Ахия 15:5 - Сыйлы Инжил бла Забур

⁵ Мен Жюзюм Терекме, сиз а бутакъласыз; кеси Менде болуп тургъан, Мен да анда тургъан адам кёп битимли болады; нек десегиз Менсиз бир зат да эталлыкъ тюйюлсюз.

Ахия 15:5 Iomraidhean Croise

Маттай 13:21

Алай а кесинде тамыры болмагъан эм бир акъылда турмагъан, сёз амалтын къыйынлыкъ неда зулмулукъ келген заманда, олсагъат тайгъан адамны кёргюзтеди.

Ахия 12:24

Кертисин, кертисин айтама сизге: будай бюртюк, жерге тюшюп, ёлмесе, жангызлай къаллыкъды; ёлсе уа, кёп тирлик берликди.

Ахия 15:16

Мени сиз сайламагъансыз, Мен сайлагъанма сизни, сиз барыр ючюн эм битим келтирир ючюн эмда сизни битимигиз болуп турур ючюн салгъанма сизни; Атадан Мени атым бла не тилесегиз да, Ол сизге берир ючюн алай этгенме.

Ахия 5:19

Бу затха Исса: «Кертисин, кертисин айтама сизге: Улан Атасыны эте тургъанын кёрмесе, Кеси-Кесинден бир зат да эталлыкъ тюйюлдю; Ол не эте эсе да, Улан да алай этеди.

Ахия 9:33

Ол, Аллахдан болмаса эди, бир зат да эталмаз эди», – деди.

Ишлери 4:12

Нек десегиз кёкню тюбюнде адамлагъа берилген атланы арасында бизни къутхараллыкъ башха ат жокъду», – деди.

Римлилеге 12:5

Биз да кёп эсек да, Масихде бир чарх къурайбыз, башха-башха уа бирибиз-бирибизге санлабыз.

Римлилеге 6:22

Энди уа, сиз гюняхдан азат этилип, Аллахны къуллары болгъаныгъызгъа кёре, сизни хайырыгъыз сыйлылыкъды, ахыры уа ёмюрлюк жашауду.

Римлилеге 7:4

Аныча къарындашларым, сиз да башха ныкъыла – ёлгенледен тиргизилген Масих никиле болур ючюн – Масихни чархыны юсю бла ёлюп Закондан эркин болгъансыз. Бу да, биз Аллахха къуллукъ этиуюбюзде жетишимли болур ючюндю.

I Коринфлилеге 10:16

Ол биз алгъыш этген, алгъышлы аякъ, Масихни къанына къошулууубуз тюйюлмюдю? Ол биз сындыргъан ётмек, Масихни чархына къошулууубуз тюйюлмюдю?

I Коринфлилеге 12:12

Чарх бир болуп, алай а аны санлары кёп болгъанлары кибик эм битеу санла бир чархны болуп, ала кёп эселе да бир чархны къурагъанлары кибик, Масих да алайды.

I Коринфлилеге 12:27

Сиз да Масихни чархысыз, башха-башха уа санларысыз.

II Коринфлилеге 13:8

Нек десегиз бизни хакъ кертиге къажау болургъа тюйюл, жаланда хакъ керти жанлы болургъа кючюбюз барды.

II Коринфлилеге 9:10

Урлукъ себиучюге урлукъ Бериучю эм ашаргъа ётмек Бериучю, сизни сепгенигизге элпеклик берир эм сизни тюзлюгюгюзню хайырын кёп этер.

Галатиялылагъа 5:22

Сыйлы Нюрню битими уа: сюймеклик, къууанч, жарашыулукъ, тёзюмлюлюк, ахшылыкъ, огъурлулукъ, ышаннгылылыкъ,

Эфеслилеге 5:9

Нек десегиз Нюрню битими хар тюрлю игиликде, тюзлюклюлюкде эм кертиликде кёрюнеди.

Колослулагъа 1:10

Сиз Раббийге тийишли жашап, хар не жаны бла да Аны ыразы этип, хар ахшы иш бла битим берип, Аллахны билиу бла ёсер ючюн,

Колослулагъа 1:6

Ол Хайыр Хапар, сиз Аллахны шафауатыны юсюнден эшитген эм аны керти ангылагъан кюнден башлап, сизни арагъызда этгени кибик, битеу дунияда да битим береди эм жайылады.

Якъуп 1:17

Хар берилген ахшылыкъ эм хар тамамлы саугъа, огъартындан, кёкледеги жарыкъланы жаратхан Атадан келеди; Аны уа алышыныуу эм не аз да тюрлениую жокъду.

I Петер 2:4

Анга – адамла сансыз этген, алай а Аллах сайлагъан, багъалы, тири Ташха – жууукълашыгъыз.

II Петер 3:18

Алай а Раббийибиз эм Къутхарыучубуз Масих Иссаны шафауаты бла эм Аны билиу бла ёсюгюз. Анга уа энди да, ёмюрлюк кюнде да махтау болсун! Амин.