Ахия 15:4 - Сыйлы Инжил бла Забур

⁴ Менде болуп туругъуз, Мен да сизде турайым. Бутакъ, терекде турмаса, кесикесинден кёгет бералмагъаны кибик, Менде болуп турмасагъыз, сиз да битимли болмазсыз.

Ахия 15:4 Iomraidhean Croise

Маттай 12:33

Неда терекни ахшыгъа, аны кёгетин да ахшыгъа санагъыз; неда терекни аманнга, аны кёгетин да аманнга санагъыз; нек десегиз терек кёгетинден танылады.

Лука 8:15

Ахшы жерге тюшген а, ала сёзню эшитип, аны халал, таза жюрекде сакълагъанла эм тёзюмлюк бла тирлик бергенледиле», – деди. Муну айтып бошагъанлай: «Эшитирге къулакълары болгъан эшитсин!» – деп уллу айтды.

Ахия 14:20

Мен Атамда, сиз да Менде, Мен да сизде болгъаныбызны, сиз ол кюн билликсиз.

Ахия 17:23

Мен алада, Сен да Менде болуп, ала толу бирликге жетсинле эмда Мени Сен ийгенинги эм Мени сюйгенинг кибик, аланы да сюйгенинги дуния билсин.

Ахия 6:56

Мени чархымы ашагъан эм Мени къанымы ичген Менде жашайды, Мен да – анда.

Ахия 8:31

Ол заманда Исса Анга ийнаннган иудейлилеге: «Мени сёзюмде турсагъыз, сора сиз керти Мени сохталарымсыз.

Ишлери 11:23

Сыйлы Нюрден бла иймандан толгъан, огъурлу адам Барнаба, Антиохиягъа келгенинде ол адамлада Аллахны шафауатын кёрюп къууанды.

Ишлери 14:22

Ол жерледе сохталаны жюреклерине кёл этдирип, ийманда къаты турургъа тюшюндюрюп эм: «Аллахны Патчахлыгъына кёп инжилиуле бла кирирге керекбиз», – деп юйрете эдиле.

II Коринфлилеге 13:5

Сиз иймандамысыз – кесигиз-кесигизни сынагъыз, кесигиз-кесигизни тинтип къарагъыз. Масих Иссаны сизде болгъанын сиз кесигиз билмеймисиз? Алай болмаса, сиз сыналыугъа чыдаялмай къалыр эдигиз.

Галатиялылагъа 2:20

Сора энди уа мен жашамайма, алай а менде Масих жашайды. Энди чархымда жашай эсем а, сора мени сюйюп, Кесин мени ючюн берген Аллахны Уланына ийнаныуум бла жашайма.

Эфеслилеге 3:17

Ийманыгъыз бла Масих жюреклеригизде жашасын деп тилейме.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 2:6

Ол себепден, сиз Раббий Масих Иссаны къалай къабыл этген эсегиз да, Аны жолунда алай жюрюгюз.

I Фесалоникачылагъа 3:5

Ол себепден мен да, андан кёп тёзмей, терилтиучю сизни терилтип, бизни урунууубуз файдасыз болупму къалды деп, ийманыгъыздан хапар билир ючюн Тимотейни ийген эдим.

Чюйютлелеге 10:39

Биз а ийманларындан тайып жоюлгъанладан тюйюлбюз, алай а, ийманда туруп, жанларын къутхаргъанладанбыз.

I Ахия 2:6

„Жашауум Аллахдады“ деген адам Исса жюрюген жолда жюрюрге керекди.

II Ахия 1:9

Масихни юйретиуюн бузгъан эм ол юйретиуде турмагъан ким болсада, ол адамда Аллах жокъду; Масихни юйретиуюнде тургъанда Ата да, Улан да барды.