Ахия 16:14 - Сыйлы Инжил бла Забур

¹⁴ Ол Мени махтаулу этерикди, нек десегиз Меникинден алып, сизге билдирликди.

Ахия 16:14 Iomraidhean Croise

Ахия 14:21

Мени фарызларымы алып, аланы тутхан адам, Мени сюеди; Мени сюйген адамны уа, Мени Атам сюерикди, Мен да аны сюерикме эмда анга Кесим кёрюнюрюкме», – деди.

Ахия 15:26

Мен сизге Атадан иерик Жюрек Жапсарыучу – Кеси Атадан чыгъа тургъан Хакъ Кертини Нюрю – келген заманда уа, Ол Мени юсюмден шагъатлыкъ этерикди.

Ахия 7:39

Муну уа Ол, Анга ийнаннганла аллыкъ Нюрню юсюнден айтхан эди. Алагъа алыкъа Сыйлы Нюр берилмеген эди, нек десегиз Исса алыкъа махтаулу болмагъан эди.

I Коринфлилеге 12:3

Ол себепден сизге айтама, Аллахны Нюрю бла сёлешген бир адам да, Иссагъа налат бермез эм бир адам да Сыйлы Нюр бла болмаса, Иссагъа Раббий деп айталмаз.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

Галатиялылагъа 5:5

Биз а ариуланнганыбыздан келген умутну толурун Сыйлы Нюрге ышанып сакълайбыз.

I Петер 2:7

Алай бла Ол сизге, ийнаннганлагъа багъалыды, ийнанмагъанлагъа уа, «юй ишлеучюле сансыз этип атхан таш, ма, мюйюшню баш ташы болгъанды» эм «абындырыучу таш эмда чырмаучу къая болгъанды».

I Ахия 3:23

Аны фарызы уа буду: биз Аны Уланы Масих Иссаны атына ийнаныргъа эм, Ол бизге фарыз этгени кибик, бир-бирибизни сюергеди.

I Ахия 5:20

Эмда Аллахны Уланы келип, биз хакъ керти Аллахны билир ючюн бизге акъыл бергенин билебиз. Биз хакъ керти Аллахдабыз эмда Аны Уланы Масих Иссадабыз. Ол а хакъ керти Аллахды эм ёмюрлюк жашауду.

I Ахия 5:6

Ол суу бла эм къан бла Келген Масих Иссады. Жангыз суу бла тюйюл, алай а суу бла эм къан бла келгенди. Анга шагъатлыкъ этген Нюрдю; нек десегиз Нюр хакъ кертиди.

Билим Ачханы 19:10

Мен, анга сежда этер ючюн, аны аякъларына аудум; алай а ол манга: «Къара, этме алай! Мен да сени кибик эм Иссагъа шагъатлыкъ этиуню бардыргъан къарындашларынг кибик Аллахны къулума. Сежданы Аллахха эт, нек десенг Иссагъа шагъатлыкъ этиу файгъамбарлыкъны нюрюдю», – деди.