Алай а, Аллахха шукур, Ол бизни хар заманда да Масихни хорламлы барыуунда жюрютеди эм Аны билиуню ариу ийисин бизни юсюбюз бла хар жерде да жаяды.

II Коринфлилеге 4:7

Бизде артыгъы бла болгъан кючню бизден тюйюл, Аллахдан келгени билинир ючюн а, ол хазнаны биз топуракъ сауутлада кесибизни чархларыбызда жюрютебиз.

II Коринфлилеге 6:4

Алай а Аллахха къуллукъ этиучюлеча уллу тёзюмлюлюк бла, къыйынлыкълада, кереклиликледе, тарлыкъ халлада,

II Коринфлилеге 7:4

Мен сизге бек ышанама, сизни бла кёп махтанама. Мени жюрегим бек жапсарылгъанды. Бизни битеу бу къыйынлыкъларыбыз болгъанлай да, къууанчдан толума.

Галатиялылагъа 1:4

Атабыз Аллахны буйругъуна кёре, Масих, бу эндиги огъурсуз ёмюрден бизни къутхарыр ючюн, бизни гюняхларыбыз ючюн Кеси-Кесин бергенди.

Галатиялылагъа 6:14

Мен а, Раббийибиз Масих Иссаны къачындан башха бир зат бла да, бир заманда да махтанмам. Аны къачыны юсю бла уа бу дуния манга ёлюдю, мен да бу дуниягъа ёлюме.

Колослулагъа 1:20

Алай бла Аны, къачны юсюнде тёгюлген къаныны болушлугъу бла, Аллах, кёкледегилени да, жердегилени да – барын да, Аны юсю бла Кеси бла жарашдырып, ырахатлыкъ бергенди.

I Фесалоникачылагъа 3:4

Биз сизде болгъан заманыбызда да, азап чегерикбиз деп айтып, алгъындан сизге билдирген эдик эм сиз билгенча алай болгъанды.

I Фесалоникачылагъа 3:7

Ол себепден биз, битеу бу къыйынлыкъларыбызда эм кереклилигибизде да, къарындашла, сизни ийманыгъыз кючленнгени ючюн, сизни бла жапсарылабыз.

II Фесалоникачылагъа 3:16

Ырахатлыкъ бериучю Раббий а Кеси хар заманда да, хар не жаны бла да сизге ырахатлыкъ берсин. Раббий сизни барыгъыз бла да болсун!

II Тимотейге 3:12

Алай а, Аллахны жолунда жюрюп, Масих Иссагъа ийнаныуларына кёре жашаргъа сюйгенле бары да зулмулукъ сынарыкъдыла.

Чюйютлелеге 11:25

Бир кесек заманнга гюняхлы зауукъланыудан эсе, Аллахны халкъы бла азап чегиуню сюйгенди.

Чюйютлелеге 7:2

Анга уа Ибрахим хар затындан зекят айырып бергенди. Мелкиседек бек алгъа атыны магъанасына кёре тюзлюкню патчахыды, андан сора да ол Салимни патчахы, алай демеклик ырахатлыкъны патчахыды.

I Петер 5:9

Дуниядагъы къарындашларыгъыз да аллай азапла чекгенлерин билип, къаты ийнаныу бла ибилисге къажау туругъуз.

I Ахия 2:13

Атала, сизге жазама, нек десегиз сиз башланнгандан бери Болуп Тургъанны таныгъансыз. Жашла, сизге жазама, нек десегиз сиз ибилисни хорлагъансыз. Балала, сизге жазама, нек десегиз сиз Атаны таныгъансыз.

I Ахия 4:4

Сабийле! Сиз Аллахдансыз эм жалгъан файгъамбарланы хорлагъансыз; нек десегиз Ол сизде болгъан, бу дунияда болгъандан уллуду.

I Ахия 5:4

Нек десегиз Аллахдан туугъан хар адам бу дунияны хорлайды. Бу дунияны хорлагъан бу хорлауубуз а бизни ийманыбызды.

Билим Ачханы 12:11

Ала Къозуну къаны бла эм кеслерини шагъатлыкъ сёзлери бла аны хорлагъандыла, ала жанларын аямагъандыла эмда ёлюмден артха турмагъандыла.

Билим Ачханы 3:21

Мен хорлап, Атамы биргесине Аны тахтасында олтургъаным кибик, хорлагъаннга да Мени биргеме Мени тахтамда олтурургъа эркинлик берликме.

Билим Ачханы 7:14

Мен анга: «Жюйюсхан, сен билесе», – дедим. Ол да манга: «Была ол уллу азапдан келгенледиле; ала, Къозуну къаны бла кеслерини кийимлерин жуууп, аны бла кийимлерин акъ этгендиле;