Ахия 15:8 - Сыйлы Инжил бла Забур

⁸ Сиз кёп битим келтирсегиз эм Мени сохталарым болсагъыз, аны бла Мени Атам махтаулу боллукъду.

Ахия 15:8 Iomraidhean Croise

Маттай 5:16

Сизни жарыгъыгъыз да адамланы алларында, ала сизни ахшы ишлеригизни кёрюп, сизни Кёкдеги Атагъызгъа махтау салырча, алай жарытсын».

Маттай 5:44

Мен а сизге айтама: душманларыгъызны сюйюгюз, сизге къаргъыш этгенлеге алгъыш этигиз, сизни кёрюп болмагъанлагъа ахшылыкъ этигиз, сизни жюреклеригизни къыйнагъанла ючюн, сизге зулму этгенле ючюн тилек этигиз.

Маттай 9:8

Халкъ а, аны кёрюп, сейирсинип, адамлагъа аллай эркинликни берген Аллахха махтау салдыла.

Лука 6:35

Сиз а душманларыгъызны сюйюгюз, аладан бир зат да умут этмегенлей, ахшылыкъ да этигиз, ёнгкюч да беригиз. Сора сизге уллу саугъа болур, сиз Аллаху-Тааланы уланлары болурсуз, нек десегиз Ол, игиликни билмегенлеге да, огъурсузлагъа да игиликлиди.

Ахия 13:35

Сизни кеси арагъызда сюймеклигигиз болса, сиз Мени сохталарым болгъаныгъызны барысы да андан билликдиле», – деди.

Ахия 15:5

Мен Жюзюм Терекме, сиз а бутакъласыз; кеси Менде болуп тургъан, Мен да анда тургъан адам кёп битимли болады; нек десегиз Менсиз бир зат да эталлыкъ тюйюлсюз.

Ахия 8:31

Ол заманда Исса Анга ийнаннган иудейлилеге: «Мени сёзюмде турсагъыз, сора сиз керти Мени сохталарымсыз.

I Коринфлилеге 10:31

Алай бла ашай эсегиз да, иче эсегиз да неда башха зат эте эсегиз да, барын да Аллахха махтау болур ючюн этигиз.

I Коринфлилеге 6:20

Нек десегиз сиз уллу багъа бла сатып алыннгансыз. Ол себепден чархларыгъыз бла эм нюрлеригиз бла Аллахха махтау салыгъыз. Была Аллахдандыла.

Титге 2:10

Урламазгъа, алай а толу ышаннгылы болгъанларын кёргюзтюрге тюшюндюр. Бизни Къутхарыучубуз Аллахны юйретиую къалай аламат болгъаны хар не жаны бла кёрюнюр ючюн, ала алай этсинле.

Титге 2:5

Оюмлула, тазала, юйюрлерине къараучула, халалла, кеслерини эрлерине бойсунуучула болургъа юйретсинле; Аллахны сёзюне айып тюшмесин.

I Петер 2:12

Эм ийнанмагъан адамланы арасында жашауугъузну хайырлы ишле бла бардырыгъыз, сизге аманлыкъчылагъача аман сёзле айтханла, сизни хайырлы ишлеригизни кёрюп, алагъа жууукълашхан кюнюнде Аллахха махтау салсынла.

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.